മാരുതി ഇഗ്നിസിന്റെ പരീക്ഷണ ഓട്ടം ചോര്‍ത്തപ്പെട്ടു

ഫോർഡ് എക്കോസ്പോർട്, മഹീന്ദ്ര കെയുവി100 എന്നിവയുമായി ഏറ്റുമുട്ടാനെത്തുന്ന ഇഗ്നിസിന് 3700എംഎം നീളവും, 1660എംഎം വീതിയും,1595എംഎം ഉയരവുമുണ്ട്.

വെറും 880കിലോഗ്രാം ഭാരം മാത്രമേയുള്ളൂ ഈ ന്യൂജെൻ കാറിന്. 180എംഎം ഗ്രൗണ്ട് ക്ലിയറൻസുള്ള ഇഗ്നിസിന് 2435എംഎം വീൽബേസാണ് നൽകിയിട്ടുള്ളത്.

കൂടാതെ വിശാലമായ സ്ഥലസൗകര്യവും ഒരുക്കിയിട്ടുണ്ട്. പിന്നിലുള്ള സീറ്റ് മടക്കി വയ്ക്കുകയാണെങ്കിൽ അനുവദിച്ചിട്ടുള്ള113ലിറ്റർ ബൂട്ട് സ്പേസിനെ 415ലിറ്ററാക്കി ഉയർത്താവുന്നതാണ്.

1.2ലിറ്റർ ഡ്യുവൽജെറ്റ് എൻജിനൊപ്പം എസ്എച്ച്‌വിഎസ് (Smart Hybrid Vehicle by Suzuki) ഹൈബ്രിഡ് സിസ്റ്റം കൂടി ഉൾപ്പെടുത്തിയിരിക്കുന്നു.

25.2km/l മൈലേജ് വാഗ്‌ദാനം ചെയ്യുന്ന 1.3ലിറ്റർ ഡീസൽ എൻജിനും ലഭ്യമാണ്.

ഫോർ വീൽ ഡ്രൈവ്, ഹിൽ ഡിസന്റ് കൺട്രോൾ, ഗ്രിപ്പ് കൺട്രോൾ എന്നീ ഫീച്ചറുകൾ ഉൾക്കൊള്ളിച്ചിട്ടുണ്ട്.

കൂടാതെ ഇഗ്നിസിന്റെ സ്റ്റാൻഡേഡ് വേരിയന്റിൽ എയർബാഗുകൾ, എബിഎസ്,ഇബിഡി സവിശേഷതകൾ ലഭ്യമാണ്.

സെപ്തംബറിൽ പുറത്തിറങ്ങുന്ന ഈ ക്രോസോവറിന് 4 മുതൽ 6ലക്ഷം വരെയാണ് വില നിശ്ചയിച്ചിരിക്കുന്നത്.