ജൂലൈ മാസത്തിൽ തെരഞ്ഞെടുത്ത മോഡലുകൾക്ക് വൻ ഓഫറുകളുമായി ഹ്യുണ്ടായി

വെന്യു, വെർണ, ക്രെറ്റ, എലാൻട്ര, ട്യൂസൺ, കോണ ഇലക്ട്രിക് എന്നിവയ്‌ക്കായി നിർമ്മാതാക്കൾ ഓഫറുകളൊന്നും തന്നെ നിലവിൽ നൽകുന്നില്ല എന്ന് ആദ്യം തന്നെ വ്യക്തമാക്കട്ടെ.

40,000 രൂപ ക്യാഷ് ഡിസ്കൗണ്ട്, 15,000 രൂപ എക്‌സ്‌ചേഞ്ച് ബോണസ്, 5,000 രൂപ കോർപ്പറേറ്റ് ഡിസ്കൗണ്ട് എന്നിവ ഉൾപ്പെടെ 60,000 രൂപയുടെ ആനുകൂല്യങ്ങൾ ഹ്യുണ്ടായി ഗ്രാൻഡ് i10 -ന് ലഭിക്കും.

MOST READ: ആക്ടിവയുടെ വില്‍പ്പന പൊടിപ്പൊടിച്ചു; ജൂണില്‍ മൂന്ന് ലക്ഷം യൂണിറ്റുകള്‍ നിരത്തിലെത്തിച്ച് ഹോണ്ട

15,000 രൂപ ക്യാഷ് ഡിസ്കൗണ്ട്, 15,000 രൂപ എക്‌സ്‌ചേഞ്ച് ബോണസ്, 5,000 രൂപ കോർപ്പറേറ്റ് ഡിസ്കൗണ്ട് എന്നിവ ഉൾപ്പെടെ 35,000 രൂപ വരെ ആനുകൂല്യങ്ങളോടെയാണ് എലൈറ്റ് i20 വാഗ്ദാനം ചെയ്യുന്നത്.

15,000 രൂപ ക്യാഷ് ഡിസ്‌കൗണ്ട്, 15,000 രൂപ എക്‌സ്‌ചേഞ്ച് ബോണസ് , 5,000 രൂപ കോർപ്പറേറ്റ് ഡിസ്‌കൗണ്ട് എന്നിവ ഉൾപ്പെടെ 35,000 രൂപ ആനുകൂല്യങ്ങളോടെ ഹ്യുണ്ടായി സാൻട്രോയുടെ എറ വേരിയന്റിന് ലഭ്യമാണ്.

MOST READ: ഇനി വയർലെസ് മൊബൈൽ ചാർജറും, വിറ്റാര ബ്രെസയ്ക്ക് പുത്തൻ ആക്‌സസറികളുമായി മാരുതി

മോഡലിന്റെ മാഗ്ന, സ്‌പോർട്‌സ്, അസ്ത വേരിയന്റുകൾക്ക് മേൽപ്പറഞ്ഞ ആനുകൂല്യങ്ങളെക്കാൾ 10,000 രൂപ അധിക കിഴിവിൽ മൊത്തം 45,000 രൂപയുടെ ആനുകൂല്യങ്ങൾ നിർമ്മാതാക്കൾ വാഗ്ദാനം ചെയ്യുന്നു.

25,000 രൂപ വരെ ആനുകൂല്യങ്ങളോടെ ഹ്യുണ്ടായി ഗ്രാൻഡ് i10 നിയോസിന് ലഭ്യമാണ്. 10,000 രൂപ വീതമുള്ള ക്യാഷ് ഡിസ്കൗണ്ട്, എക്സ്ചേഞ്ച് ബോണസ്, 5,000 രൂപ കോർപ്പറേറ്റ് ഡിസ്കൗണ്ട് എന്നിങ്ങനെയാണ് നിയോസിന് ലഭിക്കുന്ന ആനുകൂല്യങ്ങൾ.

MOST READ: ആറ്റം ക്വാഡ്രിസൈക്കിൾ; ഫീച്ചറുകൾ വെളിപ്പെടുത്തുന്ന ടീസർ വീഡിയോ പുറത്തുവിട്ട് മഹീന്ദ്ര

15,000 രൂപ എക്സ്ചേഞ്ച് ബോണസും 5,000 രൂപ കോർപ്പറേറ്റ് കിഴിവും ഉൾപ്പെടെ 20,000 രൂപ വരെ ആനുകൂല്യങ്ങൾ ഓറ സെഡാനിന് ലഭിക്കും.