Click it and Unblock the Notifications
കാത്തിരിപ്പ് ഏറെയില്ല; പുതിയ മാരുതി സ്വിഫ്റ്റ് ബുക്കിംഗ് ആരംഭിച്ചു; അറിയേണ്ടതെല്ലാം
Recommended Video
ഇന്ത്യ പ്രതീക്ഷയോടെ കാത്തിരിക്കുന്ന 2018 സ്വിഫ്റ്റ് ഹാച്ച്ബാക്കിന്റെ ബുക്കിംഗ് മാരുതി ആരംഭിച്ചു. രാജ്യത്തുടനീളമുള്ള മാരുതി ഡീലര്ഷിപ്പുകളില് നിന്നും ഉപഭോക്താക്കള്ക്ക് പുതുതലമുറ സ്വിഫ്റ്റ് ഹാച്ച്ബാക്കിനെ ബുക്ക് ചെയ്യാം.
11,000 രൂപയാണ് പുത്തന് മാരുതി സ്വിഫ്റ്റിന്റെ ബുക്കിംഗ് തുക. ഫെബ്രുവരി അവസാന വാരത്തോടെ പുതിയ രണ്ടാം തലമുറ സ്വിഫ്റ്റ് ഷോറൂമുകളില് അവതാരമെടുക്കുമെന്നാണ് പ്രതീക്ഷ.
ഫെബ്രുവരി ഏഴു മുതല് നടക്കുന്ന 2018 ഓട്ടോ എക്സ്പോയില് വെച്ച് പുത്തന് സ്വിഫ്റ്റ് ഔദ്യോഗികമായി മാരുതി നിരയില് തലയുയര്ത്തും. ഫെബ്രുവരി അവസാനത്തോടെ തന്നെ പുതിയ മാരുതി ഹാച്ച്ബാക്ക് ഡീലര്ഷിപ്പുകളില് എത്തിത്തുടങ്ങുമെന്ന് ബംഗളൂരു ഡീലര്മാര് വ്യക്തമാക്കി.
ആറ് മുതല് എട്ടു ആഴ്ച വരെയാകും പുതിയ സ്വിഫ്റ്റിനായുള്ള കാത്തിരിപ്പു കാലവധി. ആറ് വ്യത്യസ് നിറഭേദങ്ങളില് പുതിയ സ്വിഫ്റ്റ് ലഭ്യമാകുമെന്നും ഡീലര്മാര് അറിയിച്ചിട്ടുണ്ട്. അതേസമയം സ്വിഫ്റ്റ് വകഭേദങ്ങളെ കുറിച്ചുള്ള വിശദവിവരങ്ങള് പുറത്തു വന്നിട്ടില്ല.
സ്വിഫ്റ്റ് ബുക്ക് ചെയ്തതിന് ശേഷം പിന്നീടൊരു ഘട്ടത്തിലാകും വകഭേദം തെരഞ്ഞെടുക്കാനുള്ള അവസരം ഉപഭോക്താവിന് ലഭിക്കുക. ഔദ്യോഗിക അവതരണത്തിന് ശേഷം മാത്രമാണ് സ്വിഫ്റ്റ് ഹാച്ച്ബാക്കിന്റെ വകഭേദങ്ങള് സംബന്ധിച്ചു വ്യക്തമായ ചിത്രം ലഭിക്കുക.
വരുന്ന പത്ത് ദിവസത്തിനുള്ളില് പുതിയ ഹാച്ച്ബാക്കിനെ ബുക്ക് ചെയ്യുന്ന ഉപഭോക്താക്കള്ക്ക് കൂടുതല് മുന്ഗണന ലഭിക്കും.
Trending On DriveSpark Malayalam:
പുതിയ കാര് വാങ്ങാന് പദ്ധതിയുണ്ടോ? കാറില് ഉറപ്പായും ഇടംപിടിക്കേണ്ട 5 സുരക്ഷാ ഫീച്ചറുകള്
ഇഷ്ടം ബൈക്കിനോട്, എന്നാല് കിട്ടിയത് കാറും; ഇത് മാരുതി 800 കൊണ്ടൊരു ബൈക്ക്
ഔദ്യോഗിക അവതരണത്തിന് തൊട്ടുപിന്നാലെ എത്രയും പെട്ടെന്ന് ഈ ഉപഭോക്താക്കള്ക്ക് പുതുതലമുറ സ്വിഫ്റ്റിനെ ലഭ്യമാക്കാനുള്ള നടപടികള് കമ്പനി സ്വീകരിക്കും.
നിലവിലുള്ള എഞ്ചിന് പതിപ്പുകളില് തന്നെയാകും പുതിയ സ്വിഫ്റ്റിനെ മാരുതി അവതരിപ്പിക്കാന് സാധ്യത. 1.2 ലിറ്റര് K-Serise പെട്രോള്, ഫിയറ്റില് നിന്നുള്ള 1.3 ലിറ്റര് മള്ട്ടിജെറ്റ് ഡീസല് എഞ്ചിനുകളിലുമാകും പുതിയ സ്വിഫ്റ്റിന്റെ വരവ്.
യഥാക്രമം 82 bhp, 74 bhp കരുത്ത് ഉത്പാദിപ്പിക്കുന്നതാകും പെട്രോള്, ഡീസല് പതിപ്പുകള്. 5 സ്പീഡ് മാനുവല്, എഎംടി ഗിയര്ബോക്സ് (Auto Gear Shift) ഓപ്ഷനുകള് പുതിയ മാരുതി സ്വിഫ്റ്റില് ലഭ്യമാകും.
ഒരുപക്ഷെ ഇന്ത്യന് വരവില് 1.0 ലിറ്റര് ബൂസ്റ്റര്ജെറ്റ് പെട്രോള് എഞ്ചിനും സ്വിഫ്റ്റില് ഒരുങ്ങിയേക്കാം. ബലെനോ RS ല് ഇതേ എഞ്ചിനാണ് ഇടംപിടിക്കുന്നത്. 3,840 mm നീളവും, 1,695 mm വീതിയും, 1,525 mm ഉയരവുമാണ് 2018 സ്വിഫ്റ്റിനുള്ളത്.
2,450 mm നീളമേറിയതാണ് വീല്ബേസ്. പഴയ സ്വിഫ്റ്റിന്റെ ആകാരം പൂര്ണമായും കൈവെടിഞ്ഞിട്ടില്ലെങ്കിലും കാഴ്ചയില് ജര്മ്മന് മിനിയെ ഓര്മ്മപ്പെടുത്തിയാണ് പുതിയ സ്വിഫ്റ്റിന്റെ വരവ്.
റിയര് വിന്ഡോയിലേക്ക് മാറ്റി സ്ഥാപിക്കപ്പെട്ട ഡോര് ഹാന്ഡിലും പുത്തന് സ്വിഫറ്റിന്റെ ഡിസൈന് വിശേഷമാണ്. പുതുതലമുറ ഡിസൈര് ഒരുങ്ങുന്ന HEARTECT അടിത്തറയിലാണ് പുതിയ സ്വിഫ്റ്റും പിറവിയെടുക്കുക.
എല്ഇഡി ഓട്ടോ ഹെഡ് ലൈറ്റുകൾ, എല്ഇഡി ഡെയ്ടൈം റണ്ണിംഗ് ലൈറ്റുകള്, ഹാലോജന് ഫോഗ് ലാമ്പുകള്, 16 ഇഞ്ച് അലോയ് റിമ്മുകള്, ടേണ് ഇന്ഡിക്കേറ്ററോട് കൂടിയ മിററുകള്, ക്യാമറയോട് കൂടിയ റിവേഴ്സ് പാര്ക്കിംഗ് സെന്സറുകള് എന്നിവയെല്ലാം പുതിയ സ്വിഫ്റ്റില് പ്രതീക്ഷിക്കാം.
അതേസമയം ചെലവ് ചുരുക്കല് നടപടികളുടെ ഭാഗമായി സ്വിഫ്റ്റിന് ഇവയില് എന്തൊക്കെ നഷ്ടപ്പെടുമെന്ന ആശങ്ക ആരാധകര്ക്കുമുണ്ട്. കാര്യമായ പരിഷ്കാരങ്ങള് നേടിയതാകും മൂന്നാം തലമുറ സ്വിഫ്റ്റിന്റെ അകത്തളവും.
പുത്തന് ഡാഷ്ബോര്ഡ്, മള്ട്ടി-ഫംങ്ഷന് ത്രി-സ്പോക്ക് ഫ്ളാറ്റ് ബോട്ടം സ്റ്റീയറിംഗ് വീല് (ഓഡിയോ/ക്രൂയിസ് കണ്ട്രോള്ക്ക് ഒപ്പം), ആപ്പിള് കാര്പ്ലേ ആന്ഡ്രോയ്ഡ് ഓട്ടോ കണക്ടിവിറ്റി നേടിയ പുതിയ ഇന്ഫോടെയ്ന്മെന്റ് സംവിധാനം എന്നിങ്ങനെ നീളുന്നതാണ് രാജ്യാന്തര സ്വിഫ്റ്റിന്റെ വിശേഷങ്ങള്.
ഓട്ടോമാറ്റിക് ക്ലൈമറ്റ് കണ്ട്രോള്, കീലെസ് എന്ട്രി, എഞ്ചിന് സ്റ്റാര്ട്ട്/സ്റ്റോപ് ബട്ടണ്, ഹീറ്റഡ് ഫ്രണ്ട് സീറ്റ് എന്നീ ഫീച്ചറുകളെ പുത്തന് സ്വിഫ്റ്റിന്റെ ഉയര്ന്ന വേരിയന്റുകളില് പ്രതീക്ഷിക്കാം.
Trending DriveSpark YouTube Videos
Subscribe To DriveSpark Malayalam YouTube Channel - Click Here
Continue with Google