മാരുതി എസ്സ്-പ്രെസ്സോ രണ്ടാം ടീസർ വീഡിയോ പുറത്ത്

ഓറഞ്ച് നിറത്തിൽ അനിയിച്ചൊരുക്കിയ വാഹനത്തിന്റെ ഡൈനാമിക് ഷോട്ടുകളാണ് ഈ ടീസർ വീഡിയോയിൽ മാരുതി വെളിപ്പെടുത്തുന്നത്. ഹാച്ച്ബാക്കിനെ വ്യത്യസ്തമായ ഒരു സമീപനത്തോടെ ടീസ് ചെയ്യാനാണ് കമ്പനി ശ്രമിച്ചിരിക്കുന്നത്. വാഹനത്തെ നോക്കി നിൽക്കുന്ന ഒരു വ്യക്തിയുടെ സൺഗ്ലാസിൽ പ്രതിഫലിക്കുന്ന തരത്തിലാണ് വാഹനം വീഡിയോയിൽ കാണിച്ചിരിക്കുന്നത്.

വീഡിയോയിൽ കോഫി ഉണ്ടാക്കുന്നതിനൊപ്പം എസ്സ്-പ്രെസ്സോയുടെ പേരും മാരുതി പരാമർശിച്ചിരിക്കുന്നു. ടീസർ വീഡിയോയിലും മുഴുവൻ ജനൽ ചില്ലുകളിലും, വഴിയിൽ തടം കെട്ടി കിടക്കുന്ന വെള്ളത്തിലും ഇങ്ങനെ പല വിധ വ്യത്യസ്ത പ്രതലങ്ങളിൽ ഹാച്ച്ബാക്കിന്റെ പ്രതിഫലിക്കുന്ന ഷോട്ടുകളും ഉൾപ്പെടുന്നു.

ടീസറുകൾ‌ക്ക് മുമ്പ് പലതവണ റോഡുകളിൽ‌ ഹാച്ച്ബാക്ക് പരീക്ഷണയോട്ടം നടത്തുന്നതിന്റെ ചിത്രങ്ങൾ പുറത്തു വന്നിരുന്നു. എറ്റവും ഒടുവിൽ മൂടികളൊന്നുമില്ലാതെ ഹാച്ച്ബാക്കിന്റെ പൂർണ്ണമായ ബാഹ്യ രൂപകൽപ്പന വെളിപ്പെടുത്തുന്ന ചിത്രങ്ങളും ചോർന്നിരുന്നു.

1.0 ലിറ്റർ ബിഎസ്-വി കംപ്ലയിന്റ് പെട്രോൾ എഞ്ചിനാവും എസ്സ്-പ്രെസ്സോ ഹാച്ച്ബാക്കിന് മാരുതി നൽകുന്നത്. 68 bhp കരുത്തും 90 Nm torque ഉം സൃഷ്ടിക്കുന്ന എഞ്ചിൻ അഞ്ച് സ്പീഡ് മാനുവൽ ഗിയർബോക്‌സുമായി ബന്ധിപ്പിച്ചിരിക്കുന്നു. AGS ഓട്ടോമാറ്റിക് ഗിയർബോക്സ് ഉയർന്ന വകഭേതങ്ങളിൽ കമ്പനി വാഗ്ദാനം ചെയ്യുന്നു.

2018 ഓട്ടോ എക്‌സ്‌പോയിൽ ആദ്യമായി പ്രദർശിപ്പിച്ച 'ഫ്യൂച്ചർ-S' കൺസെപ്റ്റിൽ നിന്ന് പ്രചോദനം ഉൾക്കൊണ്ട ഡിസൈനാണ് മാരുതി എസ്സ്-പ്രെസ്സോയിൽ വരുന്നത്. ഹാച്ച്ബാക്കിന് കൂടുതൽ ബോൾഡ് ലുക്ക് നൽകുന്നതിന് എൽഇഡി ഡേടൈം റണ്ണിംഗ് ലൈറ്റുകളുള്ള പ്രൊജക്ടർ ഹെഡ്‌ലാമ്പുകൾ, എൽഇഡി ടൈൽ‌ലാമ്പുകൾ, ഇരു വശങ്ങളിലും സ്‌കിഡ് പ്ലേറ്റുകൾ എന്നിവ നിർമ്മാതാക്കൾ ഒരുക്കിയിരിക്കുന്നു.

ബോക്‌സി ആകൃതിയും ഉയരമുള്ള രൂപകൽപ്പനയും കാരണം ഹാച്ച്ബാക്കിന്റെ അകത്തളം കൂടുതൽ വിശാലവും ആകർഷകവുമായിരിക്കും.

Most Read: വീട്ടില്‍ വൈദ്യുതി ഇല്ലാത്ത അവസരങ്ങളില്‍ ലീഫിനെ ആശ്രയിക്കാം

മാരുതി സുസുക്കിയുടെ ഏറ്റവും പുതിയ സ്മാർട്ട്പ്ലേ സ്റ്റുഡിയോ സംവിധാനത്തോടുകൂടിയ വലിയ ഇൻഫോടെയ്ൻമെന്റ് ഡിസ്പ്ലേയാണ്. കേന്ദ്രീകൃതമായി സ്ഥിതിചെയ്യുന്ന ഇൻസ്ട്രുമെന്റ് ക്ലസ്റ്റർ, പുഷ്-ബട്ടൺസ്റ്റാർട്ട് / സ്റ്റോപ്പ് , കീലെസ് എൻട്രി എന്നിവയാണ് മറ്റ് സവിശേഷതകൾ.

Most Read: ടൊയോട്ട ഫോർച്യൂണറന് വെല്ലുവിളിയായി ടെല്ലുറൈഡ് ആഡംബര എസ്‌യുവിയെ വിപണിയിലെത്തിക്കാൻ കിയ

ആൾട്ടോ 800, ആൾട്ടോ K10 എന്നിവ ഉൾപ്പെടുന്ന കമ്പനിയുടെ സമഗ്രമായ ഹാച്ച്ബാക്ക് നിരക്കോപ്പം എസ്സ്-പ്രെസ്സോ വിൽക്കപ്പെടും. അതിൽ . നിർമ്മാതാക്കളുടെ എൻ‌ട്രി ലെവൽ‌ ഹാച്ച്ബാക്ക് ലൈനപ്പിൽ ആൾട്ടോ K10 -ന് മുകളിലായിട്ടാവും എസ്സ്-പ്രെസ്സോയെ മാരുതി സ്ഥാപിക്കുന്നത്.

Most Read: 2019 ഓഗസ്റ്റിൽ ഏറ്റവുമധികം വിറ്റഴിക്കപ്പെട്ട എംപിവി മോഡലുകൾ

ഡാറ്റ്സൺ റെഡി-ഗോ, ഈ വർഷം അവസാനത്തോടെ മുഖം മിനുക്കി എത്തുന്ന റെനോ ക്വിഡ് എന്നിവയാവും എസ്സ്-പ്രെസ്സോയുടെ പ്രധാന എതിരാളികൾ. ഇതിന് മുമ്പ് വാഹനത്തിന്റെ ഡസൈൻ വെളിപ്പെടുത്തുന്ന ഒരു ടീസർ വീഡിയോ മാരുതി പുറത്തിറക്കിയിരുന്നു.