Just In
- 9 hrs ago കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ
- 11 hrs ago ഇനി വെറും 10 നാൾ കൂടി; പൾസർ നിരയിലെ വല്യേട്ടൻ എൻഫീൽഡിന്റെ കച്ചോടം പൂട്ടിക്കുമോ?
- 12 hrs ago റിസ്ത മാത്രമല്ല, ഫാമിലികള്ക്ക് പറ്റിയ മറ്റൊരു ഇവി കൂടി വരുന്നുണ്ട്! അരങ്ങേറ്റത്തിന് ഇനി ദിവസങ്ങള് മാത്രം
- 13 hrs ago 69,999 രൂപയുടെ ഇലക്ട്രിക് സ്കൂട്ടർ ബുക്ക് ചെയ്തവരുണ്ടോ? വണ്ടി അടുത്തമാസം തരാമെന്ന് കമ്പനി
Don't Miss
- News വയനാട്ടില് പ്രചാരണം കൊട്ടിക്കലാശത്തിലേക്ക്: രാഹുലിനെതിരെ വിമര്ശനം കടുപ്പിച്ച് എല്ഡിഎഫ്
- Movies റിലേഷൻഷിപ്പിനോ വിവാഹത്തിനോ പറ്റില്ല; ജാസ്മിനോട് ഗബ്രി; എനിക്ക് വേണ്ട ഉത്തരം കിട്ടിയെന്ന് ജാസ്മിൻ!
- Sports IPL 2024: സെഞ്ച്വറി നേടി, പക്ഷെ റുതുരാജ് മണ്ടന് ക്യാപ്റ്റന്! തോല്വിക്ക് കാരണം ഈ പിഴവുകള്
- Lifestyle വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള്
- Technology ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ്
- Finance അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
പിക്കപ്പ് ട്രക്കായി മാറിയ മഹീന്ദ്ര സ്കോര്പിയോ — വീഡിയോ
ഇന്ത്യന് വിപണിയിലെ ഏറ്റവും പ്രശസ്തമായ എസ്യുവികളിലൊന്നാണ് മഹീന്ദ്ര സ്കോര്പിയോ. ജീപ്പ് ലൈസന്സില് നിര്മ്മിച്ച വാഹനങ്ങളും ബൊലേറോയുമല്ലാതെ കമ്പനി നിര്മ്മിച്ച ആദ്യ എസ്യുവിയാണ് സ്കോര്പിയോ. എസ്യുവിയുടെ എഴ്, എട്ട് സീറ്ററുകളൊഴികെ സ്കോര്പിയോ ഗെറ്റ്എവേ എന്നൊരു പതിപ്പ് കൂടി മഹീന്ദ്ര വിപണിയിലെത്തിച്ചിട്ടുണ്ട്. ഏറ്റവും പുതിയ സ്കോര്പിയോ ഗെറ്റ്എവേ രാജ്യാന്തര വിപണിയില് മാത്രമെ മഹീന്ദ്ര അവതരിപ്പിച്ചിട്ടുള്ളൂ.
ഇന്ത്യയില് സ്കോര്പിയോ ഗെറ്റ്എവേയുടെ മുന്തലമുറ മാത്രമാണ് വില്പ്പനയ്ക്കുള്ളത്. ഇതാണ് സ്കോര്പിയോ ഗെറ്റ്എവേ വാങ്ങുന്നതില് നിന്ന് പലരെയും പിന്തരിപ്പിക്കുന്ന ഘടകം. എന്നാല്, ഈ പ്രശ്നത്തിനൊരു പോംവഴി കണ്ടെത്തിയിരിക്കുകയാണ് Bimbra 4X4 എന്ന കസ്റ്റമൈസേഷന് സ്ഥാപനം.
ഇവിടെ മഹീന്ദ്ര സ്കോര്പിയോ എസ്യുവിയെ രൂപമാറ്റം വരുത്തി പിക്കപ്പ് ട്രക്ക് ആക്കിയിരിക്കുകയാണിവര്. ഇതുവരെ നമ്മള് കണ്ടിട്ടില്ലാത്തൊരു സ്കോര്പിയോയെയാണ് ഇവര് ഇവിടെ അവതരിപ്പിച്ചിരിക്കുന്നത്.
Most Read:ടൊയോട്ടയുടെ ആഢംബരം പകർത്തി ഫോഴ്സ് ടെംപോ ട്രാവലർ - വീഡിയോ
എസ്യുവിയിലെ ബോഡി പാനലുകളും മറ്റു ഭാഗങ്ങളും കൃത്യമായ രീതിയില് ഇടകലര്ത്തിയതായാണ് ചിത്രങ്ങളില് നിന്ന് വ്യക്തമാവുന്നത്. അതിനാല് തന്നെ വളരെ തിടുക്കപ്പെട്ട് തട്ടിക്കൂട്ടിയ മോഡിഫിക്കേഷനല്ല ഇതെന്ന് പറയാം.
കടും പച്ച നിറമാണ് ഇവിടെ സ്കോര്പിയോ എസ്യുവിയ്ക്ക് നല്കിയിരിക്കുന്നത്. ഇത് കാഴ്ചക്കാരുടെ ശ്രദ്ധയാകര്ഷിക്കുമെന്നതില് യാതൊരു സംശയവുമില്ല. സ്കോര്പിയോയുടെ ഏറ്റവും പുതിയ തലമുറ മോഡലാണ് ആ മോഡിഫിക്കേഷനായി ഇവര് തിരഞ്ഞെടുത്തിരിക്കുന്നത്.
എസ്യുവിയ്ക്ക് പുറകിലുള്ള സോഫ്റ്റ് ടോപ്പ് പൊടിപടലങ്ങള്, ചൂട് എന്നിവയില് നിന്ന് സുരക്ഷയേകും. സ്റ്റോക്ക് വീലുകള് തന്നെയാണ് മോഡിഫൈ ചെയ്ത ഈ മഹീന്ദ്ര സ്കോര്പിയോയിലുള്ളത്. അഞ്ച് സ്പോക്ക് സില്വര് റിമ്മുകളാണ് വീലുകളിലുള്ളത്.
ലോഹാവൃതമായ സ്കെല്ട്ടണ് എസ്യുവിയ്ക്ക് കവചമായി നിലകൊള്ളുന്നുണ്ട്. ക്യാബിനില് രണ്ട് സീറ്റുകള് മാത്രമെയുള്ളൂ എന്നതൊഴിച്ചാല് സ്റ്റോക്ക് നിലയില് തന്നെയാണ് സ്കോര്പിയോയുടെ ഇന്റീരിയറും നിലനിര്ത്തിയിരിക്കുന്നത്.
Most Read:പുതിയ നാഴികക്കല്ല് പിന്നിട്ട് മഹീന്ദ്ര മറാസോ
നടുവിലെയും പുറക് വശത്തെയു സീറ്റുകള് മാറ്റി മെറ്റല് ബെഡുകളാണ് പകരം ഒരുക്കിയിരിക്കുന്നത്. സ്കോര്പിയോയുടെ ഉയര്ന്ന വകഭേദത്തിലാണ് ഈ രൂപമാറ്റങ്ങള് വരുത്തിയിരിക്കുന്നതെന്നും പ്രത്യേകം പരാമര്ശിക്കേണ്ടതാണ്.
പുറകിലെ എസി വെന്റുകള് അതേപടി നിലനിര്ത്തിയിരിക്കുന്നതായി ചിത്രങ്ങളില് കാണാം. ആവശ്യത്തിനനുസരിച്ച് ഉപയോഗിക്കാവുന്നതും ശേഷം മടക്കി വയ്ക്കാവുന്ന രീതിയിലാണ് എസ്യുവിയിലെ സോഫ്റ്റ് ടോപ്പുകള് ഒരുക്കിയിരിക്കുന്നത്.
സ്റ്റോക്ക് യൂണിറ്റിലെ ടെയില് ലാമ്പുകളുടെ മാതൃക ഇവിടെ അനുയോജ്യമാകാത്തതിനാല് ദീര്ഘ ചതുരാകൃതിയിലാണ് രൂപമാറ്റം വരുത്തിയ ഈ മഹീന്ദ്ര സ്കോര്പിയോയിലെ ടെയില് ലാമ്പുകള് സജ്ജീകരിച്ചിരിക്കുന്നത്.
പുറകില് വരുത്തിയ മാറ്റങ്ങളൊഴിച്ചാല് മറ്റൊരു പ്രധാന പരിഷ്കാരങ്ങളും എസ്യുവിയില് വരുത്തിയിട്ടില്ല. പ്രധാനമായും പിക്കപ്പ് ട്രക്കിന്റെ ഭാവത്തിലേക്ക് എസ്യുവിയെ രൂപമാറ്റം വരുത്താനാണ് കസ്റ്റമൈസേഷന് സ്ഥാപനം ശ്രമിച്ചിട്ടുള്ളതെന്ന് ചിത്രങ്ങളില് വ്യക്തമാവുന്നുണ്ട്.
Most Read:ബൂസയെ പോപ്കോണ് മെഷീനാക്കി മാറ്റി ഒരുടമ - വീഡിയോ
ഈ മോഡിഫൈഡ് സ്കോര്പിയോ നിരത്തിലിറങ്ങിയാല് ആളുകളുടെ ശ്രദ്ധയാകര്ഷിക്കുമെന്നതില് യാതൊരു സംശയവുമില്ല. ഓഫ്റോഡ് ഡ്രൈവുകള് ഇഷ്ടപ്പെടുന്നവര്ക്ക് ഈ സ്കോര്പിയോ എസ്യുവി മുതല്ക്കൂട്ടാവുമെന്നാണ് പ്രതീക്ഷ.