സ്‌കോഡ കോഡിയാക് കരുത്തായി ടര്‍ബോ എഞ്ചിനും; കൂടുതല്‍ വിവരങ്ങള്‍ പുറത്ത്

നേരത്തെ ഡീസല്‍ എഞ്ചിന്‍ ഓപ്ഷനിലായിരുന്നു വാഹനം എത്തിയിരുന്നത്. എന്നാല്‍ പുതിയ റിപ്പോര്‍ട്ട് അനുസരിച്ച് ഒരു ടര്‍ബോചാര്‍ജ്ഡ് പെട്രോള്‍ എഞ്ചിനും കോഡിയാക്കില്‍ അവതരിപ്പിക്കാന്‍ സ്‌കോഡ ഒരുങ്ങുന്നതായിട്ടാണ് സൂചന.

2.0 ലിറ്റര്‍ ടര്‍ബോചാര്‍ജ്ഡ് പെട്രോള്‍ എഞ്ചിനാകും ഉപയോഗിക്കുക. ഏഴ് സ്പീഡ് ഡ്യുവല്‍ ക്ലച്ച് ഓട്ടോമാറ്റിക് ആയിരിക്കും ഗിയര്‍ബോക്‌സ്. ഫോക്‌സ്‌വാഗണ്‍ ടിഗുവാന്‍ ഓള്‍സ്പെയ്സിന് കരുത്ത് നല്‍കുന്ന അതേ എഞ്ചിന്‍ തന്നെയാണ് ഇത്.

MOST READ: കൊവിഡ്-19; മാക്സ്-എംജി കൂട്ടുകെട്ടില്‍ നിര്‍മ്മിച്ചത് 100 വെന്റിലേറ്ററുകള്‍

ഈ എഞ്ചിന്‍ 4,200 rpm -ല്‍ 187 bhp കരുത്തും 1,500-4,100 rpm -ല്‍ 320 Nm torque ഉം സൃഷ്ടിക്കും. ഇന്ത്യയില്‍ കോഡിയാക് RS പതിപ്പും സ്‌കോഡ അവതരിപ്പിച്ചേക്കുമെന്ന് സൂചനകളുണ്ട്.

യൂറോപ്യന്‍ വിപണിയില്‍ വില്‍ക്കുന്ന ഈ മോഡലിന് 2.0 ലിറ്റര്‍ ട്വിന്‍-ടര്‍ബോ ഡീസല്‍ എഞ്ചിനാണ് കരുത്ത്. 236 bhp കരുത്തും 500 Nm torque ഉം ഈ എഞ്ചിന്‍ ഉത്പാദിപ്പിക്കും. ഏഴ് സ്പീഡ് DSG ഗിയര്‍ബോക്‌സിനൊപ്പം ഓള്‍ വീല്‍ ഡ്രൈവ് ഓപ്ഷനും ലഭ്യമാണ്.

MOST READ: ബിഎസ് IV വാഹനങ്ങളുടെ വില്‍പ്പന; ഇളവുകള്‍ ഡീലര്‍മാര്‍ ദുരുപയോഗം ചെയ്‌തെന്ന് സുപ്രീംകോടതി

അതേസമയം ഓട്ടോ എക്‌സ്‌പോയില്‍ അവതരിപ്പിച്ച 2.0 ലിറ്റര്‍ TSI എഞ്ചിന്‍ മോഡല്‍ 2021 -ഓടെ വിപണിയിലെത്തുമെന്ന് പ്രതീക്ഷിക്കുന്നു. പൂര്‍ണമായും CKD യൂണിറ്റായിട്ടാകും വാഹനം വിപണിയില്‍ എത്തുക.

190 bhp കരുത്തും 320 Nm torque ആണ് ഈ എഞ്ചിന്‍ ഉത്പാദിപ്പിക്കുന്നത്. കൂടാതെ ഏഴ് സ്പീഡ് ഡിഎസ്ജി ഓട്ടോമാറ്റിക് ഗിയര്‍ബോക്‌സുമായി എഞ്ചിന്‍ ജോടിയാക്കുന്നു. ഓള്‍-വീല്‍ ഡ്രൈവ് സ്റ്റാന്‍ഡേര്‍ഡായി ലഭിക്കും.

MOST READ: ബി‌എസ്‌-VI ഡീസൽ സിവിക് ഉടനെത്തും, ബുക്കിംഗ് ആരംഭിച്ച് ഹോണ്ട

പുതിയ 2.0 ലിറ്റര്‍ TSI-യുടെ വരവോടെ കോഡിയാക് പെട്രോള്‍ മാത്രമുള്ള മോഡലായി മാറും. ബിഎസ് VI മലിനീകരണ മാനദണ്ഡങ്ങളിലേക്കുള്ള ചുവടുവെയ്പ്പാണ് 2.0 ലിറ്റര്‍ TSI ഡീസല്‍ എഞ്ചിനുകളുടെ അവസാനത്തിന് കാരണമായത്.

പുതിയ എഞ്ചിന്റെ അവതരണം മാറ്റി നിര്‍ത്തിയാല്‍ കോഡിയാക്കിന് മറ്റ് മാറ്റങ്ങളൊന്നും തന്നെ സംഭവിച്ചില്ല. ഉയര്‍ന്ന പതിപ്പായ ലോറിന്‍ & ക്ലെമെന്റ് വകഭേദത്തെയാണ് സ്‌കോഡ ഇന്ത്യ ഓട്ടോ എക്സ്പോയിലും പ്രദര്‍ശിപ്പിച്ചത്.