ഓൾ-ഇലക്‌ട്രിക് കോംപാക്‌ട് എസ്‌യുവിയുമായി ജീപ്പ് എത്തും

ആഗോള വിപണിയിൽ ജീപ്പ് ഒരു പുതിയ കോംപാക്‌ട് എസ്‌യുവിയും അവതരിപ്പിക്കും. എൻട്രി ലെവൽ റെനെഗേഡ് മോഡലിന് താഴെയായി ഇടംപിടിക്കുന്ന ഈ മോഡൽ സമ്പൂർണ ഇലക്ട്രിക് മോഡലായിരിക്കും എന്നതാണ് ശ്രദ്ധേയം.

ഓൾ-ഇലക്ട്രിക് കോംപാക്‌ട് ജീപ്പ് എസ്‌യുവി അവതരിപ്പിക്കാനുള്ള പദ്ധതി ബ്രാൻഡിന്റെ അടുത്തിടെ പ്രഖ്യാപിച്ച വൈദ്യുതീകരണ പദ്ധതികൾക്ക് അനുസൃതമാണ്. വാഹനത്തെ കുറിച്ചുള്ള വിശദാംശങ്ങൾ ഇപ്പോഴും വിരളമാണ്.

എങ്കിലും വരാനിരിക്കുന്ന കോംപാക്‌ട് എസ്‌യുവി ജീപ്പിന്റെ സിഗ്നേച്ചർ ഡിസൈൻ, സെവൻ സ്ലാറ്റ് ഗ്രിൽ, ഷോർട്ട് ഫ്രണ്ട്, റിയർ ഓവർഹാംഗുകൾ, ട്രപസോയിഡൽ വീൽ ആർച്ചുകൾ എന്നിവ ഉപയോഗിക്കുമെന്ന് ഉറപ്പിക്കാം.

എൻട്രി ലെവൽ ഇലക്ട്രിക് ജീപ്പ് എസ്‌യുവിയുടെ അവതരണം എന്നുണ്ടാകുമെന്നും അമേരിക്കൻ ബ്രാൻഡ് ഇതുവരെ ഔദ്യോഗികമായി അറിയിച്ചിട്ടില്ല. ഗ്രൂപ്പ് പി‌എസ്‌എയുടെ കോമൺ മോഡുലാർ പ്ലാറ്റ്ഫോം അടിസ്ഥാനമാക്കിയായിരിക്കും ഇവി ഒരുങ്ങുക.

ഇത് ഇന്ത്യയിൽ വരാനിരിക്കുന്ന സിട്രൺ C3 കോം‌പാക്‌ട് എസ്‌യുവിയെയും സഹായിക്കും. ജീപ്പിന്റെ കോം‌പാക്‌ട് ഇലക്ട്രിക് പതിപ്പിന് 4-വീൽ ഡ്രൈവ് സിസ്റ്റം ഉൾക്കൊള്ളാൻ സാധ്യതയില്ല. കാരണം സി‌എം‌പി പ്ലാറ്റ്ഫോം നിലവിൽ പൂഷോ e-208, e-2008 കോർസ e എന്നിവ പോലുള്ള നിരവധി ഇലക്ട്രിക് മോഡലുകളിൽ ഉപയോഗിച്ചുവരുന്നുണ്ട്.

ഇവയിലൊന്നും 4-വീൽ ഡ്രൈവ് സിസ്റ്റം ഉപയോഗിക്കുന്നില്ല എന്നതിലാണ് ഈ അനുമാനം. അടുത്തിടെ പ്രഖ്യാപിച്ച സ്റ്റെല്ലാന്റിസിന്റെ പുതിയ ഇലക്ട്രിക് സാങ്കേതികവിദ്യയും ജീപ്പിന് ഉപയോഗിക്കാം. ഓൾ-ഇലക്ട്രിക് STLA ചെറിയ പ്ലാറ്റ്ഫോം 2026 ഓടെ അവതരിപ്പിക്കും.

കൂടാതെ രണ്ട് ആക്‌സിലുകളിലും ഇലക്ട്രിക് മോട്ടോറുകളുള്ള 4-വീൽ ഡ്രൈവ് അവതരിപ്പിക്കാൻ ഇത് അനുയോജ്യമാണ്. ഈ പ്ലാറ്റ്‌ഫോമിൽ 37 കിലോവാട്ട്സ് വരെ ബാറ്ററികൾ ഉൾക്കൊള്ളാൻ കഴിയുമെന്നതാണ് മറ്റൊരു പ്രത്യേകത.

നിലവിലുള്ള ഇ-സി‌എം‌പി പ്ലാറ്റ്‌ഫോമിനെ അടിസ്ഥാനമാക്കി നിരത്തിലെത്തുന്ന കാറുകളേക്കാൾ കൂടുതൽ ശ്രേണിയും ഇതിന് നൽകാൻ കഴിയും. അതായത് ഏകദേശം 482 കിലോമീറ്റർ ശ്രേണി വാഗ്ദാനം ചെയ്യാനാണ് സ്റ്റെല്ലാന്റിസ് ഇതിലൂടെ ലക്ഷ്യമിടുന്നത്.

Source: Auto Express