Just In
- 2 hrs ago പാവങ്ങളുടെ ലംബോർഗിനി ആവാനുള്ള യുദ്ധം ടാറ്റയും സിട്രണും തമ്മിൽ; ഇതിൽ മിടുക്കൻ ആരെന്ന് അറിയാം
- 3 hrs ago 40 കിട്ടിയില്ലെങ്കിലും 30 കിലോമീറ്ററിനടുത്തുണ്ട്! യുകെയില് വില്ക്കുന്ന സ്വിഫ്റ്റിന്റെ മൈലേജ് അറിയാം
- 4 hrs ago റീൽ എടുക്കണം ഗമ കാണിക്കണം, സോഷ്യൽ മീഡിയയിൽ വൈറലാവാൻ നടുറോഡിൽ ഇസൂസുവുമായി അഭ്യാസം
- 5 hrs ago ഇന്ത്യയ്ക്ക് പപ്പടം പായസം, UK-യ്ക്ക് ബീഫ് സ്റ്റീക്കും; 2024 സ്വിഫ്റ്റിന്റെ കാര്യത്തിൽ സുസുക്കിയുടെ നയം ഇങ്ങനെ
Don't Miss
- News ജോലി വാഗ്ധാനം ചെയ്ത് റഷ്യയില് എത്തിച്ചു: കബളിക്കപ്പെട്ട മലയാളികളെ തിരികെ എത്തിക്കാന് ശ്രമം തുടരുന്നു
- Movies കുടുംബത്തിലെ പ്രശ്നങ്ങൾ; മഞ്ജു ലൊക്കേഷനിൽ മൂഡ് ഓഫ് ആയിരുന്നു; തുറന്ന് പറഞ്ഞ് സംവിധായകൻ കമൽ
- Lifestyle അധികം മിനക്കെടാതെ ഹോട്ടല് സ്റ്റൈല് മഷ്റൂം പെപ്പര് ഫ്രൈ
- Technology പുതുമോടിക്ക് ഇരട്ടി മധുരം, ലോഞ്ചിന് ശേഷം ആദ്യമായി വൺപ്ലസ് 12ന് വില കുറഞ്ഞ മഹത്തായ ദിനം!
- Sports IPL 2024: വാശി കേറാന് കോലിയ്ക്ക് കെകെആര് ഡഗ്ഗൗട്ടിലേക്ക് നോക്കിയാ മതി; ഗംഭീറിനെ കുത്തി മുന് കെകെആര് താരം
- Finance 1 വർഷം കൊണ്ട് 50% അധികം നേട്ടം, 10,000 രൂപയുടെ എസ്ഐപി 1.5 ലക്ഷം രൂപയായി, വിശദമായി അറിയാം
- Travel തേക്കടിയുടെ പൂക്കാലത്തിന് തുടക്കം.. തേക്കടി ഫ്ലവർ ഷോ കാണേണ്ടെ?
എന്തു മൈലേജുണ്ട് പുതിയ ടാറ്റ ഹാരിയറിന്?
മാസങ്ങളുടെ കാത്തിരിപ്പ് സഫലം. ടാറ്റ ഹാരിയര് ഇന്ത്യയില് വില്പ്പനയ്ക്കെത്തി. ഹാരിയറിന്റെ വില പുറത്തുവന്നതോടെ ക്രെറ്റയും കോമ്പസും പരുങ്ങി നില്ക്കുകയാണ്. 12.69 ലക്ഷം രൂപ പ്രൈസ് ടാഗ് വിപണിയിലെ സമാവാക്യങ്ങള് മുഴുവന് തകിടംമറിക്കും. പ്രാരംഭ XE മോഡല് 12.69 ലക്ഷം രൂപയ്ക്കും XM മോഡല് 13.75 ലക്ഷം രൂപയ്ക്കുമാണ് ഷോറൂമുകളിലെത്തുന്നത്.
ഇടത്തരം XT മോഡലിന് വില 14.95 ലക്ഷം രൂപ. ഏറ്റവും ഉയര്ന്ന ഹാരിയര് XZ വകഭേദം വരുന്നതാകട്ടെ 16.25 ലക്ഷം രൂപയ്ക്കും. ചുരുക്കത്തില് ഹ്യുണ്ടായി ക്രെറ്റയുടെയും ജീപ്പ് കോമ്പസിന്റെയും വിപണി ഹാരിയര് മോഡലുകള് കവര്ന്നെടുക്കുന്നു.
ടാറ്റയുടെ പുതിയ ഫ്ളാഗ്ഷിപ്പ് എസ്യുവിയെ കുറിച്ചുള്ള വിവരങ്ങള് മുഴുവന് വിപണിക്ക് മനഃപാഠമായി കഴിഞ്ഞു. എന്നാല് ഹാരിയറിന് മൈലേജ് എന്തുലഭിക്കുമെന്ന കാര്യത്തില് മാത്രം സംശയങ്ങള് തുടരുകയാണ്.
Most Read: പഴയ മാരുതി എര്ട്ടിഗയ്ക്ക് വന്വിലക്കിഴിവ്, 1.08 ലക്ഷം രൂപ വരെ ഡിസ്കൗണ്ട്
ARAI (ഓട്ടോമൊട്ടീവ് റിസര്ച്ച് അസോസിയേഷന് ഓഫ് ഇന്ത്യ) പരിശോധനയില് 16.7 കിലോമീറ്റര് ഇന്ധനക്ഷമതയാണ് ടാറ്റ ഹാരിയര് കാഴ്ച്ചവെച്ചത്. മഹീന്ദ്ര XUV500 -യെക്കാളും കൂടുതലാണിത്. 2.2 ലിറ്റര് നാലു സിലിണ്ടര് ഡീസല് എഞ്ചിനുള്ള മഹീന്ദ്ര എസ്യുവി, ARAI ടെസ്റ്റില് കുറിച്ചത് 15 കിലോമീറ്റര് മൈലേജായിരുന്നു.
2.0 ലിറ്റര് നാലു സിലിണ്ടര് ടര്ബ്ബോ ഡീസല് എഞ്ചിനാണ് ഹാരിയറില്. 138 bhp കരുത്തും 350 Nm torque ഉം എഞ്ചിന് സൃഷ്ടിക്കും. അതേസമയം ഇന്ധനക്ഷമതയുടെ കാര്യത്തില് ഹ്യുണ്ടായി ക്രെറ്റയ്ക്കും ജീപ്പ് കോമ്പസിനും പിറകിലാണ് ടാറ്റ ഹാരിയര്. 19.6 കിലോമീറ്റര് മൈലേജ് ക്രെറ്റയുടെ ഡീസല് മാനുവല് മോഡലിനുണ്ട്.
കോമ്പസ് ഡീസല് (രണ്ടു വീല് ഡ്രൈവ്) പതിപ്പിനാവട്ടെ മൈലേജ് 17.1 കിലോമീറ്ററും. വലുപ്പവും ഭാരവും ഹാരിയറിന് മൈലേജ് കുറയാനുള്ള പ്രധാന കാരണങ്ങളാണ്. ക്രെറ്റയെക്കാളും കോമ്പസിനെക്കാളും വലുപ്പം ഹാരിയറിനുണ്ട്. ശ്രേണിയില് ഭാരവും കൂടുതല് ഹാരിയറിനാണ്. 1,680 കിലോ ഭാരം ഹാരിയര് കുറിക്കുന്നു.
ലാന്ഡ് റോവറില് നിന്നും ഉരുത്തിരിഞ്ഞ ഒമേഗ ആര്ക്ക് പ്ലാറ്റ്ഫോമാണ് ടാറ്റ ഹാരിയറിന് ആധാരമാവുന്നത്. 4,598 mm നീളവും 1,894 mm വീതിയും 1,706 mm ഉയരവും എസ്യുവി കുറിക്കും. വീല്ബേസ് 205 mm. ബോണറ്റുമായി ചേര്ന്ന ഡെയ്ടൈം റണ്ണിംഗ് ലൈറ്റുകളും ബമ്പറിലെ വിഭജിച്ച പ്രൊജക്ടര് ഹെഡ്ലാമ്പ് ഘടനയും കൂടി വ്യത്യസ്തമാണ് രൂപഭാവമാണ് ഹാരിയറിന് കല്പ്പിക്കുന്നത്.
ടാറ്റയുടെ ഹെക്സഗണല് ഡിസൈന് ശൈലി വലിയ ഗ്രില്ലില് നിറഞ്ഞനുഭവപ്പെടും. മുന്നില് സില്വര് നിറമുള്ള സ്കിഡ് പ്ലേറ്റുമുണ്ട് എസ്യുവിക്ക്. വലുപ്പത്തില് XUV500 -യെ ഹാരിയര് പിന്നിലാക്കും. ബോഡിയ്ക്ക് അടിവരയിട്ട് പോകുന്ന പ്ലാസ്റ്റിക് ക്ലാഡിംഗ് ഹാരിയറിന്റെ ഡിസൈന് സവിശേഷതയാണ്. 16 ഇഞ്ച് സ്റ്റീല് വീലുകള് അല്ലെങ്കില് 17 ഇഞ്ച് അലോയ് വീലുകള് മോഡലില് തിരഞ്ഞെടുക്കാം.
കറുത്ത C പില്ലറും ഒഴുകിയിറങ്ങുന്ന മേല്ക്കൂരയും ഹാരിയറിലേക്ക് കാഴ്ച്ചക്കാരുടെ ശ്രദ്ധ പിടിച്ചിരുത്തും. പിറകില് വീതികുറഞ്ഞ ടെയില്ലാമ്പുകള് ആകര്ഷണീയത കൂട്ടുന്നു. പിറകിലുമുണ്ട് സില്വര് നിറമുള്ള സ്കിഡ് പ്ലേറ്റ്.
Most Read: പുതിയ 'വലിയ' മാരുതി വാഗണ്ആര് എത്തി, വില 4.19 ലക്ഷം രൂപ മുതല്
പ്രൊജക്ടര് ഹെഡ്ലാമ്പുകള്, ഇന്ഡിക്കേറ്ററുകളായും പ്രവര്ത്തിക്കുന്ന ഡെയ്ടൈം റണ്ണിംഗ് ലൈറ്റുകള്, വൈദ്യുത പിന്തുണയാല് ക്രമീകരിക്കാവുന്ന മിററുകള്, പിന് പാര്ക്കിംഗ് സെന്സര് എന്നിവയെല്ലാം ഹാരിയര് മോഡലുകളുടെ അടിസ്ഥാന വിശേഷങ്ങളാണ്.
ഉള്ളിലും ധാരാളിത്തം കുറവല്ല. തുകല്, അലൂമിനിയം, തടി മുതലായവയുടെ സമ്മിശ്ര ഇടപെടല് അകത്തളത്തില് കാണാം. 8.8 ഇഞ്ച് ടച്ച്സ്ക്രീന് ഇന്ഫോടെയ്ന്മെന്റ് സംവിധാനവും ഒമ്പതു സ്പീക്കര് ജെബിഎല് ഓഡിയോ സംവിധാനവും പൂര്ണ്ണ ഡിജിറ്റല് TFT ഇന്സ്ട്രമെന്റ് ക്ലസ്റ്ററും ഹാരിയറില് പ്രത്യേകം പരാമര്ശിക്കണം.
ഇക്കോ, സിറ്റി, സ്പോര്ട് എന്നിങ്ങനെ മൂന്നു ഡ്രൈവിംഗ് മോഡുകള് ഹാരിയറിലുണ്ട്. കൂടാതെ ടെറെയ്ന് റെസ്പോണ്സ് മോഡുകളും എസ്യുവിയുടെ സവിശേഷതയാണ്. നിലവില് ഡീലര്ഷിപ്പുകളില് ടാറ്റ ഹാരിയര് ബുക്കിംഗ് തുടരുകയാണ്.
30,000 രൂപ മുന്കൂര് പണമടച്ച് ഉപഭോക്താക്കള്ക്ക് എസ്യുവി ബുക്ക് ചെയ്യാം. ഇന്ത്യന് വിപണിയില് ജീപ്പ് കോമ്പസ്, മഹീന്ദ്ര XUV500, നിസാന് കിക്ക്സ് തുടങ്ങിയ മോഡലുകളുമായാണ് ഹാരിയറിന്റെ മത്സരം.
Source: AutoCar India