ഇന്ത്യൻ വിപണിയിൽ ഏറ്റവും താങ്ങാനാവുന്ന റെനോ എസ്‌യുവിയാവാനൊരുങ്ങി കിഗർ

ഇന്ത്യയിലെ ഏറ്റവും ചെറുതും താങ്ങാനാവുന്നതുമായ റെനോ എസ്‌യുവിയാണിത്. എന്നിരുന്നാലും, 4.99 ലക്ഷം രൂപ മുതൽ 9.45 ലക്ഷം രൂപ വരെ എക്സ്-ഷോറൂം വിലയ്ക്ക് പുതുതായി പുറത്തിറക്കിയ നിസാൻ മാഗ്നൈറ്റിനേക്കാൾ അൽപ്പം വില കൂടുതലായിരിക്കും ഇതിന് എന്ന് പ്രതീക്ഷിക്കാം. 5.50 ലക്ഷം രൂപ മുതൽ റെനോ കിഗർ വില ആരംഭിച്ചേക്കാം.

2021 -ൽ, ട്രൈബർ കോംപാക്ട് എം‌പി‌വിയും വരാനിരിക്കുന്ന കിഗർ കോം‌പാക്ട് എസ്‌യുവിയും ഉപയോഗിച്ച് ഗ്രാമീണ വിപണിയിൽ (ടയർ II, IV നഗരങ്ങൾ) ടാപ്പ് ചെയ്യാൻ റെനോ ലക്ഷ്യമിടുന്നു.

MOST READ: ഇന്ത്യൻ വാഹന വിപണിയിലെ സുപ്രധാന മാറ്റം; ബിഎസ്-VI ചട്ടങ്ങളിലേക്കുള്ള പരിവർത്തനം ഇങ്ങനെ

കഴിഞ്ഞ ആറ് മാസത്തിനിടെ ഗ്രാമീണ വിപണികളിൽ 30 ശതമാനം വിൽപ്പന വളർച്ച കൈവരിച്ചതായി റെനോ ഇന്ത്യ ഓപ്പറേഷൻസ് കൺട്രി സിഇഒയും മാനേജിംഗ് ഡയറക്ടറുമായ വെങ്കട്ടറാം മാമിലപ്പള്ളെ പറഞ്ഞു.

നിലവിൽ, അതിന്റെ വിൽപ്പന ശൃംഖല 390 ലധികം ഷോറൂമുകളിലേക്കും 470 സേവന ഔട്ട്‌ലെറ്റുകളിലേക്കും (200-ലധികം വർക്ക്‌ഷോപ്പ് ഓൺ വീൽസ്) വിപുലീകരിക്കുന്ന പ്രക്രിയയിലാണ്.

MOST READ: ഹാലജനുകൾക്ക് വിട; ഇന്ത്യൻ വിപണിയിൽ എൽഇഡി ഹെഡ്‌ലാമ്പുകളുമായി എത്തുന്ന താങ്ങാനാവുന്ന കാറുകൾ

പുതിയ റെനോ കോംപാക്ട് എസ്‌യുവിയുടെ എഞ്ചിൻ സജ്ജീകരണം നിസ്സാൻ മാഗ്നൈറ്റിന് സമാനമായിരിക്കും. മാഗ്നൈറ്റ് 1.0 ലിറ്റർ നാച്ചുറലി ആസ്പിറേറ്റഡ് പെട്രോളും 1.0 ലിറ്റർ ടർബോചാർജ്ഡ് പെട്രോൾ മോട്ടോറുമായി വരുന്നു.

ഇവ യഥാക്രമം 72 bhp കരുത്ത് 96 Nm torque, 99 bhp കരുത്ത് 160 Nm torque എന്നിവ പുറപ്പെടുവിക്കുന്നു. അഞ്ച് സ്പീഡ് മാനുവൽ, CVT ഓട്ടോമാറ്റിക് ഗിയർബോക്സുകൾ നിർമ്മാതാക്കൾ വാഗ്ദാനം ചെയ്യും. ടർബോ-പെട്രോൾ വേരിയന്റുകൾക്കായിരിക്കും ഓട്ടോമാറ്റിക് ട്രാൻസ്മിഷൻ നൽകുക.

MOST READ: ആരാണ് ഒരു ചേഞ്ച് ആഗ്രഹിക്കാത്തത്! ജനപ്രിയ ബ്രാൻഡുകളിൽ നിന്നുള്ള ചില വ്യത്യസ്ത മോഡലുകൾ

പ്രൊഡക്ഷൻ മോഡൽ മിക്ക ഡിസൈൻ ബിറ്റുകളും (ഏകദേശം 80 ശതമാനം) കൺസെപ്റ്റിൽ നിന്ന് നിലനിർത്തും. ട്രൈബർ എംപിവിക്ക് അടിവരയിടുന്ന CMFA+ പ്ലാറ്റ്‌ഫോമിലാണ് ഇത് നിർമ്മിക്കുക.

സ്പ്ലിറ്റ് ഹെഡ്‌ലാമ്പുകൾ, രണ്ട് തിരശ്ചീന സ്ലാറ്റുകളുള്ള ഗ്രില്ല്, സ്പ്ലിറ്റ് എൽഇഡി ടൈലാമ്പുകൾ, പ്രമുഖ C-പില്ലർ, റിയർ സ്‌പോയിലർ, 8.0 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് യൂണിറ്റ്, ഡിജിറ്റൽ ഇൻസ്ട്രുമെന്റ് കൺസോൾ, എറൗണ്ട് വ്യൂ മോണിറ്റർ, മൾട്ടി-ഫംഗ്ഷണൽ സ്റ്റിയറിംഗ് വീൽ, ക്രൂയിസ് കൺട്രോൾ എന്നിവ ഇതിന്റെ ചില പ്രധാന സവിശേഷതകളിൽ ഉൾപ്പെടും.