പുതുതലമുറ ഹോണ്ട സിവിക്ക് ആഗോള തലത്തിൽ നാളെ അരങ്ങേറും

വാഹനത്തിന്റെ ഡിജിറ്റൽ അരങ്ങേറ്റത്തിന് മുന്നോടിയായി, ഡിസൈൻ വിശദാംശങ്ങൾ നൽകുന്ന ഒരു വീഡിയോ ടീസർ ബ്രാൻഡ് പുറത്തിറക്കിയിരുന്നു. അടുത്തിടെ ചോർന്ന പേറ്റന്റ് ചിത്രങ്ങൾക്ക് അനുസൃതമായി നോക്കുമ്പോൾ, 2021 ഹോണ്ട സിവിക് നിരവധി സ്റ്റൈലിംഗ് മാറ്റങ്ങളോടെ വരുന്നു.

1972 മുതൽ വിപണിയിലുള്ള ഹോണ്ട സിവിക് നെയിംപ്ലേറ്റിന് ഒരു വലിയ പാരമ്പര്യമുണ്ട്. ജാപ്പനീസ് നിർമ്മാതാക്കൾ എല്ലായ്‌പ്പോഴും സിവിക് ബാക്കി ശ്രേണിയിൽ നിന്ന് വേറിട്ടുനിർത്തുന്നതിൽ ശ്രദ്ധ കേന്ദ്രീകരിച്ചിരുന്നു.

MOST READ: കൊവിഡ് കാലത്തും കാർപ്രേമികൾക്ക് ആവേശമേകി മെർസിഡീസ്; ക്ലാസിക് കാർ റാലി ഡിസംബർ 13-ന്

എന്നിരുന്നാലും, ഇത്തവണ ഹോണ്ട വിദേശ വിപണിയിൽ വിൽക്കുന്ന ഏറ്റവും പുതിയ അക്കോർഡുമായും ഏതാനും മാസങ്ങൾക്ക് മുമ്പ് ഇന്ത്യയിൽ സമാരംഭിച്ച അഞ്ചാം തലമുറ സിറ്റിയുമായും കൂടുതൽ സാമ്യമുള്ള രൂപത്തിലാണ് സിവിക്ക് കൊണ്ടുവന്നത്.

ഷാർപ്പ് എൽഇഡി ഡിആർഎൽ, റാപ്പ്എറൗണ്ട് എൽഇഡി ടെയിൽ ലാമ്പുകൾ, പുതുതായി രൂപകൽപ്പന ചെയ്ത അലോയി വീലുകൾ, ബൂട്ട് ലിപ് സ്‌പോയിലർ തുടങ്ങിയ ഡിസൈൻ വിശദാംശങ്ങൾ ടീസർ കാണിക്കുന്നു.

MOST READ: ദീപാവലി ഓഫറുകൾ പ്രഖ്യാപിച്ച് സ്കോഡ; വാഗ്‌ദാനം ഒരു ലക്ഷം രൂപ വരെയുള്ള ക്യാഷ് ബെനിഫിറ്റുകൾ

വിശാലമായ ഫ്രണ്ട് ഗ്രില്ല്, മെലിഞ്ഞ എൽഇഡി ഹെഡ്‌ലാമ്പുകൾ, എയർ ഇൻലെറ്റിനൊപ്പം പുനർരൂപകൽപ്പന ചെയ്ത ബമ്പർ, വൃത്താകൃതിയിലുള്ള ഫോഗ് ലാമ്പുകൾ, റാക്ക്ഡ് റിയർ വിൻഡ്ഷീൽഡ് എന്നിവയും ഇതിന് ലഭിക്കും. വാഹനത്തിന്റെ വലുപ്പവും നിർമ്മാതാക്കൾ വർധിപ്പിച്ചിട്ടുണ്ട്, പക്ഷേ സിഗ്നേച്ചർ കൂപ്പ് പോലുള്ള സിലൗട്ടിന് മാറ്റം വന്നിരിക്കുന്നു.

അതിനു പകരം, ഹോണ്ട ഒരു എക്സിക്യൂട്ടീവ് സെഡാൻ തരത്തിലുള്ള റൂഫ് പ്രൊവൈൽ പിന്തുടർന്ന് അപ്പ്റൈറ്റ് ഫ്രണ്ട് ഫാസിയ പോലെ കൂടുതൽ പക്വതയാർന്ന ക്യാരക്ട്ർ വ്യക്തമാക്കുന്നു.

MOST READ: എക്സ്റ്റിൻഷൻ Mk1 ഇലക്‌ട്രിക് കാറിനെ അടുത്ത മാസത്തോടെ അവതരിപ്പിക്കാൻ പ്രവാഗ് ഡൈനാമിക്സ്

പെർഫോമൻസ്-സ്‌പെക്ക് സിവിക് ടൈപ്പ് R -ന് പതിവ് മോഡലിന്മേൽ വരുത്തുന്ന മാറ്റങ്ങളും അത് പ്യൂരിസ്റ്റുകൾക്ക് എങ്ങനെ സ്വീകരിക്കും എന്നതും രസകരമായിരിക്കും.

രൂപകൽപ്പന പോലെ തന്നെ, കണക്റ്റിവിറ്റി, സുരക്ഷ, ഡ്രൈവർ അസിസ്റ്റ് എന്നിവയുമായി ബന്ധപ്പെട്ട സവിശേഷതകളും സാങ്കേതികവിദ്യകളുമായി ക്യാബിന് ധാരാളം അപ്‌ഡേറ്റുകൾ ലഭിക്കും. ഇന്ത്യയിൽ, പത്താം തലമുറ ഹോണ്ട സിവിക് 17.94 ലക്ഷം മുതൽ 22.35 ലക്ഷം രൂപ വരെ എക്സ്-ഷോറൂം വിലയിൽ ലഭ്യമാവാം.

MOST READ: 2022-ഓടെ 10 പുതിയ ഹൈബ്രിഡ്, PHEV, ഇലക്ട്രിക് വാഹനങ്ങള്‍ പുറത്തിറക്കാന്‍ ഹ്യുണ്ടായി

അടുത്ത ആവർത്തനം 2021 അവസാനം അല്ലെങ്കിൽ 2022 -ൽ എത്തിച്ചേരാം. ആഗോളതലത്തിൽ, 158 bhp കരുത്തും 187 Nm torque ഉം പുറപ്പെടുവിക്കുന്ന 2.0 ലിറ്റർ NA നാല് സിലിണ്ടർ മോട്ടോർ, 174 bhp കരുത്തും 219 Nm torque ഉം വികസിപ്പിക്കുന്ന 1.5 ലിറ്റർ ടർബോ യൂണിറ്റ്, 205 bhp കരുത്ത് ഉത്പാദിപ്പിക്കുന്ന Si 1.5 ലിറ്റർ യൂണിറ്റ്, 306 bhp കരുത്തും 400 Nm torque ഉം നിർമ്മിക്കുന്ന 2.0 ലിറ്റർ ടർബോയുള്ള ടൈപ്പ്-R എഞ്ചിൻ എന്നിവ സിവിക്കിൽ ഉപയോഗിക്കുന്നു. നിലവിലുള്ള പവർ‌ട്രെയിനൊപ്പം ഹൈബ്രിഡ് പതിപ്പുകളും ഉൾപ്പെടാം.