Just In
- 31 min ago ബജറ്റ് ഇവി പ്ലാനുകൾക്ക് തുടക്കം കുറിച്ച് ഹ്യുണ്ടായി; മെയ്ഡ് ഇൻ ഇന്ത്യ ക്രെറ്റ ഇവി ഉടൻ
- 1 hr ago ആവേശമുയർത്തി 2024 സ്വിഫ്റ്റിൻ്റെ പുത്തൻ പരസ്യവീഡിയോ, വാങ്ങാൻ ഉണ്ട് ഒരുപാട് കാരണങ്ങൾ
- 1 hr ago ലോകം ഇനി ബജാജിനെ ഉറ്റുനോക്കും! ഇതുപോലൊരു ടൂവീലര് ഇതുവരെ ആരും പുറത്തിറക്കിയിട്ടില്ല
- 2 hrs ago ഥാറിന്റെ 'അപ്പൻ തമ്പുരാൻ'; മുഖംമിനുക്കി ജീപ്പ് റാങ്ലറിന്റെ എഴുന്നള്ളത്ത്; വില കേട്ടാൽ ഞെട്ടും
Don't Miss
- Movies 'നിർഭാഗ്യം കൊണ്ട് ഇതെല്ലാം സംഭവിച്ചു... എനിക്ക് പ്രധാനം നിന്റെ ആരോഗ്യമാണ്, നീ ഇതിനോടകം വിജയിയായി കഴിഞ്ഞു'
- News 'തൃശൂരിൽ ബിജെപി 28000ത്തിലധികം കള്ളവോട്ടുകൾ ചേർത്തു, പട്ടികയിൽ സുരേഷ് ഗോപിയുടെ ജീവനക്കാരും'; ടിഎൻ പ്രതാപൻ
- Sports T20 World Cup 2024: ഹാര്ദിക് വേണ്ട! പകരം ദുബെ, സഞ്ജു ടീമില്; ഇതാ ഭാജിയുടെ 15 അംഗ സ്ക്വാഡ്
- Technology മറന്ന WIFI പാസ്സ്വേഡ് ഇവിടെ തപ്പിയാൽ മതി! ഈ വിദ്യ ഒന്ന് പരീക്ഷിച്ച് നോക്കൂ
- Lifestyle പഞ്ചസാര വില്ലനല്ല, അമിതവണ്ണമുണ്ടാകുന്നത് പഞ്ചസാര ഇങ്ങനെ ഉപയോഗിക്കുമ്പോഴാണ്
- Finance കീശ ചോരില്ല, ഈ രണ്ട് ഓഹരികൾ വാങ്ങാമെന്ന് ബ്രോക്കറേജ്, നേട്ടം എത്രയാണെന്ന് നോക്കാം
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ഓട്ടോ എക്സ്പോ 2020: കാത്തിരിപ്പ് അവസാനിച്ചു, ജിംനിയെ ഇന്ത്യയിൽ എത്തിച്ച് മാരുതി
നടന്നുകൊണ്ടിരിക്കുന്ന ഓട്ടോ എക്സ്പോയുടെ പതിനഞ്ചാം പതിപ്പിൽ ജിംനി എസ്യുവിയെ പ്രദർശിപ്പിച്ച് മാരുതി സുസുക്കി. ആഭ്യന്തര വിപണിയിൽ ജിംനിയെ അവതരിപ്പിക്കാൻ പദ്ധതിയില്ലെന്ന് മാരുതി ഒന്നിലധികം തവണ പരാമർശിച്ചത് വാഹന ലോകത്ത് ഏറെ ചർച്ച ചെയ്യപ്പെട്ടിരുന്നു.
എങ്കിലും നീണ്ട കാത്തിരിപ്പിനൊടുവിൽ എസ്യുവിയെ ഇന്ത്യയിൽ അവതരിപ്പിക്കാൻ കമ്പനി തയ്യാറാവുകയായിരുന്നു. 2018 ജൂലൈയിൽ ആഗോളതലത്തിൽ അരങ്ങേറ്റം കുറിച്ചതിന് ഏകദേശം ഒന്നര വർഷത്തിന് ശേഷമാണ് എസ്യുവിയുടെ ഇന്ത്യയിലെ ഔദ്യോഗിക അരങ്ങേറ്റം.
കോംപാക്ട് ഡിസൈനും മികച്ച ഓഫ്-റോഡ് കഴിവുകളും ഉള്ള സുസുക്കി ജിംനി ഒരു എഞ്ചിനീയറിംഗ് അത്ഭുതമാണ്. മാത്രമല്ല സുസുക്കിയുടെ എഞ്ചിനീയറിംഗ് കഴിവുകളെക്കുറിച്ച് വ്യക്തമായ സന്ദേശമാണ് ജിംനി നൽകുന്നതെന്ന് മാരുതി സുസുക്കി ഇന്ത്യ ലിമിറ്റഡിന്റെ മാനേജിംഗ് ഡയറക്ടറും CEO-യുമായ കെനിചി അയുകാവ പറഞ്ഞു.
വിശ്വസനീയമായ ഡ്രൈവിംഗും മികച്ച ഹാൻഡിലിങും ഉറപ്പുവരുത്തി രൂപകൽപ്പന ചെയ്തിരിക്കുന്ന സുസുക്കി വാഹനം അഡ്വഞ്ചർ പ്രേമികളുടെ പ്രിയ മോഡലാണ്. ജിംനിയോടുള്ള ഇന്ത്യൻ ഉപഭോക്താക്കളുടെ പ്രതികരണം വിലയിരുത്തുന്നതിനായാണ് ഓട്ടോ എക്സ്പോയിൽ വാഹനം പ്രദർശിപ്പിച്ചിരിക്കുന്നതെന്നും കെനിചി അയുകാവ കൂട്ടിച്ചേർത്തു.
പുതിയ ജിംനി ഒരു ലാഡർ ഫ്രെയിം ചേസിസ് അടിസ്ഥാനമാക്കിയുള്ളതാണ്. കൂടാതെ ഒരു യഥാർത്ഥ എസ്യുവിയിൽ ഒരാൾ പ്രതീക്ഷിക്കുന്ന എല്ലാ ഘടകങ്ങളും വാഹനത്തിൽ ഉൾപ്പെടുത്തിയിട്ടുണ്ട്. ജിംനിക്ക് ഒരു പാർട്ട് ടൈം ഫോർവീൽ ഡ്രൈവ് സജ്ജീകരണവും 3-ലിങ്ക് ആക്സിൽ സസ്പെൻഷനും ലഭിക്കുന്നു. ഇത് എല്ലാത്തരം ഭൂപ്രദേശങ്ങളിലൂടെയും സഞ്ചരിക്കാൻ വാഹനത്തെ പ്രാപ്തമാക്കുന്നു.
വികസിതമായ ജിംനിക്ക് 1.5 ലിറ്റർ പെട്രോൾ എഞ്ചിനാണ് കരുത്തേകുന്നത്. അത് 5 സ്പീഡ് മാനുവൽ, 4 സ്പീഡ് ഓട്ടോമാറ്റിക് ഗിയർബോക്സ് എന്നിവയുമായി യോജിക്കുന്നു. എസ്യുവിയിൽ ഡീസലോ ഹൈബ്രിഡ് ഓപ്ഷനുകളോ സുസുക്കി വാഗ്ദാനം ചെയ്യുന്നില്ല എന്നത് ശ്രദ്ധേയമാണ്.
സുരക്ഷയുടെ കാര്യത്തിൽ ജിംനിക്ക് രണ്ട് എസ്ആർഎസ് എയർബാഗുകൾ, എബിഎസ് വിത്ത് സ്റ്റെബിലിറ്റി കൺട്രോൾ പ്രോഗ്രാം എന്നിവ ലഭിക്കുന്നു. കൂടാതെ ‘സുസുക്കി സേഫ്റ്റി സപ്പോർട്ട്' എന്നറിയപ്പെടുന്ന പുതിയ സുരക്ഷാ സ്യൂട്ടും കമ്പനി വാഹനത്തിൽ അടുത്തിടെ അവതരിപ്പിച്ചിരുന്നു. കൂട്ടിയിടിക്ക് മുമ്പ് മുന്നറിയിപ്പ് നൽകാൻ ഡ്രൈവറിന് വിഷ്വൽ, ഓഡിയോ എയ്ഡുകൾ സിസ്റ്റം നൽകുന്നു.
ഡ്രൈവറിൽ നിന്ന് മതിയായ പ്രതികരണമില്ലെങ്കിൽ കൂട്ടിയിടി ഒഴിവാക്കാൻ സിസ്റ്റം ബ്രേക്കിംഗ് ഫോഴ്സും വർധിപ്പിക്കുന്നു. കൂടാതെ ലെയ്ൻ-പുറപ്പെടൽ മുന്നറിയിപ്പുകൾ, വേവിങ് അലേർട്ട് ഫംഗ്ഷൻ, ഉയർന്ന ബീം അസിസ്റ്റ് തുടങ്ങിയവയും ലഭിക്കുന്നു.
ഇന്ത്യയിൽ എത്തിയ ജിംനി പുതിയതല്ല. ഇത് മാരുതിയുടെ തന്നെ പ്രിയ വാഹനമായ ജിപ്സിയുടെ രണ്ടാം തലമുറ മോഡലാണ്. എക്സ്പോയിൽ നിന്നും ലഭിക്കുന്ന പ്രതികരണം മികച്ചതാണെങ്കിൽ, എസ്യുവിയെ രാജ്യത്തേക്ക് കൊണ്ടുവരുന്നതിനെ കുറിച്ച് മാരുതി പരിഗണിക്കാം.
എന്നാൽ ആഭ്യന്തര വിപണിയിൽ മാരുതിക്ക് നേരിടേണ്ടിവരുന്ന ഒരു പ്രധാന വെല്ലുവിളിയായിരിക്കും ജിംനിയുടെ പിൻ ഡോറുകളുടെ അഭാവം. ഏകദേശം ഏഴ് മുതൽ എട്ട് ലക്ഷം രൂപ വരെയായിരിക്കും ഇന്ത്യയിൽ ജിംനിയുടെ എക്സ്ഷോറൂം വില.