ഇക്കോസ്പോർട്ട് S & SE വേരിയന്റുകൾക്ക് പുതിയ TVC പങ്കുവെച്ച് ഫോർഡ്

പുതുതായി അവതരിപ്പിച്ച പതിപ്പ് ഇക്കോസ്പോർട്ട് SE എന്നറിയപ്പെടുന്നു, ടെയിൽ ഗേറ്റിൽ ഒരു സ്പെയർ വീൽ ഇല്ലാതെ ഇത് വാഗ്ദാനം ചെയ്യുന്നു. ടെയിൽ ഗേറ്റിൽ ഘടിപ്പിച്ചിരിക്കുന്ന സ്‌പെയർ വീലുള്ള പതിവ് പതിപ്പിനെ S വേരിയന്റ് എന്നും വിളിക്കുന്നു.

വിപണിയിൽ സബ് -ഫോർ മീറ്റർ കോംപാക്ട് എസ്‌യുവികളുടെ പ്രവണത ആരംഭിച്ച എസ്‌യുവികളിൽ ഒന്നാണ് ഫോർഡ് ഇക്കോസ്‌പോർട്ട്. ഇക്കോസ്പോർട്ടിന്റെ പുതുതായി അവതരിപ്പിച്ച SE വേരിയന്റിനായി ഫോർഡ് ഇപ്പോൾ ഒരു പുതിയ TVC പുറത്തിറക്കി.

ഫോർഡ് ഇന്ത്യ തങ്ങളുടെ ഔദ്യോഗിക യൂട്യൂബ് ചാനലിൽ വീഡിയോ അപ്‌ലോഡ് ചെയ്തു. പുതുതായി അവതരിപ്പിച്ച SE വേരിയന്റിൽ അമേരിക്കൻ, യൂറോപ്യൻ സമപ്രായക്കാരിൽ നിന്ന് കടമെടുത്ത ഡിസൈൻ സൂചകങ്ങൾ ഉൾക്കൊള്ളുന്നു, അവിടെ കോംപാക്ട് എസ്‌യുവി പിന്നിൽ ഘടിപ്പിച്ച സ്‌പെയർ വീൽ ഇല്ലാതെ വിൽക്കുന്നു.

ഫോർഡ് പുറത്തിറക്കിയ പുതിയ TVC, അവർ ലക്ഷ്യമിടുന്ന ഉപഭോക്താക്കളുടെ വേരിയന്റും തരവും തമ്മിലുള്ള വ്യത്യാസം കാണിക്കുന്നു.

TVC -ൽ ഫോർഡ് സമാനമായ ഒരു ജോഡി ഇരട്ടകളെ അവതരിപ്പിക്കുകയും അവർ നേരിടുന്ന വെല്ലുവിളികളെ നർമ്മ രൂപത്തിൽ കാണിക്കുകയും ചെയ്യുന്നു. അവർ രണ്ടുപേർക്കും വെവ്വേറെ വ്യക്തിത്വങ്ങളുണ്ടെങ്കിലും അവരോട് ഒരേപോലെയാണ് മറ്റുള്ളവർ പെരുമാറുന്നത്, ഇരട്ടകൾ ഒടുവിൽ ഈ പ്രവണതയിൽ മടുത്തു. പിന്നീട് അവർ സമാനമായി കാണപ്പെടുന്നതും എന്നാൽ വ്യത്യസ്തവുമായ ഇക്കോസ്പോർട്ട് SE, ഇക്കോസ്പോർട്ട് S എന്നിവ കണ്ടെത്തുന്നു.

ഫോർഡ് ഇപ്പോൾ പുറത്തിറക്കിയ TVC സേം, സേം ബട്ട് ഡിഫറൻഡ് എന്നാണ് അറിയപ്പെടുന്നത്- ഫോർഡ്, ഉപഭോക്താക്കളുടെ വിട്ടുവീഴ്ചയില്ലാത്ത മനോഭാവത്തെ മാനിക്കുന്നു, വ്യക്തികൾക്ക് അവരുടെ തെരഞ്ഞെടുപ്പുകളിൽ വ്യത്യാസം വേണമെന്നും സമ്മതിക്കുന്നു.

ഫോർഡിൽ, തങ്ങളുടെ ഉപഭോക്താക്കളുടെ വൈവിധ്യമാർന്ന ആവശ്യങ്ങൾ നിറവേറ്റുന്നതിനും ഇക്കോസ്പോർട്ട് S, SE എന്നിവ പോലെ അവർക്ക് ആവശ്യമുള്ളതും മൂല്യവും നൽകുന്ന ഒരു ഉൽപ്പന്ന നിര വാഗ്ദാനം ചെയ്യുന്നതിനും തങ്ങൾ പ്രതിജ്ഞാബദ്ധരാണ് എന്ന് ഫോർഡ് ഇന്ത്യയിലെ മാർക്കറ്റിംഗ് വൈസ് പ്രസിഡന്റ് രാഹുൽ ഗൗതം പറഞ്ഞു.

ഇരട്ട സഹോദരങ്ങളുടെ റഫറൻസ് ഉപയോഗിച്ചുള്ള തങ്ങളുടെ ഏറ്റവും പുതിയ ടെലിവിഷൻ ക്യാമ്പയിനും ഈ പ്രതിബദ്ധതയെ പ്രതിഫലിപ്പിക്കുകയും മികച്ച സുരക്ഷ, സുഖസൗകര്യങ്ങൾ, ഡ്രൈവിംഗ് കംഫർട്ട് എന്നിവ വാഗ്ദാനം ചെയ്യുമ്പോൾ തന്നെ ഇക്കോസ്പോർട്ട് S & SE രണ്ട് വ്യത്യസ്ത ഉപഭോക്തൃ വ്യക്തിത്വങ്ങളെ എങ്ങനെ തൃപ്തരാക്കുന്നുവെന്നും കാണിക്കുന്നു.

ഫോർഡ് ഇക്കോസ്പോർട്ട് SE വേരിയൻറ് ഉപഭോക്താവിനെ രണ്ട് വ്യത്യസ്ത ബോഡി സ്റ്റൈലുകൾക്കിടയിൽ തിരഞ്ഞെടുക്കാൻ അനുവദിക്കുന്നു. അടുത്തിടെ പുറത്തിറക്കിയ SE വേരിയന്റിന് യഥാർത്ഥത്തിൽ ടോപ്പ് എൻഡ് S -ന് താഴെയായി സ്ഥാപിച്ചിരിക്കുന്നു.

SE വേരിയന്റിൽ, ഫോർഡ് ഒരു സ്പേസ് സേവർ പോലും വാഗ്ദാനം ചെയ്യുന്നില്ല. പകരം, ഫോർഡ് ഉപഭോക്താക്കൾക്ക് ഒരു പഞ്ചർ റിപ്പയർ കിറ്റ് വാഗ്ദാനം ചെയ്യുന്നു.

ഫോർഡ് ഇക്കോസ്പോർട്ട് SE വേരിയന്റ് പിൻ‌ഭാഗം ഒഴികെ എല്ലാ കോണുകളിൽ‌ നിന്നും S പതിപ്പിന് സമാനമാണ്. രജിസ്ട്രേഷൻ പ്ലേറ്റ് ഹോൾഡറിനെ ടെയിൽ ഗേറ്റിലേക്ക് മാറ്റി എന്നത് മാത്രമെ ചെയ്തിട്ടുള്ളൂ. ബമ്പറിന്റെ താഴത്തെ ഭാഗത്ത് ഒരു സിൽവർ നിറത്തിലുള്ള സ്‌കിഡ് പ്ലേറ്റ് ലഭിക്കുന്നു.

ഈ സൂക്ഷ്മമായ മാറ്റങ്ങൾ S വേരിയന്റിൽ നിന്ന് ഇക്കോസ്പോർട്ട് SE -യെ വേർതിരിക്കുന്നു. ടച്ച്‌സ്‌ക്രീൻ ഇൻഫോടെയ്ൻമെന്റ് സ്‌ക്രീൻ, കണക്റ്റഡ് കാർ ടെക്‌നോളജി, എയർബാഗുകൾ, ABS+EBD, ESP, റിയർ പാർക്കിംഗ് ക്യാമറ, സെൻസറുകൾ, ട്രാക്ഷൻ കൺട്രോൾ തുടങ്ങിയവ വാഗ്ദാനം ചെയ്യുന്നു.

എഞ്ചിന്റെയും ട്രാൻസ്മിഷന്റെയും കാര്യത്തിൽ. ഒരേ 1.5 ലിറ്റർ പെട്രോൾ, ഡീസൽ എഞ്ചിനുകളാണ് ഇവയിൽ പ്രവർത്തിക്കുന്നത്. പെട്രോൾ എഞ്ചിൻ 122 bhp കരുത്തും 149 Nm torque ഉം സൃഷ്ടിക്കുന്നു. മാനുവൽ, ഓട്ടോമാറ്റിക് ഗിയർബോക്സ് ഓപ്ഷനുകളിൽ ഈ എഞ്ചിൻ ലഭ്യമാണ്. 1.5 ലിറ്റർ ഡീസൽ എഞ്ചിൻ 100 bhp കരുത്തും 215 Nm torque ഉം സൃഷ്ടിക്കുന്നു.