Click it and Unblock the Notifications
ലോഡ്ജി എംപിവിക്ക് പകരക്കാരനെ അവതരിപ്പിക്കാനൊരുങ്ങി ഡാസിയ
രാജ്യത്തെ എംപിവി സെഗ്മെന്റിൽ ഒരു പേരും പ്രശസ്തിയും സൃഷ്ടിക്കുമെന്ന പ്രതീക്ഷയോടെ 2015 -ലാണ് റെനോ ലോഡ്ജി വിപണിയിലേക്ക് എത്തിച്ചത്.
വാഹനം ഒരു മതിപ്പുളവാക്കുന്നതിൽ പരാജയപ്പെടുകയും ഒടുവിൽ 2019 അവസാനത്തോടെ നിർത്തലാക്കുകയും ചെയ്തതിനാൽ അത്തരം പ്രതീക്ഷകൾ പെട്ടെന്നുതന്നെ തകർന്നു.
ലോഡ്ജിയോടുള്ള സമ്മിശ്ര വികാരങ്ങൾ ഇന്ത്യയിൽ മാത്രമല്ല, ഡാസിയയ്ക്ക് കീഴിൽ വിൽപ്പനയ്ക്ക് എത്തുന്ന നിരവധി യൂറോപ്യൻ വിപണികളിലുമുള്ളതായി തോന്നുന്നു. ഏഴ് സീറ്റുകളുള്ള ഒരു ഹൈബ്രിഡ് എസ്യുവി ഉപയോഗിച്ച് ഇത് മാറ്റിസ്ഥാപിക്കാനാണ് നിർമ്മാതാക്കളുടെ പദ്ധതി.
1999 -ൽ റെനോയ്ക്ക് വിൽക്കുന്നതിന് മുമ്പ് റൊമാനിയൻ ഗവൺമെന്റിന്റെ ഉടമസ്ഥതയിലായിരുന്നു ഡാസിയ. ലോഡ്ജിയുടെ എംപിവി ഘടകത്തിനപ്പുറം എന്താണുള്ളതെന്ന് കമ്പനി നോക്കുന്നു.
മാന്യമായ നിലവാരത്തിലുള്ള വിശ്വാസ്യതയോടെ വൃത്തിയായി രൂപകൽപ്പന ചെയ്ത വാഹനങ്ങൾ വാഗ്ദാനം ചെയ്യുന്നതിൽ പ്രശസ്തരായ ഡാസിയ അത് തുടരുമെന്ന് വ്യക്തമാക്കുന്നു.
MOST READ: ഫിംഗർപ്രിന്റ് സ്കാനറുകൾ കാറുകളിലേക്കും; 2021 ജെനസിസ് GV70 എസ്യുവി ഇനി കൂടുതൽ ആധുനികം
കൂടാതെ ഹൈബ്രിഡ് ബാൻഡ്വാഗണിൽ ചേരാനും എസ്യുവി സെഗ്മെന്റിലെ ട്രെൻഡ് പ്രയോജനപ്പെടുത്താനും കമ്പനി ശ്രമിക്കുന്നു.
ഫ്രഞ്ച് മാധ്യമങ്ങൾ പുറത്തുവിട്ട ഒരു റിപ്പോർട്ടിൽ ലോഡ്ജിയെ മാറ്റിസ്ഥാപിക്കുന്ന പുതിയ ഉൽപ്പന്നം യൂറോപ്യൻ വിപണികളിൽ തരക്കേടില്ലാത്ത പ്രകടനം കാഴ്ച്ചവെച്ച ക്രോസ്ഓവർ എസ്യുവി സാൻഡെറോയെ അടിസ്ഥാനമാക്കിയുള്ളതായിരിക്കും എന്ന് പറയുന്നു. 138 bhp കരുത്ത് ഉത്പാദിപ്പിക്കുന്ന 1.6 ലിറ്റർ ഹൈബ്രിഡ് എഞ്ചിനാവും പുതിയ കാറിന് ലഭിക്കുക എന്നും ഇത് സൂചിപ്പിക്കുന്നു.
പുതിയ വാഹനം വിപണിയിൽ ഒരു തരംഗം സൃഷ്ടിക്കുമോ? ഇത് ഒരു പ്രായോഗിക ഓപ്ഷനായി ഉയർന്നുവരുമോ? എന്നത് കണ്ടറിയണം.
ഫ്രാൻസും ജർമ്മനിയും പോലുള്ള രാജ്യങ്ങൾ ഇലക്ട്രിക്, അല്ലെങ്കിൽ ഹൈബ്രിഡ് വാഹനങ്ങൾക്ക് ആനുകൂല്യങ്ങൾ നൽകുന്ന സമയത്താണ് ഡാസിയ ഹൈബ്രിഡ് സാങ്കേതികവിദ്യയിൽ അരങ്ങേറ്റം കുറിക്കുന്നത്.
സർക്കാർ സബ്സിഡികളുടെ പിന്തുണയോടെ നവയുഗ വാഹനങ്ങൾ വാങ്ങാനുള്ള വർധിച്ചുവരുന്ന പ്രവണത ഇതിനകം തന്നെ റെനോയുടെ സോയെ വളരെയധികം സഹായിച്ചിട്ടുണ്ട്. ഇതേ സാഹചര്യങ്ങൾ ഡാസിയേയും പിന്തുണയ്ക്കാം.
Continue with Google