Click it and Unblock the Notifications
കാത്തിരിപ്പ് ഇനി ഏറെയില്ല; ഇതാണ് പുതിയ മാരുതി സ്വിഫ്റ്റ്!
ഇന്ത്യന് വിപണിയില് എത്താനിരിക്കുന്ന പുതുതലമുറ സ്വിഫ്റ്റില് മാരുതിയുടെ മുഖച്ഛായ പാടെ മാറുമെന്ന കാര്യം ഏറെക്കുറെ ഉറപ്പാണ്. പോയ വര്ഷം മാരുതി അവതരിപ്പിച്ച പുതുതലമുറ ഡിസൈര് പുത്തന് സ്വിഫ്റ്റിനുള്ള ആമുഖം നല്കി കഴിഞ്ഞു.
ഫെബ്രുവരിയില് നടക്കാനിരിക്കുന്ന ഓട്ടോ എക്സ്പോയിലൂടെ 2018 സ്വിഫ്റ്റ് ഇന്ത്യന് തീരമണയും. എന്നാല് ഇപ്പോള് ഔദ്യോഗിക വരവിന് മുമ്പെ പുതുതലമുറ സ്വിഫ്റ്റിനെ ക്യാമറ കൈയ്യോടെ പിടികൂടിയിരിക്കുകയാണ്.
പരസ്യ ചിത്രീകരണത്തിനിടെയാണ് പുത്തന് സ്വിഫ്റ്റ് ക്യാമറയ്ക്ക് മുന്നില് കുടുങ്ങിയത്. കാഴ്ചയില് ഒരു 'സൂപ്പര്മിനിയാണ്' പുതുതലമുറ സ്വിഫ്റ്റ്. മുന്തലമുറയെ അപേക്ഷിച്ച് പ്രീമിയം, സ്പോര്ടി ടാഗുകള്ക്ക് മികച്ച നിര്വചനമേകിയാണ് പുതിയ സ്വിഫ്റ്റിന്റെ വരവ്.
സ്വിഫ്റ്റിന്റെ അടിസ്ഥാന രൂപം തന്നെയാണ് പുതുതലമുറയും പിന്തുടരുന്നത്. കൂടാതെ മുന്തലമുറയില് നിന്നും പ്രചോദനം ഉള്ക്കൊണ്ട ഡെയ്ലൈറ്റ് ഓപ്പണിംഗുകളാണ് (DLO) പുതിയ സ്വിഫ്റ്റില് ഒരുങ്ങുന്നതും.
Recommended Video
കാഴ്ചയില് പുതുമ കൊണ്ടുവരുന്നതില് പുത്തന് സ്വിഫ്റ്റ് വിജയിച്ചിട്ടുണ്ട്. പരിഷ്കരിച്ച ഡിസൈന് ശൈലിയുടെ പശ്ചാത്തലത്തില് പക്വതയാര്ന്ന മുഖരൂപമാണ് പുതുതലമുറ സ്വിഫ്റ്റ് കൈയ്യടക്കിയിരിക്കുന്നത്.
താഴ്ന്നിറങ്ങിയ ഹെക്സഗണല് ഗ്രില്, ഒരല്പം പിന്നിലേക്കായി നീണ്ട പ്രൊജക്ടര് ഹെഡ്ലാമ്പുകള്, ബമ്പറില് ഒരുങ്ങിയ വലിയ എയര് ഇന്ടെയ്ക്കുകള്, ചെറിയ സ്പ്ലിറ്റര് എന്നിവ ഉള്പ്പെടുന്നതാണ് പുത്തന് സ്വിഫ്റ്റിന്റെ ഡിസൈന് വിശേഷങ്ങള്.
Trending On DriveSpark Malayalam:
15 ലക്ഷം രൂപ അടച്ച് ഉപഭോക്താവ് കാര് ബുക്ക് ചെയ്തു; പിന്നാലെ ഡീലര്ഷിപ്പ് പൂട്ടി!
സെയ്ഫ് അലി ഖാന് ജീപ് ഗ്രാന്ഡ് ചെറോക്കി വാങ്ങിയിട്ടില്ല, എല്ലാം ഫിയറ്റിന്റെ തന്ത്രം!
ബലെനോയ്ക്ക് സമാനമായ ഫെന്ഡറുകളാണ് മോഡലിന്റെ ഫ്രണ്ട് പ്രൊഫൈലില് ഇടംപിടിച്ചിട്ടുള്ളത്. പുതിയ സ്വിഫ്റ്റില് വീതിയേറിയ C-Pillar ആണ് ഒരുങ്ങുന്നത്.
വലുപ്പമേറിയ റിയര് വിന്ഡ്സ്ക്രീനും, C-Pillar ല് സാന്നിധ്യമറിയിക്കുന്ന റിയര് ഡോര് ഹാന്ഡിലുകളും പുതിയ സ്വിഫ്റ്റിന്റെ മറ്റ് വിശേഷങ്ങളാണ്.
പുതിയ സ്വിഫ്റ്റിന്റെ എഞ്ചിന് ഫീച്ചറുകളില് ഏറെ മാറ്റങ്ങളുണ്ടാകില്ല എന്നാണ് സൂചന. 1.2 ലിറ്റര് K-സീരീസ് പെട്രോള്, 1.3 ലിറ്റര് DDiS ഡീസല് എഞ്ചിനുകളില് തന്നെയാകും പുതിയ സ്വിഫ്റ്റും എത്തുക.
അതേസമയം, പെര്ഫോര്മന്സിനും ഇന്ധനക്ഷമതയ്ക്കുമായി എഞ്ചിന് റീട്യൂണ് ചെയ്യപ്പെട്ടേക്കാം. മികവാര്ന്ന പെര്ഫോര്മന്സും, ഉയര്ന്ന ഇന്ധനക്ഷമതയും ലക്ഷ്യമിട്ടുള്ള ലൈറ്റ്-വെയ്റ്റ് പ്ലാറ്റ്ഫോമിലാണ് പുതിയ സ്വിഫ്റ്റ് ഒരുങ്ങുന്നത്.
Trending On DriveSpark Malayalam:
നിയമസാധുതയുള്ള ചില കാര് മോഡിഫിക്കേഷനുകള്
മഹീന്ദ്രയെ ഞെട്ടിച്ച അഞ്ച് വമ്പന് പരാജയങ്ങള്!
27 കിലോമീറ്റര് വരെ ഇന്ധനക്ഷമത കാഴചവെക്കുന്നതാകും 2017 സ്വിഫ്റ്റ് ഡീസല് പതിപ്പ്. ഒരുപക്ഷെ ഇന്ത്യന് വരവില് 1.0 ലിറ്റര് ബൂസ്റ്റര്ജെറ്റ് പെട്രോള് എഞ്ചിനും സ്വിഫ്റ്റില് ഒരുങ്ങിയേക്കാം.
ബലെനോ RS ല് ഇതേ എഞ്ചിനാണ് ഇടംപിടിക്കുന്നത്. എന്തായാലും മുന്തലമുറയെക്കാളും ബഹുദൂരം മുന്നിലാണ് പുതിയ സ്വിഫ്റ്റ് എന്ന പ്രതീതി മാരുതി നല്കി കഴിഞ്ഞു.
പുതുതലമുറ മാരുതി സ്വിഫ്റ്റിന് മേലുള്ള ബുക്കിംഗ് ജനുവരിയോടെ ആരംഭിക്കുമെന്നാണ് സൂചന.
Image Source: Instagram
Trending DriveSpark YouTube Videos
Subscribe To DriveSpark Malayalam YouTube Channel - Click Here
Continue with Google