Just In
- 6 hrs ago തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച
- 8 hrs ago ഓഫ്റോഡ് പ്രേമികളേ ഇതിലെ, പുത്തൻ റാങ്ലർ ഫെയ്സ്ലിഫ്റ്റിലെ ഹൈലൈറ്റുകൾ ഇവയൊക്കെ
- 9 hrs ago പുതിയ എസ്യുവിക്ക് 20 കി.മീ മൈലേജ്! ആളുകള് ഇനി ക്യൂ നില്ക്കാന് പോകുന്നത് മഹീന്ദ്ര ഷോറൂമിന് മുന്നില്
- 10 hrs ago മോഡലിംഗും ഡാൻസുമാണ് പാഷൻ, 23-ാം വയസിൽ ഡ്രീം കാർ സ്വന്തമാക്കിയ സുന്ദരിയെ അറിയുമോ?
Don't Miss
- Movies നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്'
- Sports IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ
- Lifestyle ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം
- News തിരഞ്ഞെടുപ്പ് ദിനത്തില് പൊതു അവധി, എന്തെല്ലാം അടയ്ക്കും, തുറന്നിരിക്കുന്നത് ഇവ; അറിയാം വിവരങ്ങള്
- Technology DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ
- Finance ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി
- Travel ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
TRK 502 അഡ്വഞ്ചർ ടൂറർ സീരീസിനും വില വർധിപ്പിച്ച് ബെനലി
ലിയോൺസിനോ 500 മിഡിൽവെയ്റ്റ് സ്ട്രീറ്റ് സ്ക്രാംബ്ലർ മോഡലിനായുള്ള വില വർധിപ്പിച്ച ബെനലി തങ്ങളുടെ ജനപ്രിയ TRK502 അഡ്വഞ്ചർ ടൂറർ സീരീസിനും ഇന്ത്യയിൽ വില കൂട്ടി. രണ്ട് വേരിയന്റുകളിലായി എത്തുന്ന മോട്ടോർസൈക്കിളിന് 6,000 രൂപയാണ് ഇപ്പോൾ വർധിപ്പിച്ചിരിക്കുന്നത്.
TRK502, TRK502X എന്നിങ്ങനെ രണ്ട് പതിപ്പുകളും മൂന്ന് കളർ ഓപ്ഷനിലാണ് വിപണിയിൽ എത്തുന്നത്. തെരഞ്ഞെടുക്കുന്ന നിറമനുസരിച്ച് ബൈക്കിന്റെ വിലയിലും മാറ്റം ഉണ്ടാകും. ബെനലി ബൈക്കുകളുടെ പുതുക്കിയ വില ഇങ്ങനെ.
TRK 502 ഗ്രേ 4,85,900 രൂപ, TRK 502 വൈറ്റ്, റെഡ്, 4,95,900 രൂപ, TRK 502X ഗ്രേ 5,25,900 രൂപ, TRK 502X വൈറ്റ്, റെഡ് 5,35,900 രൂപ എന്നിങ്ങനെയാണ് എക്സ്ഷോറൂം വില. 17 ഇഞ്ച് അലോയ് വീലുകളും അണ്ടർബെല്ലി എക്സ്ഹോസ്റ്റും ഉള്ള റോഡ്-അധിഷ്ഠിത ടൂറിംഗ് മോട്ടോർസൈക്കിളാണ് TRK 502.
അതേസമയം മറുവശത്ത് TRK 502X ഇതിന്റെ തന്നെ അഡ്വഞ്ചർ അധിഷ്ഠിത വേരിയന്റാണ്. ഓഫ്-റോഡിന് പാകമായ 19-17 ഇഞ്ച് സ്പോക്ക് വീൽ കോമ്പിനേഷനും ഒരു വശത്ത് മൗണ്ട് ചെയ്ത എക്സ്ഹോസ്റ്റും ഉയർന്ന ഗ്രൗണ്ട് ക്ലിയറൻസുമാണ് ഈ വേരിയന്റിനെ വ്യത്യസ്തമാക്കുന്നത്.
ഒറ്റ നോട്ടത്തിൽ തന്നെ വേർതിരിച്ചറിയാനായി വ്യത്യസ്തമായ ഒരു കൂട്ടം ഡെക്കലുകളാലാണ് പ്രീമിയം മോട്ടോർസൈക്കിളുകൾ അലങ്കരിച്ചിരിക്കുന്നത്. ബർലി ബോഡി പാനലുകൾ, ഉയരമുള്ള വിൻഡ്സ്ക്രീൻ, നക്കിൾ ഗാർഡുകൾ, 20 ലിറ്റർ ഫ്യുവൽ ടാങ്ക്, സെമി ഡിജിറ്റൽ കൺസോൾ, പൂർണ എൽഇഡി ലൈറ്റിംഗ് എന്നിവയാണ് പൊതുവായവ ഘടകങ്ങൾ.
499 സിസി, പാരലൽ-ട്വിൻ സിലിണ്ടർ, ലിക്വിഡ്-കൂൾഡ് എഞ്ചിനാണ് ബെനലി TRK502 സീരീസിന്റെ ഹൃദയം. ഇത് 8,500 rpm-ൽ 46.8 bhp പവറും 6,000 rpm-ൽ 46 Nm torque ഉം ഉത്പാദിപ്പിക്കാൻ ശേഷിയുള്ളതാണ്.
ആറ് സ്പീഡ് ഗിയർബോക്സുമായാണ് എഞ്ചിൻ ജോടിയാക്കിയിരിക്കുന്നത്. ഈ വർഷം ജനുവരിയിലാണ് ബിഎസ്-VI TRK 502 ഇന്ത്യൻ വിപണിയിൽ എത്തുന്നത്. അതേസമയം TRK 502X മാർച്ചിലും വിപണിയിൽ എത്തി.
സുരക്ഷാ ഉപകരണങ്ങളുടെ കാര്യത്തിൽ ബെനലി TRK 502, 502X എന്നിവ മുൻവശത്തും പിന്നിലുമുള്ള വീലുകളിൽ ഡിസ്ക് ബ്രേക്കുകളും റോഡുകളിൽ മികച്ച രീതിയിൽ കൈകാര്യം ചെയ്യുന്നതിന് ഡ്യുവൽ ചാനൽ എബിഎസും ഉൾക്കൊള്ളുന്നു.
മുൻവശത്ത് ഇൻവേർട്ടഡ് ടെലിസ്കോപ്പിക് ഫോർക്കുകളും പിൻവശത്ത് ഒരു ഹൈഡ്രോളിക് മോണോ-ഷോക്ക് യൂണിറ്റുമാണ് ഇറ്റാലിയൻ ബ്രാൻഡ് സസ്പെൻഷനായി സമ്മാനിച്ചിരിക്കുന്നത്.
ഹോണ്ട CB500X, കവസാക്കി വെർസിസ് 650, സുസുക്കി വി-സ്ട്രോം 650 XT എന്നിവയാണ് പ്രീമിയം അഡ്വഞ്ചർ ബൈക്ക് ശ്രേണിയിൽ ബെനലി TRK 502 മോഡലിന്റെ പ്രധാന എതിരാളികൾ.