Click it and Unblock the Notifications
സെൽറ്റോസിനെ പിന്തള്ളി ക്രെറ്റ; തുടർച്ചയായ മൂന്നാം മാസവും ഹ്യുണ്ടായിക്ക് മേൽകൈ
കൊവിഡ്-19 മഹാമാരി മൂലം രാജ്യമൊട്ടാകെ ഏർപ്പെടുത്തിയ ലോക്ക്ഡൗണിന് ശേഷം വാഹന വിപണി അല്പം മെച്ചപ്പെട്ട അവസ്ഥയിലേക്ക് എത്തുകയാണ്.
അൺലോക്കിന്റെ ആദ്യ മാസമായ ജൂണിൽ പറയതക്ക വിൽപ്പന ഉണ്ടായിരുന്നില്ല എങ്കിലും ജൂലൈയിലെ കണക്കുകൾ സ്ഥിതിഗതികൾ മെച്ചപ്പെടുന്നു എന്ന് വ്യക്തമാക്കുന്നു. ഇപ്പോഴും എസ്യുവി ശ്രേണിക്കാണ് ആവശ്യക്കാർ ഏറെയും.
2020 ജൂലൈയിൽ 11,549 യൂണിറ്റുകളുടെ വിൽപ്പന രജിസ്റ്റർ ചെയ്തുകൊണ്ട് പുതുതലമുറ ഹ്യുണ്ടായി ക്രെറ്റ മിഡ്-സൈസ് എസ്യുവി വിഭാഗത്തിൽ ഒന്നാം സ്ഥാനം നിലനിർത്തി. ഇവ മൊത്ത ഫാക്ടറി ഡിസ്പാച്ച് കണക്കുകളാണ്, യഥാർത്ഥ വിൽപ്പന സംഖ്യകൾ അല്പം കുറവായിരിക്കാം.
MOST READ: പുറംമോടി പോലെ അകത്തളവും സാപോർട്ടിയർ, മാഗ്നൈറ്റിന്റെ ഇന്റീരിയർ ചിത്രങ്ങളുമായി നിസാൻ
ഇതേ കാലയളവിൽ കിയ മോട്ടോർസിന് 8,270 യൂണിറ്റ് സെൽറ്റോസ് മാത്രമാണ് അയയ്ക്കാൻ സാധിച്ചത്. കഴിഞ്ഞ മൂന്ന് മാസം തുടർച്ചയായി ക്രെറ്റ തന്റെ സഹോദരനായ സെൽറ്റോസിനേക്കാൾ കൂടുതൽ വിൽപ്പന കരസ്ഥമാക്കി.
2020 മെയ്, ജൂൺ മാസങ്ങളിൽ യഥാക്രമം 3,212 യൂണിറ്റ്, 7,202 യൂണിറ്റ് എന്നീ സംഖ്യകൾ ക്രെറ്റ വിറ്റഴിച്ചപ്പോൾ കിയ സെൽറ്റോസ് മെയിൽ 1,611 യൂണിറ്റും, ജൂണിൽ 7,114 യൂണിറ്റുമാണ് വിറ്റഴിച്ചത്.
കിയ സെൽറ്റോസിനേക്കാൾ ശക്തമായ ബ്രാൻഡ് റീക്കോൾ ഹ്യുണ്ടായി ക്രെറ്റയ്ക്ക് ഉണ്ട്, ഇത് പ്രതിമാസ വിൽപ്പനയിൽ വ്യക്തമായി പ്രതിഫലിക്കുന്നു.
എന്നിരുന്നാലും, ഈ വിൽപന നമ്പറുകൾ പ്രാരംഭ സമാരംഭ ഹൈപും തീർച്ചപ്പെടുത്തിയിട്ടില്ലാത്ത ബുക്കിംഗുകളും കാരണമാകാം. മാത്രമല്ല ദീർഘകാലാടിസ്ഥാനത്തിൽ ക്രെറ്റയുടെ വിൽപ്പന നിരക്കുകൾ എങ്ങനെയെന്നത് നമുക്ക് കണ്ടറിയാം.
Continue with Google