Click it and Unblock the Notifications
ക്രെറ്റ പ്രഭാവത്തില് നിറം മങ്ങി സെല്റ്റോസ്; വില്പ്പനയില് ഇടിവ്
വെന്യു, ക്രെറ്റ, സെല്റ്റോസ്, സോനെറ്റ് എന്നിവയുടെ വില്പ്പന അനുസരിച്ച് ഹ്യുണ്ടായി മോട്ടോര് ഗ്രൂപ്പ് പാസഞ്ചര് യുവി വിഭാഗത്തില് തങ്ങളുടെ ആധിപത്യം തെളിയിക്കുന്നു. 2020 നവംബറില് രാജ്യത്ത് ഏറ്റവുമധികം വിറ്റഴിക്കപ്പെട്ട എസ്യുവിയാണ് ക്രെറ്റ.
തുടര്ന്ന് കിയ സോനെറ്റ് കോംപാക്ട് എസ്യുവി, വെന്യു, സെല്റ്റോസ് എന്നിവ യഥാക്രമം വില്പ്പനയില് മികവ് തെളിയിക്കുന്നു. കോംപാക്ട്, മിഡ്-സൈസ് എസ്യുവി സെഗ്മെന്റുകളുടെ ജനപ്രീതി ഹ്യുണ്ടായിയും കിയയും കണക്കിലെടുക്കുകയും അത് അടുത്ത ഘട്ടത്തിലേക്ക് കൊണ്ടുപോകുകയും ചെയ്തുവെന്ന് പറയണം.
2020 നവംബറില് ക്രെറ്റയുടെ മൊത്തം 12,017 യൂണിറ്റുകള് നിര്മ്മാതാക്കള് വിറ്റഴിച്ചു. 2019-ല് ഇതേ കാലയളവില് 6,684 യൂണിറ്റുകള് മാത്രമാണ് വിറ്റഴിച്ചത്. വാര്ഷികാടിസ്ഥാനത്തിലുള്ള വില്പ്പന 80 ശതമാനം വര്ധിച്ചു.
MOST READ: ഫീച്ചര് സമ്പന്നം; F6i സ്മാര്ട്ട് ഇലക്ട്രിക് സൈക്കിളുമായി ഹീറോ ലെക്ട്രോ
രണ്ടാം തലമുറ ക്രെറ്റ 2020 മാര്ച്ച് മാസത്തിലാണ് അരങ്ങേറ്റം കുറിച്ചത്. പുതിയ സവിശേഷതകളും സാങ്കേതികവിദ്യകളും ചേര്ത്ത് പുനര്രൂപകല്പ്പന ചെയ്ത പുറംഭാഗവും സമഗ്രമായി അപ്ഡേറ്റുചെയ്ത ഇന്റീരിയറും ഉപയോഗിച്ച് വില്പ്പന ചാര്ട്ടുകളില് കെറ്റ ഒന്നാമതെത്തി.
മിഡ്-സൈസ് എസ്യുവി 2019 ഓഗസ്റ്റില് സമാരംഭിച്ച കിയ സെല്റ്റോസിനേക്കാള് ഇപ്പോള് വില്പ്പനയില് മുന്നിലാണ്. സെല്റ്റോസ് വിപണിയില് എത്തിയ നാളുകളില് വ്യക്തമായ ആധിപത്യം സ്ഥാപിച്ചിരുന്നു. എന്നാല് പുതുതലമുറ ക്രെറ്റ എത്തിയതോടെ വാഹനത്തിന്റെ വില്പ്പനയില് ഇടിവ് സംഭവിച്ചുവെന്ന് വേണം പറയാന്.
കഴിഞ്ഞ മാസം സെല്റ്റോസ് 9,205 യൂണിറ്റ് ആഭ്യന്തര വില്പ്പന രേഖപ്പെടുത്തി. 2019 നവംബറില് ഇത് 14,005 യൂണിറ്റായിരുന്നു. 34 ശതമാനത്തിന്റെ ഇടിവാണ് വില്പ്പനയില് സംഭവിച്ചിരിക്കുന്നത്.
ഒരേ 1.5 ലിറ്റര് പെട്രോള്, 1.5 ലിറ്റര് ഡീസല്, 1.4 ലിറ്റര് ടര്ബോചാര്ജ്ഡ് പെട്രോള് എഞ്ചിനുകള് ഉപയോഗിക്കുന്നതിനാല് രണ്ടിനും നിരവധി സമാനതകളുണ്ട്.
MOST READ: 2021 എംജി ഹെക്ടര് ഫെയ്സ്ലിഫ്റ്റിന്റെ പുതിയ ചിത്രങ്ങള് പുറത്ത്; അവതരണം ഉടന്
ഗ്യാസോലിന് യൂണിറ്റ് 115 bhp പരമാവധി കരുത്തും 144 Nm torque ഉം സൃഷ്ടിക്കുന്നു. ഓയില്-ബര്ണര് 115 bhp കരുത്തും 250 Nm torque ഉം സൃഷ്ടിക്കുന്നു. ചെറിയ ടര്ബോ പെട്രോള് മിഡ് സൈസ് എസ്യുവികളില് 140 bhp കരുത്തും 242 Nm torque ഉം ഉത്പാദിപ്പിക്കുന്നു.
9.89 ലക്ഷം രൂപ മുതല് 17.34 ലക്ഷം രൂപ വരെയാണ് സെല്റ്റോസിന്റെ എക്സ്ഷോറൂം വില. എന്നാല് ക്രെറ്റയുടെ വില അല്പ്പം കുറവാണ്, അതിന്റെ പ്രാരംഭ പതിപ്പിന് 9.81 ലക്ഷം രൂപയും ഉയര്ന്ന പതിപ്പിന് 17.31 ലക്ഷം രൂപയുമാണ് എക്സ്ഷോറൂം വില.
MOST READ: തെറ്റായ ഫാസ്ടാഗ് ഇടപാടുകള്ക്ക് റീഫണ്ടുകള് ഇനി വേഗത്തില്; മാറ്റങ്ങള് ഇങ്ങനെ
10.25 ഇഞ്ച് ടച്ച്സ്ക്രീന് ഇന്ഫോടെയ്ന്മെന്റ് സിസ്റ്റം, ഇലക്ട്രിക് സണ്റൂഫ്, വയര്ലെസ് ചാര്ജിംഗ് സൗകര്യം, ഡിആര്എല്ലുകളുള്ള എല്ഇഡി ഹെഡ്ലാമ്പുകള്, ഓട്ടോമാറ്റിക് ക്ലൈമറ്റ് കണ്ട്രോള്, കണക്റ്റിവിറ്റി സവിശേഷതകള് എന്നിവയാണ് രണ്ട് മോഡലുകളിലെയും ഹൈലൈറ്റിംഗ് സവിശേഷതകള്.
അതേസമയം ജനുവരി മുതല് ഇരുബ്രാന്ഡുകളും മോഡലുകളില് വില വര്ധിപ്പിക്കുമെന്ന് അറിയിച്ചിട്ടുണ്ട്. ഇന്പുട്ടിന്റെയും മെറ്റീരിയല് ചെലവുകളുടെയും വര്ധനവാണ് വില ഉയര്ത്തുന്നതിന് കാരണമായി ചൂണ്ടിക്കാണിക്കപ്പെടുന്നത്. ഉല്പ്പന്നം, ഫ്യുവല് ടൈപ്പ്, വേരിയന്റ് എന്നിവയെ ആശ്രയിച്ച് വിലയിലെ മാറ്റം വ്യത്യാസപ്പെടും. പുതിയ വിലകള് 2021 ജനുവരിയില് വെളിപ്പെടുത്തും.
Continue with Google