Just In
- 58 min ago സ്വർണത്തിൽ പൊതിഞ്ഞ് സ്കോർപിയോ എൻ, പൊന്നും വിലയുളള വണ്ടിയുടെ വീഡിയോ കാണാം
- 1 hr ago യൂട്യൂബര്മാര്ക്ക് ബെസ്റ്റ് സമയമാണെല്ലോ; 1.5 കോടിയുടെ ലക്ഷ്വറി എസ്യുവി വാങ്ങിയ ആളെ കണ്ടോ...
- 18 hrs ago യൂത്തൻമാരുടെ ഡ്രീം ബൈക്ക് വാങ്ങിയാൽ ഇനി തിരിഞ്ഞുനോക്കേണ്ട! 5 വർഷത്തെ വാറണ്ടി ഗ്യാരണ്ടി
- 23 hrs ago മാറിനിന്നത് ഓല മാത്രം! പ്രമുഖ നിര്മാതാക്കള് ഇലക്ട്രിക് സ്കൂട്ടറുകള്ക്ക് കൂട്ടിയത് 16000 രൂപ വരെ
Don't Miss
- Technology ആപ്പിളിന്റെ വജ്രായുധം സാറ്റലൈറ്റ് എസ്ഒഎസ് ഇനി ഗൂഗിളിന്റെ കൈയിൽ; പിക്സൽ 9 ലോകം ഭരിക്കും!
- News സമയം വരട്ടെ, തിരിച്ചടിക്കും, ഇറാന് വലിയ വില നല്കേണ്ടി വരും; മുന്നറിയിപ്പുമായി ഇസ്രായേല്
- Finance കുറഞ്ഞത് അത്രയും കൂടി, സ്വർണവിലയിൽ വീണ്ടും വർധനവ്, ഒരു പവൻ വാങ്ങിയാൽ കീശ കീറും
- Sports IPL 2024: ഹാര്ദിക് എന്തുകൊണ്ട് അതു ചെയ്തില്ല? മണ്ടന് ക്യാപ്റ്റന്സി! തുറന്നടിച്ച് പീറ്റേഴ്സന്
- Movies 'ഇപ്പോൾ ഗബ്രി മാത്രം കുറ്റക്കാരനും വെറുക്കപ്പെട്ടവനുമായി, ജാസ്മിന് നല്ലപിള്ള പട്ടം കിട്ടി സപ്പോർട്ടും കൂടി'
- Travel ഈരാറ്റുപേട്ടയിൽ നിന്ന് നേരിട്ട് തിരുവമ്പാടിക്ക് വരാം, കെഎസ്ആർടിസി ഫാസ്റ്റ് ബസ് സര്വീസ്
- Lifestyle അവില് ഉണ്ടോ? മഹാരാഷ്ട്ര രീതിയില് രുചികരമായ പൊഹ തയ്യാറാക്കാം
കിയ സോനെറ്റിന്റെ എഞ്ചിൻ, മൈലേജ് വിശദാംശങ്ങൾ അറിയാം
കിയയുടെ പുതിയ സോനെറ്റ് കോംപാക്ട് എസ്യുവി ആഗോള അരങ്ങേറ്റം നടത്തിയതോടെ മോഡലിനെ വരവേൽക്കാൻ വാഹനലോകം ആകാംഷയോടെ കാത്തിരിക്കുകയാണ്. ബുക്കിംഗ് ആരംഭിച്ച് ആദ്യ ദിവസം തന്നെ 6523 ബുക്കിംഗുകൾ നേടിയെടുത്തതും ബ്രാൻഡിന് പ്രതീക്ഷ നൽകുന്നു.
ഇപ്പോൾ സോനെറ്റിന്റെ ബ്രോഷറും സാങ്കേതിക സവിശേഷതകളും ഇന്റർനെറ്റിലൂടെ പുറത്തുവന്നിട്ടുണ്ട്. ഇതിൽ എസ്യുവിയുടെ ഇന്ധനക്ഷമത കണക്കുകളും ആക്സിലറേഷൻ വിശദാംശങ്ങളെ കുറിച്ചുമുള്ള വിവരങ്ങളാണ് മനസിലാക്കാൻ സാധിക്കുന്നത്.
മാനുവൽ ഗിയർബോക്സ് മാത്രം വാഗ്ദാനം ചെയ്യുന്ന കിയ സോനെറ്റ് പെട്രോൾ 1.2 ലിറ്റർ വേരിയൻറ് 18.4 കിലോമീറ്റർ മൈലേജാണ് നൽകുന്നത്. കൂടാതെ 13.3 സെക്കൻഡിനുള്ളിൽ 0-100 കിലോമീറ്റർ വേഗത കൈവരിക്കാനും ഈ മോഡലിന് സാധിക്കും. ഇതേ എഞ്ചിൻ, ഗിയർബോക്സ് ഓപ്ഷനോടു കൂടി ഹ്യുണ്ടായി വെന്യു നൽകുന്നത് 17.52 കിലോമീറ്റർ ഇന്ധനക്ഷമത മാത്രമാണ്.
MOST READ: പഴയ സിറ്റിക്ക് 1.6 ലക്ഷം രൂപയുടെ ഇളവുകള് നല്കി ഹോണ്ട
1.0 ലിറ്റർ ടർബോ പെട്രോൾ വേരിയന്റ് iMT-യും 7 സ്പീഡ് ഡിസിടിയും ഇത് വാഗ്ദാനം ചെയ്യും. ഇത് 120 bhp കരുത്തിൽ 172 Nm torque വികസിപ്പിക്കാൻ പ്രാപ്തമായിരിക്കും. iMT സോനെറ്റിനൊപ്പം 18.2 കിലോമീറ്റർ മൈലേജ് നൽകുന്നു. 0-100 കിലോമീറ്റർ വേഗത 12.3 സെക്കൻഡിലാണ് ടർബോ പതിപ്പ് കൈവരിക്കുന്നത്.
ഏഴ് സ്പീഡ് ഡിസിടി ഗിയർബോക്സുമായി ജോടിയാക്കിയ വേരിയന്റ് 18.3 കിലോമീറ്റർ ഇന്ധനക്ഷമതയാണ് നൽകുക. 0-100 കിലോമീറ്റർ വേഗത 11.3 സെക്കൻഡിൽ എത്തിപ്പിടിക്കുകയും ചെയ്യും. ഹ്യുണ്ടായി വെന്യുവിന്റെ iMT-യുടെ മൈലേജ് ലഭ്യമല്ലെങ്കിലും ഡിസിടി വേരിയന്റ് 18.15 കിലോമീറ്റർ മൈലേജ് വാഗ്ദാനം ചെയ്യുന്നത്.
MOST READ: എംജി ഗ്ലോസ്റ്ററിന്റെ അകത്തളത്തിൽ ഒരുക്കുന്നത് 12.3 ഇഞ്ച് ഇൻഫോടെയ്ൻമെന്റ് സിസ്റ്റം
കിയ സോനെറ്റിന്റെ 1.5 ലിറ്റർ ഡീസൽ എഞ്ചിന് 6 സ്പീഡ് മാനുവൽ, 6 സ്പീഡ് ഓട്ടോമാറ്റിക് ഗിയർബോക്സ് ഓപ്ഷനുകൾ ലഭിക്കും. മാനുവൽ 1.5 യൂണിറ്റ് 99 bhp, 215 Nm torque വാഗ്ദാനം ചെയ്യുമ്പോൾ, ഓട്ടോമാറ്റിക് പതിപ്പുള്ള അതേ എഞ്ചിൻ 113 bhp-യും 245 Nm torque ഉം ആണ് ഉത്പാദിപ്പിക്കുന്നത്.
സോനെറ്റ് ഡീസൽ മാനുവൽ, ഓട്ടോമാറ്റിക് പതിപ്പുകൾ യഥാക്രമം 24.1 കിലോമീറ്റർ, 19 കിലോമീറ്റർ മൈലേജ് നൽകും. ഡീസൽ ഓട്ടോമാറ്റിക് വെറും 11.8 സെക്കൻഡിനുള്ളിൽ 0-100 കിലോമീറ്റർ വേഗത കൈവരിക്കുമ്പോൾ മാനുവലിൽ ഇത് 12.3 സെക്കൻഡായി മാറുന്നു.
Sonet | Mileage kmpl | 0-100 kmph | Power PS | Torque Nm |
1.2 P, 5MT | 18.4 kmpl | 13.3 s | 83 | 115 |
1.0 P, iMT | 18.2 kmpl | 12.3 s | 120 | 172 |
1.0 P, 7DCT | 18.3 kmpl | 11.3 s | 120 | 172 |
1.5 D, 6MT | 24.1 kmpl | 12.3 s | 100 | 240 |
1.5 D, 6AT | 19.0 kmpl | 11.8 s | 115 | 250 |
MOST READ: പരീക്ഷണയോട്ടം നടത്തി മാരുതി വാഗണ് ആര് XL5 ഇലക്ട്രിക്; സ്പൈ ചിത്രങ്ങള്
ഹ്യുണ്ടായി വെന്യുവിനെ അടിസ്ഥാനമാക്കി ഒരുങ്ങിയ സോനെറ്റ് 2020 ഓഗസ്റ്റ് ഏഴിനാണ് ഇന്ത്യയിൽ അരങ്ങേറ്റം കുറിച്ചത്. കിയയിൽ നിന്നുള്ള ആദ്യത്തെ നാല് മീറ്റർ വാഹനമാണിത്. സെൽറ്റോസിനെപ്പോലെ സോനെറ്റും ജിടി ലൈൻ, ടെക് ലൈൻ എന്നീ രണ്ട് ട്രിം ഓപ്ഷനുകളിൽ തെരഞ്ഞെടുക്കാൻ സാധിക്കും.
ആഭ്യന്തര വിപണിയിലെ ഏറ്റവും മത്സരാധിഷ്ഠമായ ശ്രേണിയിൽ മാരുതി സുസുക്കി വിറ്റാര ബ്രെസ, ടാറ്റ നെക്സോൺ, ഫോർഡ് ഇക്കോസ്പോർട്ട്, മഹീന്ദ്ര XUV300, വരാനിരിക്കുന്ന നിസാൻ മാഗ്നൈറ്റ്, റെനോ കിഗർ തുടങ്ങിയ മോഡലുകളുമായാണ് കിയ സോനെറ്റ് മാറ്റുരയ്ക്കുക.
Source: Rushlane