ടൈഗൂണ്‍ മിഡ്-സൈസ് എസ്‌യുവിയെ അവതരിപ്പിക്കുന്ന തീയതി പങ്കുവെച്ച് ഫോക്‌സ്‌വാഗണ്‍

പുതിയ റിപ്പോര്‍ട്ട് അനുസരിച്ച് ടൈഗൂണ്‍ 2021 മാര്‍ച്ച് 31-ന് രാജ്യത്ത് അരങ്ങേറ്റം കുറിക്കാന്‍ ഒരുങ്ങുകയാണ്. വിപണിയില്‍ എത്തി കഴിഞ്ഞാല്‍, വളരെയധികം പ്രാദേശികവല്‍ക്കരിച്ച MQB A0 IN പ്ലാറ്റ്‌ഫോം അടിസ്ഥാനമാക്കിയുള്ള ഫോക്‌സ്‌വാഗണ്‍ ഗ്രൂപ്പിന്റെ രണ്ടാമത്തെ ഓഫറായി ടൈഗൂണ്‍ മാറും.

ടൈഗൂണിന്റെ പ്രൊഡക്ഷന്‍-റെഡി പതിപ്പ് എത്തുന്നത് രണ്ട് വ്യത്യസ്ത എഞ്ചിനുകളിലായിരിക്കും വിപണിയില്‍ എത്തുക. 1.0 ലിറ്റര്‍ ത്രീ സിലിണ്ടര്‍ ടിഎസ്‌ഐ ടര്‍ബോ-പെട്രോള്‍ എഞ്ചിന്‍ 115 bhp പരമാവധി കരുത്തും 175 Nm torque ഉം ഉത്പാദിപ്പിക്കുന്നു.

MOST READ: മാറ്റങ്ങൾ ആവശ്യമാണ്, സെൽറ്റോസിന് പരനോരമിക് സൺറൂഫ് സമ്മാനിക്കാനൊരുങ്ങി കിയ

1.5 ലിറ്റര്‍ ഫോര്‍ സിലിണ്ടര്‍ ടിഎസ്‌ഐ യൂണിറ്റ് 150 bhp കരുത്തും 250 Nm torque ഉം ആണ് സൃഷ്ടിക്കുന്നത്. ആദ്യത്തെ എഞ്ചിന്‍ ഓപ്ഷനുകളില്‍ 6 സ്പീഡ് മാനുവലും 6 സ്പീഡ് ഓട്ടോമാറ്റിക്ക് ഗിയര്‍ബോക്‌സ് ഉള്‍പ്പെടും, രണ്ടാമത്തേതില്‍ 6 സ്പീഡ് മാനുവല്‍ ട്രാന്‍സ്മിഷനും 7 സ്പീഡ് ഡിസിടിയും ലഭിക്കും.

ഫീച്ചറുകളുടെ കാര്യത്തില്‍, ആപ്പിള്‍ കാര്‍പ്ലേ, ആന്‍ഡ്രോയിഡ് ഓട്ടോ കണക്റ്റിവിറ്റി, കണക്റ്റഡ് കാര്‍ ടെക്, ഓട്ടോമാറ്റിക് ക്ലൈമറ്റ് കണ്‍ട്രോള്‍, ഇലക്ട്രിക് സണ്‍റൂഫ്, ആംബിയന്റ് ലൈറ്റിംഗ്, ഓള്‍-എല്‍ഇഡി എക്സ്റ്റീരിയര്‍ ലൈറ്റിംഗ്, എല്‍ഇഡി ഡിആര്‍എല്ലുകള്‍, ഒരു മള്‍ട്ടി-ഫംഗ്ഷന്‍ ഇന്‍സ്ട്രുമെന്റ് ക്ലസ്റ്ററും അതിലേറെയും ലഭിക്കുന്നു.

MOST READ: ഉയർന്ന പ്രൊഡക്ഷൻ ചെലവുകൾ; മോഡൽ നിരയിലുടനീളം വില വർധിപ്പിക്കാനൊരുങ്ങി നിസാൻ

6 എയര്‍ബാഗുകള്‍, റിയര്‍ പാര്‍ക്കിംഗ് സെന്‍സറുകള്‍, എബിഎസ് വിത്ത് ഇബിഡി, ഇലക്ട്രോണിക് സ്റ്റെബിലിറ്റി കണ്‍ട്രോള്‍, റിയര്‍ വ്യൂ ക്യാമറ, ഹില്‍-സ്റ്റാര്‍ട്ട് അസിസ്റ്റ് കണ്‍ട്രോള്‍, ടയര്‍ പ്രഷര്‍ മോണിറ്ററിംഗ് സിസ്റ്റം, ഐസോഫിക്‌സ് ചൈല്‍ഡ് സീറ്റ് മൗണ്ടുകള്‍ തുടങ്ങിയവ സുരക്ഷ ഫീച്ചറുകളില്‍ വാഗ്ദാനം ചെയ്യുന്നു.

ഈ വര്‍ഷം വിപണിയിലെത്തുമ്പോള്‍ രാജ്യത്തെ ഏറ്റവും താങ്ങാനാവുന്ന ഫോക്‌സ്‌വാഗണ്‍ എസ്‌യുവി ഓഫറായി ടൈഗൂണ്‍ മാറും. വരാനിരിക്കുന്ന സ്‌കോഡ കുഷാഖ്, ഹ്യുണ്ടായി ക്രെറ്റ, കിയ സെല്‍റ്റോസ്, നിസാന്‍ കിക്‌സ്, റെനോ ഡസ്റ്റര്‍ എന്നിവയ്ക്കെതിരെ ടൈഗൂണ്‍ മത്സരിക്കും.

MOST READ: ഐപിഎല്‍ ആവേശം കൊഴുപ്പിക്കാന്‍ ടാറ്റ സഫാരി; ഔദ്യോഗിക പങ്കാളിത്തം പ്രഖ്യാപിച്ചു

അതേടൊപ്പം തന്നെ ടാറ്റ ഹാരിയര്‍, എംജി ഹെക്ടര്‍ എന്നിവയുടെ എന്‍ട്രി ലെവല്‍ വേരിയന്റുകള്‍ക്കെതിരെയും വാഹനം മത്സരിക്കും. നിലവിലെ കണക്കനുസരിച്ച്, ഫോക്‌സ്‌വാഗന്റെ ലൈനപ്പില്‍ പോളോ, വെന്റോ, ടി-റോക്ക്, ടിഗുവാന്‍ ഓള്‍സ്‌പേസ് എന്നിവ ഉള്‍പ്പെടുന്നു.

അഞ്ച് സീറ്റുകളുള്ള ടിഗുവാന്‍ ഫെയ്‌സ്‌ലിഫ്റ്റും വെന്റോയുടെ പുതുതലമുറ പതിപ്പും ഉള്‍പ്പെടുന്ന വിവിധ ഉല്‍പന്നങ്ങളുടെ നിരയില്‍ കാര്‍ നിര്‍മ്മാതാവ് പ്രവര്‍ത്തിക്കുന്നു. ID4 ഇലക്ട്രിക് എസ്‌യുവിയെ ഇന്ത്യയിലേക്ക് കൊണ്ടുവരാനും കമ്പനി ആലോചിക്കുന്നുണ്ട്.