Click it and Unblock the Notifications
Just In
-
-
-
-
Don't Miss
-
നിവിന് പോളി വന്നത് പിന്നീട്; ഹേയ് ജൂഡിലേക്ക് ആദ്യം കാസ്റ്റ് ചെയ്തിരുന്നത് ആ നടനെ; അനില് അമ്പലക്കര -
നെഗറ്റീവ് എനര്ജി ഇല്ലാതാക്കും, സംരക്ഷണം നല്കും ഈ അമൂല്യ കല്ലുകള് -
വിവാഹത്തിന് വരൻ എത്തിയത് മദ്യപിച്ച് ലക്കുകെട്ട്; പത്തനംതിട്ടയിൽ അവസാനനിമിഷം വിവാഹം മുടങ്ങി -
പറന്നുയർന്ന് സ്വർണം, പവന്റെ വില ഉടൻ 60,000 കടക്കും, ഹൃദയം തകർന്ന് ആഭരണ പ്രേമികൾ -
IPL 2024: 6 തോല്വികള്, ആര്സിബിയുടെ പ്ലേ ഓഫ് സാധ്യത അവസാനിച്ചോ? പരിശോധിക്കാം -
എതിരാളികളെ വിറപ്പിച്ചും നാട്ടുകാരെ സന്തോഷിപ്പിച്ചും ഒരു 5ജി ഫോൺ; ഇപ്പോൾ 10000 രൂപയ്ക്ക് വാങ്ങാം -
മിന്നൽ വേഗത്തിൽ തലസ്ഥാനത്തെത്താം; മാനന്തവാടി-തിരുവനന്തപുരം മിന്നൽ ബസ്, സമയം റൂട്ട്
ഫോര്‍ഡ് – മഹീന്ദ്ര കൂട്ടുകെട്ടില്‍ നിന്നും പുതിയ ആസ്‌പൈര്‍ ഇലക്ട്രിക് വരുന്നൂ
സഹകരണം മെച്ചപ്പെടുത്തി പുതുതലമുറ കാറുകള്‍ ഒരുമിച്ച് നിര്‍മ്മിക്കുമെന്ന് ഫോര്‍ഡും മഹീന്ദ്രയും പ്രഖ്യാപിച്ചിട്ടുണ്ട്. മഹീന്ദ്രയുടെ പവര്‍ട്രെയിന്‍ ഉപയോഗിച്ച് പുതിയ എസ്‌യുവി അണിയറയില്‍ ഒരുങ്ങവെ, കൂട്ടുകെട്ടില്‍ നിന്നും ആദ്യ കാര്‍ ഉത്പാദന സജ്ജമായെന്നാണ് വിവരം. ഫോര്‍ഡ് ആസ്‌പൈറിന്റെ വൈദ്യുത പതിപ്പായിരിക്കും സംയുക്ത സംരഭത്തില്‍ നിന്നും ആദ്യം പുറത്തിറങ്ങുക.
റിപ്പോര്‍ട്ടുകള്‍ പ്രകാരം രാജ്യാന്തര വിപണിയിലുള്ള ആസ്‌പൈര്‍ ലോങ് വീല്‍ ബേസ് പതിപ്പിനെ അടിസ്ഥാനപ്പെടുത്തി വൈദ്യുത മോഡല്‍ ഇവിടെ അവതരിക്കും. നീളം നാലു മീറ്ററില്‍ത്താഴെയാണെങ്കില്‍ മാത്രമേ ആനുകൂല്യങ്ങള്‍ ലഭിക്കുകയുള്ളൂവെന്ന നിബന്ധന വൈദ്യുത വാഹനങ്ങള്‍ക്കില്ല. നിലവില്‍ ഫോര്‍ഡ് ഇന്ത്യയാണ് ആസ്‌പൈര്‍ ലോങ് വീല്‍ ബേസ് പതിപ്പിനെ വിദേശ രാജ്യങ്ങളിലേക്ക് നിര്‍മ്മിച്ച് കയറ്റുമതി ചെയ്യുന്നത്.
കാറിന് നാലു മീറ്ററില്‍ കൂടുതലാണ് നീളമെങ്കില്‍ ഉയര്‍ന്ന നികുതി ഇന്ത്യയില്‍ അടയ്‌ക്കേണ്ടതായുണ്ട്. നിലവില്‍ വൈദ്യുത കാറുകള്‍ക്ക് മുന്നില്‍ ഇത്തരമൊരു പ്രതിസന്ധിയില്ല. ഈ അവസരം പൂര്‍ണ്ണമായി വിനിയോഗിക്കാനാണ് മഹീന്ദ്രയുടെയും ഫോര്‍ഡിന്റെയും തീരുമാനം. ഇപ്പോഴുള്ള ആസ്‌പൈറിനെക്കാള്‍ ക്യാബിന്‍ വിശാലത ലോങ് വീല്‍ ബേസ് മോഡല്‍ അവകാശപ്പെടും.
ഡ്രൈവിങ് റേഞ്ച് കൂടിയ ഉയര്‍ന്ന ശേഷിയുള്ള ബാറ്ററി സംവിധാനം ഘടിപ്പിക്കാന്‍ ലോങ് വീല്‍ ബേസ് പതിപ്പാണ് അനുയോജ്യവും. പുതിയ കൂട്ടുകെട്ടിന്റെ അടിസ്ഥാനത്തില്‍ മഹീന്ദ്രയുടെ പവര്‍ട്രെയിനാണ് ആസ്‌പൈര്‍ ഇലക്ട്രിക് ഉപയോഗിക്കുന്നത്. 380V ശേഷിയുള്ള ലിഥിയം അയോണ്‍ ബാറ്ററി സംവിധാനം കാറില്‍ ഒരുങ്ങുമെന്ന് സൂചനയുണ്ട്. 67 bhp കരുത്തുത്പാദനം വൈദ്യുത മോട്ടോറില്‍ പ്രതീക്ഷിക്കാം.
ഒറ്റ ചാര്‍ജില്‍ 150 കിലോമീറ്റര്‍ ദൂരമോടാന്‍ ആസ്‌പൈര്‍ ഇലക്ട്രിക്കിന് കഴിയുമെന്നാണ് വിവരം. മണിക്കൂറില്‍ 110 കിലോമീറ്ററായിരിക്കും പരമാവധി വേഗം. ആകാരയളവ് പരിശോധിച്ചാല്‍ 4,254 mm നീളവും 1,695 mm വീതിയും 1,525 mm ഉയരവും ആസ്‌പൈര്‍ ലോങ് വീല്‍ ബേസ് പതിപ്പിനുണ്ട്.
Most Read: ലിമിറ്റഡ് എഡിഷനെന്നും പറഞ്ഞ് ഡീലര്‍ഷിപ്പ് വഞ്ചിച്ചു, ഉടമയ്ക്ക് പുതിയ കാര്‍ നല്‍കി സ്‌കോഡ
445 ലിറ്റര്‍ ബൂട്ട് ശേഷിയുണ്ടെങ്കിലും വൈദ്യുത പതിപ്പില്‍ ഏറിയ പങ്കും ബാറ്ററി സംവിധാനം കൈയ്യടക്കും. ഈ വര്‍ഷാവസാനം അല്ലെങ്കില്‍ അടുത്തവര്‍ഷം ആദ്യപാദം മോഡലിനെ വിപണിയില്‍ പ്രതീക്ഷിക്കാം. പവര്‍ട്രെയിന്‍ പങ്കിടുന്ന പശ്ചാത്തലത്തില്‍ ആസ്‌പൈര്‍ ഇലക്ട്രിക്കിനെ റീബാഡ്ജ് ചെയ്ത് അവതരിപ്പിക്കാനുള്ള സാധ്യത മഹീന്ദ്രയും തേടുന്നുണ്ട്.
Source: Autocar India
