ബിഎസ് VI വന്നാലും ഡീസല്‍ കാര്‍ വില്‍പ്പന തുടരും, തീരമാനമറിയിച്ച് ഹോണ്ട

പ്രമുഖ ഹോണ്ട കാറുകളായ അമേസ്, ഹോണ്ട സിറ്റി, WR-V, BR-V, CR-V എന്നിവയിലെ എഞ്ചിനായിരിക്കും പ്രധാനാമായും ഈ പരിഷ്‌കാരത്തിന്റെ കീഴില്‍ വരിക.

80 ശതമാനം ഉപഭോക്താക്കളും പെട്രോള്‍ അല്ലെങ്കില്‍ ഡീസല്‍ കാറുകള്‍ തിരഞ്ഞെടുക്കുന്നത് ഡ്രൈവ് ചെയ്യുന്ന ദൂരമോ മറ്റു അനുബന്ധ കാര്യങ്ങളോ നിര്‍ണ്ണയിച്ചാണ്.

എന്നാല്‍, ബാക്കി വരുന്ന 20 ശതമാനം പേരും കാറുകള്‍ തിരഞ്ഞെടുക്കുന്നത് ഇവയോടുള്ള വൈകാരിക ബന്ധത്തിന്റെ പേരിലാണെന്ന് കമ്പനിയ്ക്ക് ബോധ്യപ്പെട്ടിട്ടുണ്ടെന്ന് ഹോണ്ട കാര്‍സ് ഇന്ത്യയുടെ മാര്‍ക്കറ്റിംഗ് & സെയില്‍സ് മേധാവി രാജേഷ് ഗോയല്‍ പറയുന്നു.

കമ്പനിയെ സംബന്ധിച്ചിടത്തോളം ബാക്കി വരുന്ന ന്യൂനപക്ഷമായ 20 ശതമാനം പേരും പ്രധാനമാണെന്നും ഇദ്ദേഹം കൂട്ടിച്ചര്‍ത്തു. ബിഎസ് VI മാര്‍ഗനിര്‍ദ്ദേശങ്ങള്‍ വരുന്നത് പെട്രോള്‍, ഡീസല്‍ കാറുകള്‍ തമ്മിലെ വിലയില്‍ വലിയ അന്തരമാണുണ്ടാക്കുക.

എന്നാല്‍, അത്ര പെട്ടെന്ന് ഡീസല്‍ കാറുകള്‍ വിപണിയില്‍ നിന്ന് അപ്രത്യക്ഷമാവാനിടയില്ലെന്ന് അദ്ദേഹം പ്രത്യാശ പ്രകടിപ്പിച്ചു. നിലവില്‍ അമേസ്, BR-V, WR-V എന്നീ മോഡലുകളില്‍ 1.5 ലിറ്റര്‍ ഡീസല്‍ എഞ്ചിനും സിവിക്, CR-V എന്നീ മോഡലുകളില്‍ 1.6 ലിറ്റര്‍ ഡീസല്‍ എഞ്ചിനുമാണുള്ളത്.

Most Read: മഹീന്ദ്ര എസ്‌യുവികള്‍ക്ക്‌ 85,000 രൂപ വരെ ഡിസ്കൗണ്ടുകള്‍

ഭാരത് സ്‌റ്റേജ് VI മാര്‍ഗനിര്‍ദ്ദേശങ്ങള്‍ക്ക് അനുസൃതമായി ഡീസല്‍ എഞ്ചിന്‍ പരിഷ്‌കരിച്ചാല്‍ ചെലവേറുമെന്ന കാരണത്താല്‍ ഡീസല്‍ കാറുകളുടെ ഉത്പാദനം നിര്‍ത്തുകയാണെന്ന് അടുത്തിടെയാണ് വാഹന നിര്‍മ്മാതാക്കളായ മാരുതി സുസുക്കി അറിയിച്ചത്.

Most Read: അപകടത്തില്‍പ്പെട്ട ബൈക്കുകാരനെ ആശുപത്രിയിലെത്തിച്ച് അംബാനിയുടെ മകന്‍ - വീഡിയോ

ടാറ്റ മോട്ടോര്‍സും തങ്ങളുടെ നിരയിലെ ചെറിയ ഡീസല്‍ മോഡലുകളുടെ ഉത്പാദനം നിര്‍ത്താനിടയുണ്ടെന്ന് റിപ്പോര്‍ട്ടുകള്‍ സൂചിപ്പിച്ചിരുന്നു.

Most Read: തിരിച്ചുവരണം ഈ ആറു മാരുതി കാറുകള്‍

ഇന്ത്യക്കാര്‍ക്ക് ഡീസല്‍ കാറുകളോടുള്ള പ്രിയം മനസിലാക്കിത്തന്നെയാണ് ഇങ്ങനെയൊരു തീരുമാനം ഹോണ്ട സ്വീകരിച്ചത്. ഫോര്‍ഡിന്റെയും ഹോണ്ടയുടെയും പാത പിന്തുടര്‍ന്ന് നിരവധി വാഹന നിര്‍മ്മാതാക്കള്‍ ഇത്തരത്തിലുള്ള തീരമാനമെടുക്കുമെന്നാണ് വാഹനലോകം പ്രതീക്ഷിക്കുന്നത്.

Source:LiveMint