തെരഞ്ഞെടുത്ത മോഡലുകളില്‍ സിഎന്‍ജി കിറ്റുകള്‍ നല്‍കാനൊരുങ്ങി ടാറ്റ

ടാറ്റ മോട്ടോര്‍സ് പാസഞ്ചര്‍ വെഹിക്കിള്‍ വിഭാഗം പ്രസിഡന്റ് ശൈലേഷ് ചന്ദ്ര അടുത്തിടെ നടത്തിയ അഭിമുഖത്തിലാണ്, തെരഞ്ഞെടുത്ത മോഡലുകളെ ഫാക്ടറി ഘടിപ്പിച്ച സിഎന്‍ജി കിറ്റുകള്‍ ഉപയോഗിച്ച് 2022 ഓടെ സജ്ജമാക്കുമെന്ന് സ്ഥിരീകരിച്ചത്.

സിഎന്‍ജി ഓപ്ഷന്‍ ലഭിക്കുന്ന മോഡലുകള്‍ ഏതെല്ലാമായിരിക്കുമെന്ന് ഔദ്യോഗിക സ്ഥിരീകരണം ഒന്നും തന്നെ ഇല്ലെങ്കിലും, അത് ടിയാഗൊ, ടിഗോര്‍, ആള്‍ട്രോസ് എന്നിവയായിരിക്കുമെന്ന് റിപ്പോര്‍ട്ടുകള്‍ സൂചന നല്‍കുന്നു. ഈ ഊഹം ശരിയാണെങ്കില്‍, പെട്രോള്‍, ഡീസല്‍, സിഎന്‍ജി എന്നിങ്ങനെ മൂന്ന് ഇന്ധന ഓപ്ഷനുകളുമായി ആള്‍ട്രോസ് വില്‍പ്പനയ്ക്ക് എത്തും.

MOST READ: ഇനിയുള്ള മോഡലുകൾ സാധാരണക്കാർക്ക്, കൂടുതൽ താങ്ങാവുന്ന വിലയിൽ സിട്രൺ കാറുകൾ ഒരുങ്ങും

മൂന്ന് മോഡലുകളും ഒരേ 86 bhp കരുത്തും 113 Nm torque ഉം ഉത്പാദിപ്പിക്കുന്ന 1.2 ലിറ്റര്‍ ത്രീ സിലിണ്ടര്‍ പെട്രോള്‍ എഞ്ചിനാണ് ഉപയോഗിക്കുന്നത്. എന്നിരുന്നാലും, സിഎന്‍ജി വേരിയന്റിനൊപ്പം പവര്‍ കണക്കുകള്‍ അല്പം കുറയുകയും ഇന്ധനക്ഷമത 30 കിലോമീറ്റര്‍ വരെയാകുകയും ചെയ്യും.

5 സ്പീഡ് മാനുവല്‍ ഓഫര്‍ ചെയ്യുന്ന ഒരേയൊരു ഗിയര്‍ബോക്‌സാകും വാഹനത്തിന് ലഭിക്കുക. സിഎന്‍ജി വേരിയന്റുകള്‍ക്ക് ICE-യില്‍ പ്രവര്‍ത്തിക്കുന്ന വാഹനങ്ങളേക്കാള്‍ 50,000 രൂപ വരെ കൂടുതലാകുമെന്നാണ് സൂചന.

MOST READ: പ്രീ-പെയ്ഡ് സേവന പാക്കേജുകള്‍ ആരംഭിച്ച് ടൊയോട്ട; കൈനിറയെ ആനുകൂല്യങ്ങളും

മറ്റ് കാറുകളില്‍ കാണുന്നതുപോലെ അടിസ്ഥാന, മിഡ്-സ്‌പെക്ക് വേരിയന്റുകള്‍ക്ക് മാത്രമേ സിഎന്‍ജി ഓപ്ഷന്‍ ലഭിക്കുകയുള്ളൂ. മാരുതി സുസുക്കി, ഹ്യുണ്ടായി എന്നിവയ്ക്ക് ശേഷം സിഎന്‍ജിയില്‍ പ്രവര്‍ത്തിക്കുന്ന മൂന്നാമത്തെ നിര്‍മാതാക്കളായിരിക്കും ടാറ്റ.

മാരുതി എര്‍ട്ടിഗ, വാഗണ്‍ ആര്‍, ആള്‍ട്ടോ, സെലെറിയോ, എസ്-പ്രസോ, ഹ്യുണ്ടായി ഗ്രാന്‍ഡ് i10 നിയോസ്, സാന്‍ട്രോ, ഓറ എന്നിവയുള്‍പ്പെടെ പത്തോളം സിഎന്‍ജി കാറുകള്‍ നിലവില്‍ ഇന്ത്യയിലുണ്ട്. എന്നിരുന്നാലും, മറ്റ് നിര്‍മ്മാതാക്കള്‍ അവരുടെ ഇന്ധന ഓപ്ഷനുകളുടെ പട്ടികയില്‍ സിഎന്‍ജി ചേര്‍ക്കുന്നതിനുള്ള സാധ്യതയും പരിഗണിക്കുന്നുവെന്നും റിപ്പോര്‍ട്ടുകളുണ്ട്.

MOST READ: ടൈഗൂണിന് GT വേരിയന്റുമൊരുക്കി ഫോക്‌സ്‌വാഗൺ; സ്പൈ ചിത്രങ്ങൾ പുറത്ത്

ടാറ്റയില്‍ നിന്നുള്ള മറ്റ് വാര്‍ത്തകള്‍ പരിശോധിച്ചാല്‍, ഇന്ത്യന്‍ വിപണിയില്‍ സെറാമിക് കോട്ടിംഗ് സര്‍വീസ് ആരംഭിച്ചതായി അടുത്തിടെ അറിയിച്ചിരുന്നു. ഈ സേവനം ആദ്യം വാഗ്ദാനം ചെയ്യുന്നത് സഫാരി ഉപഭോക്താക്കള്‍ക്കാണെന്നും കമ്പനി അറിയിച്ചു.

പുതിയ സഫാരികള്‍ക്കുമുള്ള സെറാമിക് കോട്ടിംഗ് സേവനത്തിന് 28,500 രൂപയാണ് വില (ജിഎസ്ടി ഉള്‍പ്പെടെ). ടാറ്റ മോട്ടോര്‍സ് അംഗീകൃത ഡീലര്‍ഷിപ്പുകളിലൂടെ ഉപയോക്താക്കള്‍ക്ക് അവരുടെ കാറുകള്‍ക്കായി പുതിയ സര്‍വീസ് തെരഞ്ഞെടുക്കാം.

MOST READ: 2021 D-മാക്സ് V-ക്രോസിന് ഹൈ-ലാൻഡർ ബേസ് വേരിയന്റും, ശ്രദ്ധയാകർഷിക്കാൻ ഇസൂസു

ടാറ്റ കാറുകളുടെ രൂപത്തെ പുനരുജ്ജീവിപ്പിക്കുന്നതിന് നൂതന ഹൈഡ്രോഫിലിക് ഫോര്‍മുലേഷന്‍ സാങ്കേതികവിദ്യ ഉപയോഗിക്കുന്ന സേവനമാണ് സെറാമിക് കോട്ടിംഗ്.

ക്രിസ്റ്റല്‍ പോലുള്ള പാളി കാരണം സെറാമിക് കോട്ടിംഗ് പെയിന്റിനെ വര്‍ഷങ്ങളോളം പുതിയതായി നിലനിര്‍ത്തും. ഇത് വാഹനത്തിലെ അള്‍ട്രാവയലറ്റ് രശ്മികള്‍ പെയിന്റ് നിറം മങ്ങുന്നത് കുറയ്ക്കുന്നു. സെറാമിക് വിശദാംശങ്ങള്‍ ബോഡി വര്‍ക്കില്‍ മാത്രമല്ല. 360 ഡിഗ്രി പരിരക്ഷ നല്‍കുന്നതിനായി ഗ്ലാസ്, റിംസ് / വീലുകള്‍, വിനൈല്‍-പ്ലാസ്റ്റിക്, ലെതര്‍ എന്നിവയിലും ഇത് പ്രയോഗിക്കുന്നു.