‌എസ്‌യുവി വേണ്ട കുഞ്ഞൻ ഹാച്ച്ബാക്ക് മതി; പരിചയപ്പെടാം ഹോണ്ടയുടെ ആദ്യ ഇലക്‌ട്രിക് കാർ

ഈ മാസം ആദ്യം യൂറോപ്പിൽ പുറത്തിറങ്ങിയ ഹോണ്ട e സിറ്റി ഡ്രൈവിംഗിന് മാത്രമുള്ള ഒരു കോം‌പാക്‌ട് മോഡലാണ്. ബാറ്ററി ഇവി വിപണിയിൽ ആധിപത്യം പുലർത്തുന്ന ടെസ്‌ല Inc, മോഡൽ 3 സെഡാൻ, ഔഡി AG, ഹ്യുണ്ടായി എസ്‌യുവി പതിപ്പുകൾ ഉയർന്ന ഡ്രൈവിംഗ് ശ്രേണിക്കും പ്രകടനത്തിനുമാണ് പ്രാധാന്യം കൊടുക്കുന്നത്.

ഉയർന്ന ബാറ്ററി ചെലവ് കാരണം കാർ വിപണിയുടെ പ്രീമിയം വശത്താണ് ഇത്തരം ഇലക്ട്രിക് കാറുകളുടെ സ്ഥാനം. അതായത് പെട്രോൾ-ഡീസൽ മോഡലുകളേക്കാൾ ഇരട്ടി വിലയാണ് ഇവികൾക്കായി മുടക്കേണ്ടതെന്ന് ചുരുക്കം. കൂടാതെ നിരവധി വാഹന നിർമാതാക്കൾ വലിതും മൾട്ടി-പർപ്പസ് മോഡലുകളുമാണ് വികസിപ്പിക്കുന്നത്.

MOST READ: ഹോർനെറ്റ് 2.0 പുറത്തിറക്കി ഹോണ്ട; വില 1.26 ലക്ഷം രൂപ

അവയിൽ ചിലത് ഒരൊറ്റ ചാർജിൽ 570 കിലോമീറ്റർ വരെ ഓടിക്കാൻ കഴിയും. ഇത്തരം കാറുകളെ അപേക്ഷിച്ച് നോക്കുമ്പോൾ ഇവയുടെയെല്ലാം പകുതി ബാറ്ററി ശേഷി മാത്രമുള്ള ഹോണ്ട e പൂർണ ചാർജിൽ 280 കിലോമീറ്റർ മൈലേജ് മാത്രമാണ് നൽകുന്നത്.

1960 മുതൽ ഹോണ്ടയുടെ ക്ലാസിക് N360, N600 മോഡലുകളെ ആവിഷ്കരിക്കുന്ന ഒരു റെട്രോ, അൾട്രാ കോംപാക്‌‌ട് ഡിസൈൻ ഉപയോഗിച്ച് രണ്ട്-വാതിലുകളുള്ള ഹോണ്ട e ഒരു ഉയർന്ന സിറ്റി കാറായി രൂപംകൊണ്ടിരിക്കുന്നു.

MOST READ: 2021 ഹ്യുണ്ടായി ട്യൂസോൺ; ഒരുങ്ങുന്നത് ഫീച്ചറുകളുടെ നീണ്ടനിര

ഇതിന്റെ വില 33,000 യൂറോയാണ്. ഇത് ദൈർഘ്യമേറിയ ഡ്രൈവിംഗ് ശ്രേണി നൽകുന്ന റെനോ സോയി ZE50 ഇലക്ട്രിക്കിനേക്കാൾ ചെലവേറിയതാണ്.

ഇടുങ്ങിയ വഴികളിൽ എളുപ്പത്തിൽ യു-ടേണുകൾ പ്രാപ്തമാക്കുന്നതിന് കൃത്യവും ഷാർപ്പുമായ കൈകാര്യം ചെയ്യലിനുമാണ് ഹോണ്ട എഞ്ചിനീയർമാർ മുൻഗണന നൽകിയിട്ടുള്ളത്. പാർക്കിംഗ് സമയത്ത് തടസങ്ങളും കൂട്ടിയിടി ഒഴിവാക്കുന്നതിനുമായി സൈഡ് മിററുകൾ ഇന്റീരിയർ ഡിസ്പ്ലേകൾ ഉപയോഗിച്ച് മാറ്റിസ്ഥാപിച്ചതും ശ്രദ്ധേയമാണ്.

MOST READ: ആക്‌ടിവയ്ക്ക് ഇലക്‌ട്രിക് പതിപ്പ് ഒരുങ്ങില്ലെന്ന് വ്യക്തമാക്കി ഹോണ്ട

ഒക്ടോബർ അവസാനത്തോടെ വിൽപ്പനയ്‌ക്കെത്തുന്ന ഹോണ്ട e യൂറോപ്പിലും ജപ്പാനിലും മാത്രമേ ലഭ്യമാവുകയുള്ളൂ. യൂറോപ്പിൽ 1,000 യൂണിറ്റിന്റെ വാർഷിക വിൽപ്പനയും ജപ്പാനിൽ 1,000 യൂണിറ്റിന്റെ വിൽപ്പനയുമാണ് ഹോണ്ട പ്രതീക്ഷിക്കുന്നത്.

അതേസമയം എസ്‌യുവികൾ ആധിപത്യം പുലർത്തുന്ന ഏറ്റവും വലിയ വിപണികളായ വടക്കേ അമേരിക്കയിലും ചൈനയിലും ഹോണ്ട e വിപണനം നടത്താൻ പദ്ധതിയില്ലെന്ന് ഹോണ്ട സ്ഥിരീകരിച്ചിട്ടുണ്ട്.