Just In
- 40 min ago പുതിയത് അങ്ങനെയാരും വാങ്ങുന്നില്ല, പക്ഷേ സെക്കൻഡ് ഹാൻഡ് വിപണിയിൽ ഈ കാർ വാങ്ങാൻ ലേഡീസിന്റെ കൂട്ടിയിടി
- 1 hr ago വൈബ്രേഷനില്ലാതെ കംഫര്ട്ട് ഓഫ്റോഡിംഗ്! ഇന്ത്യ കാത്തിരുന്ന അഡ്വഞ്ചര് ബൈക്കിന്റെ വില പ്രഖ്യാപിച്ച് സുസുക്കി
- 2 hrs ago ഉഷ്ണം ഉച്ചിയിൽ അടിക്കേണ്ട! കൊടും ചൂടിൽ ഓട്ടോമാറ്റിക് എസിയുമായി വരുന്ന ബജറ്റ് എസ്യുവികൾ ഇവയൊക്കെ
- 3 hrs ago ഇത് ശരിക്കും ഇവി വിപ്ലവം! റേഞ്ച് ആശങ്കയ്ക്ക് ബൈബൈ; വെറും 15 മിനിറ്റ് ചാർജിൽ 510 കിലോമീറ്റർ ഓടും ഷവോമിയുടെ കാർ
Don't Miss
- Sports IPL 2024: ജ്യോത്സ്യനാണോ? ഒരു ഓവറില് നാല് സിക്സ് അടിക്കുമെന്ന് പ്രവചിച്ച പരാഗ്; പഴയ ട്വീറ്റ് കുത്തിപ്പൊക്കി
- Movies 'അയാൾ അറിഞ്ഞുകൊണ്ട് സൗകര്യം ചെയ്യുന്നതുപോലെ തോന്നി, പരാതിപ്പെട്ടിട്ടും പുല്ലുവിലയാണ് തന്നത് ആലീസ് ക്രിസ്റ്റി'
- News കോൺഗ്രസിന്റെ കുരുക്ക് മുറുകുന്നു; വീണ്ടും ആദായ നികുതി നോട്ടീസ്, 1700 കോടി അടയ്ക്കണമെന്ന് നിർദ്ദേശം
- Technology അരലക്ഷം രൂപയുടെ ഡിസ്കൗണ്ട്; വിലക്കുറവിൽ ഐഫോൺ15 പ്രോ സ്വന്തമാക്കാൻ ഇതിലും മികച്ച അവസരമില്ലെന്ന് ഫ്ലിപ്പ്കാർട്ട്
- Finance ഹൃദയം തകർത്ത് സ്വർണം, പവന്റെ വില ആദ്യമായി 50,000 കടന്നു, ഒറ്റ രാത്രി കൂടിയത് 1,040 രൂപ
- Lifestyle Good Friday 2024: പള്ളികളിലെ മണിയൊച്ച നിലക്കും, മെഴുകുതിരി കത്തില്ല, കറുത്ത വസ്ത്രമണിയുന്ന ആ ദിനം
- Travel തേക്കടിയുടെ പൂക്കാലത്തിന് തുടക്കം.. തേക്കടി ഫ്ലവർ ഷോ കാണേണ്ടെ?
റോള്സ് റോയ്സ് കലിനന്റെ അപരന് ഇവിടുണ്ട് — വീഡിയോ
കലിനന്. അത്യാഢംബര വാഹന നിര്മ്മാതാക്കളായ റോള്സ് റോയ്സിന്റെ ആദ്യ എസ്യുവി. കഴിഞ്ഞ വര്ഷം ഡിസംബറിലാണ് റോള്സ് റോയ്സ് കലിനന് ഇന്ത്യയിലെത്തിയത്. കാറിന് വിലയാകട്ടെ 6.95 കോടി രൂപയും. എന്നാല് കലിനന് എസ്യുവികള് ഇന്ത്യന് നിരത്തുകളില് ഓടിത്തുടങ്ങുന്നതിന് മുമ്പെ റോള്സ് റോയ്സ് എസ്യുവിയുടെ പകര്പ്പുകള് രാജ്യത്ത് പ്രത്യക്ഷപ്പെടാന് തുടങ്ങിയിരിക്കുന്നു.
കഴിഞ്ഞ ദിവസം ഹൈദരാബാദില് വെച്ച് ക്യാമറ പകര്ത്തിയ 'നാടന്' റോള്സ് റോയ്സിന്റെ ദൃശ്യങ്ങള് സമൂഹ മാധ്യമങ്ങളില് പ്രചാരം നേടുകയാണ്. ബ്രിട്ടീഷ് നിര്മ്മാതാക്കളുടെ കലിനന് എസ്യുവിയാണ് മോഡിഫിക്കേഷന് ആധാരം. കലിനനിലേക്ക് വേഷം മാറിയതാകട്ടെ ഷെവര്ലെ ക്യാപ്റ്റിവയും.
കലിനന്റെ ഭാവപ്പകിട്ട് ക്യാപ്റ്റിവയിലേക്ക് സന്നിവേശിപ്പിക്കാന് സൃഷ്ടാക്കള് കിണഞ്ഞു ശ്രമിച്ചിട്ടുണ്ട്. എന്നാല് പ്രൗഢ ഗംഭീരമായ റോള്സ് റോയ്സ് എസ്യുവിയുടെ ഏഴയലത്തു വരില്ല, ഈ പകര്പ്പ്. എസ്യുവിയുടെ പാര്ശ്വങ്ങളില് കലിനന് മാതൃകയില് കട്ടിയേറിയ ക്രോം വിന്ഡോ ലൈന് കാണാം. എന്നാല് വിന്ഡോ ലൈനിന്റെ സ്ഥാനവും ആകൃതിയും യഥാര്ത്ഥ പതിപ്പിനോട് നീതിപുലര്ത്തുന്നില്ല.
Most Read: മാരുതി ബ്രെസ്സയ്ക്ക് എതിരെ കച്ചമുറുക്കി ഹ്യുണ്ടായി വെന്യു, ആദ്യ ചിത്രങ്ങള് പുറത്ത്
എതിര്ദിശയില് തുറക്കാവുന്ന സൂയിസയിഡ് ഡോറുകള് കലിനന്റെ പ്രധാന ആകര്ഷണമാണ്. പക്ഷെ മോഡിഫൈ ചെയ്തൊരുങ്ങിയ ഷെവര്ലെ ക്യാപ്റ്റിവയില് സമകാലിക ഡോര് ശൈലി തുടരുന്നു. ഇതേസമയം മോഡലില് ഒരുങ്ങിയിട്ടുള്ള ആഫ്റ്റര്മാര്ക്കറ്റ് അലോയ് വീലുകള് ഏറെക്കുറെ കലിനനുമായി യോജിച്ചു നില്ക്കും.
മുഖരൂപത്തിലാണ് പ്രധാന മാറ്റങ്ങള് മുഴുവന്. വലിയ റോള്സ് റോയ്സ് ഗ്രില്ല് മോഡിഫിക്കേഷന്റെ ഭാഗമായി എസ്യുവിയില് കാണാം. എന്നാല് ബോണറ്റില് വിഖ്യാതമായ 'സ്പിരിറ്റ് ഓഫ് എക്സ്റ്റസി' സ്ഥാപിക്കാന് സൃഷ്ടാക്കള് വിട്ടുപോയി. കലിനന് മാതൃകയില് ചതുര ഹെഡ്ലാമ്പുകളും തൊട്ടുതാഴെ വട്ടത്തിലുള്ള ഹെഡ്ലാമ്പുകളും എസ്യുവിയിലുണ്ട്.
മുന് ബമ്പറും റോള്സ് റോയ്സ് മോഡലിനെ ഓര്മ്മപ്പെടുത്തും. മോഡിഫിക്കേഷന്റെ ചിലവ് സംബന്ധിച്ച വിവരങ്ങള് വ്യക്തമല്ല. റോള്സ് റോയ്സ് കലിനന്റെ കാര്യമെടുത്താല് അലൂമിനിയം സ്പേസ് ഫ്രെയിമിലാണ് മോഡല് പുറത്തിറങ്ങുന്നത്. പുതുതലമുറ ഫാന്റവും ഇതേ അടിത്തറതന്നെ ഉപയോഗിക്കുന്നു.
Most Read: കാറില് എയര്ബാഗ് പുറത്ത് വന്നില്ല, കമ്പനിയ്ക്ക് രണ്ടര ലക്ഷം രൂപ പിഴ വിധിച്ച് കോടതി
22 ഇഞ്ച് വലുപ്പമുണ്ട് കലിനന് എസ്യുവിയുടെ അലോയ് വീലുകള്ക്ക്. 1930 -കളിലെ റോള്സ് റോയ്സ് കാറുകളെ അനുസ്മരിച്ച് ഡി-ബാക്ക് ആകാരമാണ് കലിനന് പാലിക്കുന്നത്. എസ്യുവിയുടെ പിന്നഴകിന് ഈ ശൈലി കൂടുതല് ചാരുത സമര്പ്പിക്കുന്നു. ബൂട്ട് ശേഷി 600 ലിറ്റര്.
മറ്റു റോള്സ് റോയ്സ് കാറുകളെ അപേക്ഷിച്ച് കൂടുതല് ആധുനികമാണ് കലിനന്റെ അകത്തളം. ആവശ്യാനുസരണം അഞ്ചു സീറ്ററായോ, നാലു സീറ്റററായോ കലിനനെ മാറ്റാം. ഇതിനു വേണ്ടി 'ഇന്ഡിവിജ്വല് സീറ്റ്' സംവിധാനം മോഡലിലുണ്ട്. വ്യൂയിംഗ് സ്യൂട്ട് പാക്കേജും റോള്സ് റോയ്സ് കലിനന്റെ സവിശേഷതയില്പ്പെടും.
ഓപ്ഷനലാണ് ഈ ഫീച്ചര്. പിറകിലെ ബൂട്ടില് രണ്ടു കസേരകളും ഒരു ചെറു ടേബിളും വ്യൂയിംഗ് സ്യൂട്ട് പാക്കേജിന്റെ ഭാഗമായി ഒരുങ്ങുന്നു. കലിനനിലെ 6.75 ലിറ്റര് ഇരട്ട ടര്ബ്ബോ V12 പെട്രോള് എഞ്ചിന് 571 bhp കരുത്തും 650 Nm torque ഉം സൃഷ്ടിക്കാന് ശേഷിയുണ്ട്. മണിക്കൂറില് 250 കിലോമീറ്ററാണ് എസ്യുവിയുടെ പരമാവധി വേഗം. ഓള് വീല് ഡ്രൈവുള്ള ആദ്യ റോള്സ് റോയ്സ് കാര് കൂടിയാണ് കലിനന്.
Source: Fayyazmas Khan