Click it and Unblock the Notifications
നിസാൻ മാഗ്നൈറ്റിന്റെ ബുക്കിംഗ് അനൗദ്യോഗികമായി ആരംഭിച്ച് ഡീലർഷിപ്പുകൾ
മാഗ്നൈറ്റ് എസ്യുവി പുറത്തിറക്കുന്നതിന് മുന്നോടിയായി, ഇന്ത്യയിലെ തെരഞ്ഞെടുത്ത നിസാൻ ഡീലർഷിപ്പുകൾ ഇതിനായി അനൗദ്യോഗിക ബുക്കിംഗ് സ്വീകരിക്കാൻ തുടങ്ങി. 11,000 രൂപയാണ് ടോക്കൺ ബുക്കിംഗ് തുക.
നിസാൻ മാഗ്നൈറ്റിന്റെ വിലയെക്കുറിച്ചുള്ള വാർത്തകൾ ഞങ്ങൾ ഇതിനകം റിപ്പോർട്ട് ചെയ്തിരുന്നു, 5.50 ലക്ഷം രൂപ മുതൽ 8.65 ലക്ഷം രൂപ വരെയാണ് വാഹനത്തിന്റെ എക്സ്-ഷോറൂം വില.
പുറത്തിറങ്ങുന്നതോടെ നിസാൻ മാഗ്നൈറ്റ് അതിന്റെ വിഭാഗത്തിലെ ഏറ്റവും താങ്ങാവുന്ന വാഹനമായി മാറും. ജാപ്പനീസ് ബ്രാൻഡിന്റെ ഡാറ്റ്സൺ സബ് ബ്രാൻഡിന് കീഴിൽ നിലവിലെ നിരയിൽ ഗോ, ഗോ+, റെഡി-ഗോ എന്നിവയ്ക്കൊപ്പം കിക്ക്സും ഉൾപ്പെടുന്നു.
MOST READ: ട്യൂസോൺ എസ്യുവിക്കും N ലൈൻ വേരിയന്റ് ഒരുങ്ങുന്നു; കാണാം ടീസർ ചിത്രങ്ങൾ
ഖേദകരമെന്നു പറയട്ടെ, ഈ വാഹനങ്ങൾക്ക് ഇന്ത്യൻ വിപണിയിൽ കാര്യമായ വിൽപ്പനയൊന്നും ലഭിച്ചിട്ടില്ല. വിപണിയിൽ വിൽപന വിജയം ആസ്വദിക്കാമെന്ന പ്രതീക്ഷയിലാണ് കമ്പനി മാഗ്നൈറ്റിനെ പുറത്തിറക്കുന്നത്.
CMF-A+ പ്ലാറ്റ്ഫോമിലാണ് മാഗ്നൈറ്റ് വികസിപ്പിച്ചെടുത്തത്, ഇത് റെനോ ക്വിഡിന്റെയും ട്രൈബറിന്റെയും പ്ലാറ്റ്ഫോമിന്റെ പരിഷ്ക്കരിച്ച പതിപ്പാണ്.
MOST READ: പോളോ, വെന്റോ മോഡലുകൾക്ക് 1.35 ലക്ഷം രൂപയോളമുള്ള ഓഫറുകളുമായി ഫോക്സ്വാഗണ്
ഫ്രഞ്ച് നിർമ്മാതാക്കൾ അടുത്ത വർഷം മാഗ്നൈറ്റിനെ അടിസ്ഥാനമാക്കി പുതിയ സബ് ഫോർ മീറ്റർ എസ്യുവി അവതരിപ്പിക്കും, ഇതിന് റെനോ കൈഗർ എന്ന് നാമകരണം ചെയ്യുമെന്ന് പ്രതീക്ഷിക്കുന്നു.
ചെറിയ നിസാൻ ക്രോസ്ഓവർ രണ്ട് പെട്രോൾ എഞ്ചിൻ ഓപ്ഷനുകളിൽ ലഭ്യമാണ്. ആദ്യത്തേത് 1.0 ലിറ്റർ, ഇൻലൈൻ ത്രീ, നാച്ചുറലി ആസ്പിറേറ്റഡ് എഞ്ചിനാണ്. ഇത് പരമാവധി 71 bhp കരുത്തും 96 Nm torque ഉം ഉത്പാദിപ്പിക്കുന്നു. എഞ്ചിൻ അഞ്ച് സ്പീഡ് മാനുവൽ ട്രാൻസ്മിഷനുമായി ജോടിയാകും.
രണ്ടാമത്തെ എഞ്ചിൻ ഓപ്ഷൻ 1.0 ലിറ്റർ, മൂന്ന്-സിലിണ്ടർ, ടർബോചാർജ്ഡ് മോട്ടോർ ആയിരിക്കും, ഇത് യഥാക്രമം 100 bhp കരുത്തും 160 Nm torque ഉം വികസിപ്പിക്കുന്നു.
ഈ മോട്ടോർ അഞ്ച് സ്പീഡ് മാനുവൽ ട്രാസ്മിഷനിലേക്ക് സ്റ്റാൻഡേർഡായി ഇണചേരും, ഒരു CVT ഗിയർബോക്സ് ഓപ്ഷനായി കമ്പനി വാഗ്ദാനം ചെയ്യും. ബിഎസ് VI കാലഘട്ടത്തിലെ മറ്റ് നിർമ്മാതാക്കളെപ്പോലെ നിസാൻ ഒരു ഡീസൽ എഞ്ചിൻ ഓപ്ഷൻ വാഗ്ദാനം ചെയ്യില്ല.
MOST READ: ഇനിയും മുന്നോട്ട്: 50,000 യൂണിറ്റ് വിൽപ്പനയെന്ന നാഴികക്കല്ല് താണ്ടി ജാവ
360 ഡിഗ്രി ക്യാമറ, 7.0 ഇഞ്ച് പൂർണ്ണ ഡിജിറ്റൽ TFT ഇൻസ്ട്രുമെന്റ് ക്ലസ്റ്റർ, വയർലെസ് ആൻഡ്രോയിഡ് ഓട്ടോ, ആപ്പിൾ കാർപ്ലേ എന്നിവപോലുള്ള സെഗ്മെന്റ് ആദ്യ സവിശേഷതകളും മാഗ്നൈറ്റിന് ഉണ്ടാകും.
16 ഇഞ്ച് ഡ്യുവൽ ടോൺ അലോയി വീലുകൾ, എൽഇഡി ഹെഡ്ലാമ്പുകൾ, ഡിആർഎൽ, പവർ ക്രമീകരിക്കാവുന്ന ഒആർവിഎം, ഓട്ടോമാറ്റിക് ക്ലൈമറ്റ് കൺട്രോൾ, കീലെസ് എൻട്രി, 8.0 ഇഞ്ച് ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റം എന്നിവയും ഇതിലുണ്ട്.
പുറത്തിറങ്ങിയതിന് ശേഷം നിസാൻ മാഗ്നൈറ്റ് വിപണിയിൽ മാരുതി ബ്രെസ്സ, കിയ സോനെറ്റ്, ഹ്യുണ്ടായി വെന്യു, ടാറ്റ നെക്സോൺ, മഹീന്ദ്ര XUV300, ഫോർഡ് ഇക്കോസ്പോർട്ട്, ടൊയോട്ട അർബൻ ക്രൂസർ എന്നിവയ്ക്കെതിരെ മത്സരിക്കും.
Continue with Google