ഹൈ പോർഫോമെൻസ് പട്രോൾ നിസ്മോ എസ്‌യുവി പുറത്തിറക്കി നിസാൻ

5.6 ലിറ്റർ നാച്ചുറലി ആസ്പിറേറ്റഡ് V8 എഞ്ചിൻ 428 bhp കരുത്തും 560 Nm torque ഉം പട്രോൾ നിസ്മോ പുറപ്പെടുവിക്കുന്നു. 385,000 ദിർഹമാണ് വാഹനത്തിന്റെ വില, അതായത് 76.73 ലക്ഷം രൂപ. മിഡിൽ ഈസ്റ്റിലെ ഉപഭോക്താക്കൾക്ക് മാത്രമായി നിർമ്മാതാക്കൾ ഇത് ലഭ്യമാകും.

ഡിസൈൻ

പട്രോൾ നിസ്മോ പുനർനിർമ്മിച്ച ഒരു ഫ്രണ്ട് ഫാസിയയുമായി വരുന്നു, അതിൽ V ആകൃതിയിലുള്ള ഗ്രില്ല്, ഹണി‌കോമ്പ് മെഷ് ഡിസൈൻ, C ആകൃതിയിലുള്ള ഡി‌ആർ‌എല്ലുകൾ, എൽ‌ഇഡി ഹെഡ്‌ലാമ്പുകൾ എന്നിവ ഉൾപ്പെടുന്നു.

MOST READ: സ്‌മാർട്ട്ഫോണിൽ നിന്നും ഇലക്‌ട്രിക് കാറിലേക്ക്, പുതിയ ഇവി യൂണിറ്റിനായി 10 ബില്യൺ ഡോളർ നിക്ഷേപിക്കുമെന്ന് ഷവോമി

ഫ്രണ്ട് ബമ്പർ മികച്ച എയറോഡൈനാമിക്സിനായി രൂപകൽപ്പന ചെയ്‌തിരിക്കുന്നു, കൂടാതെ സൈഡ് ഡക്ടുകളും ലഭിക്കുന്നു, ഇത് സീറോ ലിഫ്റ്റ് ഫോർസിന് കാരണമാകുമെന്ന് നിസാൻ അവകാശപ്പെടുന്നു.

കാറിന്റെ പുതുക്കിയ പിൻ വിഭാഗത്തിൽ C ആകൃതിയിലുള്ള എൽഇഡി ടെയിൽ‌ലാമ്പുകളും ഫാൽക്കൺ വിംഗുകളിൽ നിന്ന് പ്രചോദനം ഉൾക്കൊണ്ട് റിയർ ഡിഫ്യൂസറുള്ള സ്കൾപ്പ്റ്റഡ് ബമ്പറുമുണ്ട്.

MOST READ: ഹംബിൾ വൺ; ലോകത്തിലെ ആദ്യ സോളാർ ഇലക്ട്രിക് എസ്‌യുവി അവതരിപ്പിച്ച് അമേരിക്കൻ സ്റ്റാർട്ടപ്പ്

ഡിഫ്യൂസറിന്റെ മധ്യഭാഗത്തായി സ്ഥിതിചെയ്യുന്ന ഫോർമുല-വൺ റേസ്‌കാർ പോലുള്ള ഫോഗ് ലാമ്പും നിസ്സാൻ നൽകിയിട്ടുണ്ട്. കൂടാതെ, ഇതിന് 22 ഇഞ്ച് മെഷീൻ കട്ട് അലോയികളും ലഭിക്കുന്നു. കാറിന്റെ ഫ്രണ്ട് സ്പ്ലിറ്റർ, സൈഡ് സ്കേർട്ടുകൾ, റിയർ ഡിഫ്യൂസർ എന്നിങ്ങനെ ചില പാനലുകളിൽ റെഡ് ഇൻസേർട്ടുകളുണ്ട്.

ഇന്റീരിയർ

അൽകന്റാര, സീറ്റുകൾക്കും മറ്റ് ഘടകങ്ങൾക്കുമുള്ള ഫാബ്രിക് അപ്ഹോൾസ്റ്ററി എന്നിവ റെഡ്, ബ്ലാക്ക് ഇരട്ട-ടോൺ നിറങ്ങളിൽ ഒരുക്കിയിരിക്കുന്നു. വാഹനത്തിന്റെ സ്റ്റിയറിംഗും അൽകന്റാരയിൽ പൊതിഞ്ഞിരിക്കുന്നു.

MOST READ: ബി‌എം‌ഡബ്ല്യുവിനുമുണ്ട് പ്രീമിയം സ്‌കൂട്ടർ, C 400 X, C 400 GT മോഡലുകളുടെ പുതുക്കിയ പതിപ്പ് വിപണിയിൽ

പൂർണ്ണ ഡിജിറ്റൽ ഇൻസ്ട്രുമെന്റ് ക്ലസ്റ്ററും ആപ്പിൾ കാർപ്ലേയെ പിന്തുണയ്ക്കുന്ന ഇൻഫോടെയ്ൻമെന്റ് സ്ക്രീനും വാഹനത്തിൽ വരുന്നു. മാത്രമല്ല, വയർലെസ് ചാർജിംഗ് പാഡ്, യുഎസ്ബി A, C പോർട്ടുകൾ തുടങ്ങിയവയും ഒരുക്കിയിരിക്കുന്നു.

സവിശേഷതകൾ

നിസാൻ ഇന്റലിജന്റ് മൊബിലിറ്റി (NIM) സാങ്കേതികവിദ്യകളുടെ സഹായത്തോടെ, നിസാൻ ഇന്റലിജന്റ് എമർജൻസി ബ്രേക്കിംഗ്, പെഡസ്ട്രിയൻ ഡിറ്റക്ഷൻ, ഇന്റലിജന്റ് ഫോർ‌വേഡ് കൊളീഷൻ വാർണിംഗ്, സ്മാർട്ട് റിയർ-വ്യൂ മിറർ, ഹൈ-ബീം അസിസ്റ്റ് എന്നിവയാണ് പട്രോൾ നിസ്മോയിൽ നിർമ്മാതാക്കൾ നൽകിയിരിക്കുന്നത്. ഇതിന് നിസ്മോ ട്യൂൺ ചെയ്ത ബിൽസ്റ്റെയിൻ ഷോക്ക് അബ്സോർബറുകളും ലഭിക്കും.

MOST READ: പുതിയ എസ്‌യുവി തന്ത്രം; ടി-റോക്കിന്റെ പുത്തൻ ബാച്ചും ഇന്ത്യയിൽ അവതരിപ്പിച്ച് ഫോക്‌സ്‌വാഗണ്‍, വില 21.35 ലക്ഷം

2021 ഏപ്രിൽ മുതൽ മിഡിൽ ഈസ്റ്റ് വിപണിയിൽ വാഹനം വിൽപ്പനയ്ക്കെത്തും. നിസാൻ പട്രോൾ നിസ്മോ ഇന്ത്യൻ വിപണിയിലേക്ക് എത്താൻ സാധ്യതയില്ല.