Click it and Unblock the Notifications
കാത്തിരിക്കാന് ഒരു കാരണം കൂടി; സ്വിഫ്റ്റ് മാത്രമല്ല, സ്വിഫ്റ്റ് സ്പോര്ടുമുണ്ട് ഇന്ത്യയിലേക്ക്
പുതുതലമുറ സ്വിഫ്റ്റ് ഹാച്ച്ബാക്കിനെ ഇന്ത്യയില് അവതരിപ്പിക്കാനുള്ള അവസാനവട്ട തയ്യാറെടുപ്പിലാണ് ഇന്ത്യന് നിര്മ്മാതാക്കളായ മാരുതി. വിപണിയില് പുതിയ സ്വിഫ്റ്റിനായുള്ള ഇടം മാരുതി ഇതിനകം തന്നെ ഒരുക്കി കഴിഞ്ഞു.
എന്നാല് ഇപ്പോള് പുറത്ത് വരുന്ന റിപ്പോര്ട്ടുകള് പ്രകാരം സ്വിഫ്റ്റിന് പിന്നാലെ സ്വിഫ്റ്റ് സ്പോര്ടും ഇന്ത്യയില് എത്തും. പുതുതലമുറ സ്വിഫ്റ്റിന്റെ പെര്ഫോര്മന്സ് പതിപ്പാണ് സ്വിഫ്റ്റ് സ്പോര്ട്.
സ്വിഫ്റ്റിന്റെ ഔദ്യോഗിക വരവിന് പിന്നാലെ സ്വിഫ്റ്റ് സ്പോര്ടിനെയും മാരുതി ഇന്ത്യയില് അവതരിപ്പിക്കുമെന്നാണ് റിപ്പോര്ട്ട്. ആദ്യം പുതുതലമുറ സ്വിഫ്റ്റിന്റെ പെട്രോള്, ഡീസല് പതിപ്പുകള് ഇന്ത്യന് തീരമണയും.
പിന്നാലെ പെര്ഫോര്മന്സ് പതിപ്പായ സ്വിഫ്റ്റ് സ്പോര്ടും ഇന്ത്യയില് ചുവടുറപ്പിക്കും. കഴിഞ്ഞില്ല, സ്വിഫ്റ്റ് ഹാച്ച്ബാക്കിന്റെ ഹൈബ്രിഡ് പതിപ്പും മാരുതി നിരയില് രാജ്യത്ത് അണിനിരക്കുമെന്ന് സൂചനയുണ്ട്.
ഫെബ്രുവരിയില് ദില്ലിയില് വെച്ച് നടക്കാനിരിക്കുന്ന 2018 ഓട്ടോ എക്സ്പോയില് സ്വിഫ്റ്റിനൊപ്പം സ്വിഫ്റ്റ് സ്പോര്ടിനെയും മാരുതി അവതരിപ്പിക്കും.
സ്വിഫ്റ്റില് നിന്നും ഒരല്പം വ്യത്യസ്തമാര്ന്ന സ്പോര്ടി ഡിസൈന് ഭാഷയാണ് സ്വിഫ്റ്റ് സ്പോര്ടിനുള്ളത്. പുതുക്കിയ ബമ്പറിന് ഒപ്പമുള്ള പുതിയ ഗ്രില്ലും ഫ്രണ്ട് സ്പ്ലിറ്ററും പുതിയ ഡിസൈന് ഭാഷയില് ശ്രദ്ധേയം.
Trending On DriveSpark Malayalam:
ചെളിയില് കുടുങ്ങിയ ജീപ് റാംഗ്ലറും, രക്ഷയ്ക്ക് എത്തിയ ഥാറും
കാര് നിറം വെള്ളയാണോ? നിങ്ങള് അറിയാത്ത ഗുണങ്ങളും ദോഷങ്ങളും
17 ഇഞ്ച് ഡയമണ്ട്-കട്ട് അലോയ് വീലുകള്, സ്പോര്ടി ബ്ലാക് ഡിഫ്യൂസര്, പുറത്തേക്ക് തള്ളി നില്ക്കുന്ന എക്സ്ഹോസ്റ്റ് പൈപുകള് എന്നിങ്ങനെ നീളുന്നതാണ് മറ്റ് എക്സ്റ്റീരിയര് വിശേഷങ്ങള്.
പുതിയ 1.4 ലിറ്റര് ടര്ബ്ബോചാര്ജ്ഡ് എഞ്ചിനാണ് സ്വിഫ്റ്റ് സ്പോര്ടിന്റെ ഹൈലൈറ്റ്. 1.6 ലിറ്റര് നാച്ചുറലി ആസ്പിരേറ്റഡ് എഞ്ചിന് പകരമായാണ് പുതിയ ടര്ബ്ബോചാര്ജ്ഡ് എഞ്ചിന് ഇടംപിടിക്കുന്നത്.
സ്വിഫ്റ്റ് ചരിത്രത്തില് ഇതാദ്യമായാണ് 1.4 ലിറ്റര് ടര്ബ്ബോചാര്ജ്ഡ് എഞ്ചിനിലേക്ക് സുസൂക്കി ചുവട് മാറുന്നതും. 5500 rpm ല് 138 bhp കരുത്തും 1250-3500 rpm ല് 230 Nm torque ഉം ഉത്പാദിപ്പിക്കുന്നതാണ് 1.4 ലിറ്റര് ഫോര്-സിലിണ്ടര് ടര്ബ്ബോചാര്ജ്ഡ് എഞ്ചിന്.
സ്വിഫ്റ്റ് സ്പോര്ടില് 6 സ്പീഡ് മാനുവല് ഗിയര്ബോക്സ് മുഖേന എഞ്ചിന് കരുത്ത് മുന് ചക്രങ്ങളിലേക്ക് എത്തും. 970 കിലോഗ്രാമാണ് പുതിയ സ്വിഫ്റ്റ് സ്പോര്ടിന്റെ ഭാരം.
Trending On DriveSpark Malayalam:
മാരുതി കാര് 'അബദ്ധവും ഉപയോഗശൂന്യവും' എന്ന് ഡാറ്റ്സന്; റെഡി-ഗോ കേമനെന്ന് ട്വീറ്റ്
കിസാഷി, വെര്സ, എ-സ്റ്റാര്...; മാരുതിയെ ഞെട്ടിച്ച 7 വമ്പന് പരാജയങ്ങള്
Recommended Video
മുന്തലമുറ മോഡലുകളെ അപേക്ഷിച്ച് 80 കിലോഗ്രാം ഭാരക്കുറവിലാണ് സുസൂക്കി സ്വിഫ്റ്റ് സ്പോര്ട് അണിനിരക്കുന്നത്. സാധാരണ സ്വിഫ്റ്റിലും 50 mm നീളമേറിയതാണ് പുതിയ പെര്ഫോര്മന്സ് ഹാച്ച്ബാക്ക്.
120 mm ഗ്രൗണ്ട് ക്ലിയറന്സോടെ എത്തുന്ന സ്വിഫ്റ്റ് സ്പോര്ടില് പുതിയ സസ്പെന്ഷന് സെറ്റപ്പാണ് ഇടംപിടിക്കുന്നത്.റെഡ് കോണ്ട്രാസ്റ്റ് സ്റ്റിച്ചിംഗോട് കൂടിയ സ്പോര്ട്സ് സീറ്റുകള്, ലെതര് റാപ്പ്ഡ് ഫ്ളാറ്റ്-ബോട്ടം സ്റ്റീയറിംഗ് വീല്, ഇന്സ്ട്രമെന്റ് പാനലില് ഒരുങ്ങിയ റെഡ് ഡയലുകള് എന്നിവയാണ് സ്വിഫ്റ്റ് സ്പോർടിന്റെ അകത്തളത്തെ പ്രധാന വിശേഷങ്ങൾ.
ഇന്ത്യയില് പെര്ഫോര്മന്സ് ഹാച്ച്ബാക്കുകള്ക്ക് പ്രചാരം വര്ധിക്കുന്നതിന്റെ പശ്ചാത്തലത്തിലാണ് സ്വിഫ്റ്റ് സ്പോര്ടിനെ ഇന്ത്യയിലേക്ക് കൊണ്ടുവരാന് മാരുതി തീരുമാനിച്ചിരിക്കുന്നത്.
അതേസമയം ഇന്ത്യന് വരവില് സ്വിഫ്റ്റ് സ്പോര്ടില് ചില 'വെട്ടിച്ചുരുക്കലുകള്' മാരുതി നടത്തിയേക്കാം.
Trending DriveSpark YouTube Videos
Subscribe To DriveSpark Malayalam YouTube Channel - Click Here
Continue with Google