5-ഡോർ ജിംനിക്ക് തുടിപ്പേകാൻ മൈൽഡ്-ഹൈബ്രിഡ് സംവിധാനമുള്ള ടർബോ പെട്രോൾ എഞ്ചിൻ

ഈ വർഷം അവസാനമോ അടുത്ത വർഷത്തിന്റെ തുടക്കമോ സുസുക്കി ജിംനിയുടെ ലോംഗ് വീൽബേസ് പതിപ്പ് അവതരിപ്പിക്കുമെന്നാണ് കമ്പനി വൃത്തങ്ങളിൽ നിന്നും ഇപ്പോൾ ലഭിക്കുന്ന സൂചന. തുടർന്ന് എസ്‌യുവി 2022 ജൂലൈയിൽ വിപണിയിലുമെത്തും.

ടർബോചാർജ്ഡ് പെട്രോൾ എഞ്ചിനൊപ്പം പുതിയ ജിംനി ലോംഗ് വീൽബേസ് പതിപ്പ് അണിരത്തുമെന്നാണ് റിപ്പോർട്ട്. എസ്‌യുവിയുടെ ഭാരവും വലിപ്പവും വർധിച്ചതാണ് ഈ നീക്കത്തിന് പിന്നിലുള്ള പ്രധാന കാരണം.

MOST READ: ആഢംബര കാറുകളോട് കിടപിടിക്കുന്ന അകത്തളവുമായി കിയ സോനെറ്റ്; വീഡിയോ

അഞ്ച് ഡോർ ജിംനിക്ക് മൈൽഡ്- ഹൈബ്രിഡ് സംവിധാനമുള്ള ടർബോചാർജ്ഡ് പെട്രോൾ എഞ്ചിൻ ലഭിക്കുമെന്ന് പ്രതീക്ഷിക്കുന്നു. അതായത് 5 സ്പീഡ് മാനുവൽ അല്ലെങ്കിൽ 4 സ്പീഡ് ഓട്ടോമാറ്റിക് ഗിയർബോക്സുമായി ജോടിയാക്കിയ 1.5 ലിറ്റർ പെട്രോൾ എഞ്ചിനോടൊപ്പം ടർബോ-പെട്രോൾ ഓപ്ഷനും വാഹനത്തിന് ലഭ്യമാകുമെന്ന് സാരം.

സുസുക്കി വിദേശത്ത് വാഗ്ദാനം ചെയ്യുന്ന 1.4 ലിറ്റർ ടർബോ-പെട്രോൾ എഞ്ചിന്റെ രൂപത്തിലാണ് ഇത് കൂടുതലും വരുന്നത്. ഇത് ബ്രാൻഡിന്റെ മൈൽഡ്-ഹൈബ്രിഡ് സിസ്റ്റം സ്റ്റാൻഡേർഡായി ചേർത്താണ് വരുന്നത്. പക്ഷേ ഇത് ഇന്ത്യയിൽ ഓപ്ഷണലാകാം.

MOST READ: ഇന്ത്യയിൽ ലഭ്യമായ ഏറ്റവും താങ്ങനാവുന്ന മൂന്ന് ക്രൂയിസർ മോട്ടോർസൈക്കിളുകൾ

2018-ൽ വിദേശത്ത് സമാരംഭിച്ചതിനുശേഷം നാലാം തലമുറ ജിംനി വളരെയധികം ശ്രദ്ധയാണ് മറ്റ് വിപണികളിൽ നിന്നും പോലും സ്വന്തമാക്കിയത്. കയറ്റുമതിക്കായി ഇന്ത്യയിൽ ത്രീ-ഡോർ മോഡലിന്റെ ഉത്പാദനം ആരംഭിച്ചുകൊണ്ട് സുസുക്കിക്ക് വിതരണത്തെ പിന്തുണയ്‌ക്കേണ്ടിയും വന്നു.

2020 ഓട്ടോ എക്‌സ്‌പോയിൽ മോഡലിനെ പ്രദർശിപ്പിച്ചിരുന്നെങ്കിലും ഇത് ഇവിടെ അവതരിപ്പിക്കുമോയെന്ന് കമ്പനി ഇതുവരെ സ്ഥിരീകരിച്ചിട്ടില്ല. എന്തായലും അവതരിപ്പിച്ചാൽ സ്റ്റാൻഡേർഡ് ത്രീ-ഡോർ പതിപ്പിനേക്കാൾ 300 മില്ലിമീറ്റർ അധിക നീളവും 100 കിലോഗ്രാം അധിക ഭാരവുമുള്ള 5-ഡോർ പതിപ്പായിരിക്കും രാജ്യത്ത് എത്തുക.

MOST READ: കാണാന്‍ ഗുമ്മുണ്ടേലും, എഞ്ചിന്‍ പ്രകടനത്തില്‍ ഇവര്‍ അത്രപോര! പരിചയപ്പെടാം 5 കാറുകളെ

സ്റ്റൈലിംഗിന്റെ കാര്യത്തിൽ എസ്‌യുവിക്ക് കുറച്ച് മാറ്റങ്ങൾ ലഭിക്കും. നിലവിലെ അഞ്ച്-സ്ലോട്ട് ലംബ സജ്ജീകരണത്തിന് പകരമായി ഒരൊറ്റ തിരശ്ചീന സ്ലാറ്റ് ഉപയോഗിച്ച് പുനർരൂപകൽപ്പന ചെയ്ത ഫ്രണ്ട് ഗ്രിൽ ലഭിക്കുമെന്ന് പ്രതീക്ഷിക്കുന്നു. നിലവിലുള്ള 3-ഡോർ ജിംനിക്ക് സുസുക്കി ഒരു സൗമ്യമായ ഫെയ്‌സ്‌ലിഫ്റ്റും നൽകും.

ഇന്ത്യയിൽ എത്തുമ്പോൾ ജിംനിയുടെ വില 10 ലക്ഷം രൂപയിൽ നിന്ന് ആരംഭിക്കുമെന്നാണ് പ്രതീക്ഷിക്കുന്നത്. മഹീന്ദ്ര ഥാർ, വരാനിരിക്കുന്ന ബിഎസ്-VI ഫോഴ്‌സ് ഗൂർഖ എന്നിവയുമായാകും മാരുതിയുടെ എസ്‍യുവി മാറ്റുരയ്ക്കുക.