Click it and Unblock the Notifications
XC40 റീച്ചാർജ് ഇലക്ട്രിക് എസ്യുവിയുടെ പ്രൊഡക്ഷൻ ആരംഭിച്ച് വോൾവോ
XC40 റീചാർജ് എന്ന് അറിയപ്പെടുന്ന തങ്ങളുടെ ആദ്യത്തെ പൂർണ്ണ-ഇലക്ട്രിക് വാഹനത്തിന്റെ ഉത്പാദനം വോൾവോ ആരംഭിച്ചു. ബ്രാൻഡിന്റെ ജനപ്രിയ മോഡലായ XC40 എസ്യുവിയുടെ ഇവി വേരിയന്റാണിത്.
വോൾവോയുടെ സഹോദര കമ്പനിയായ പോൾസ്റ്റാറും XC40 പ്ലാറ്റ്ഫോമിൽ അധിഷ്ഠിതമായ പോൾസ്റ്റാർ 2 പുറത്തിറക്കാനുള്ള ഒരുക്കത്തിലാണ്. XC40 റീചാർജ് യഥാർത്ഥ XC40 -ക്ക് സമാനമാണ്.
വോൾവോ കാറുകൾക്കും ഗെന്റിലെ എല്ലാ ജീവനക്കാർക്കും ഇതൊരു സുപ്രധാന നേട്ടമാണ്. തങ്ങളുടെ ലൈനപ്പ് വൈദ്യുതീകരിക്കുന്നത് തുടരുമ്പോൾ, കമ്പനിയുടെ ആഗോള ഉൽപാദന ശൃംഖലയുടെ യഥാർത്ഥ ട്രയൽബ്ലേസറാണ് ഗെൻറ് പ്ലാന്റ് എന്ന് വോൾവോ ആഗോള വ്യവസായ വിഭാഗം മേധാവി ജാവിയർ വരേല പറഞ്ഞു.
XC40 റീചാർജിൽ 78 കിലോവാട്ട്സ് ബാറ്ററി പായ്ക്കാണുള്ളത്, ഇത് പൂർണ്ണ ചാർജിൽ ഏകദേശം 400 കിലോമീറ്റർ ശ്രേണി നൽകുന്നു. ഓരോ ആക്സിലിലും 150 കിലോവാട്ട് ഇലക്ട്രിക് മോട്ടോറുകളുള്ള ഡ്യുവൽ മോട്ടോർ പവർട്രെയിനും ഇതിലുണ്ട്.
ഇത് 408 bhp കരുത്ത് പുറപ്പെടുവിക്കുന്നു. വാഹനത്തിന് 11 കിലോവാട്ട് ചാർജറും 150 കിലോവാട്ട് DC ഫാസ്റ്റ് ചാർജ് ശേഷിയുമുണ്ട്. 4.7 സെക്കൻഡിനുള്ളിൽ 100 കിലോമീറ്റർ വേഗത കൈവരിക്കാൻ ഇവിക്ക് കഴിയും. മണിക്കൂറിൽ 180 കിലോമീറ്ററാണ് വാഹനത്തിന്റെ പരമാവധി വേഗത.
MOST READ: സ്ക്രാംബ്ലര് 1100 പ്രോ ഡീലര്ഷിപ്പുകളില് എത്തി; ഡെലിവറി ഉടനെന്ന് ഡ്യുക്കാട്ടി
എഞ്ചിന്റെ അഭാവം പരിഹരിക്കുന്നതിന് വോൾവോ കാറിന്റെ മുൻവശത്തെ ഘടന പുനർരൂപകൽപ്പന ചെയ്തിട്ടുണ്ട്. XC40 -യുടെ മാതൃകാപരമായ സുരക്ഷാ മാനദണ്ഡങ്ങൾ ഇത് നിലനിർത്തുന്നുവെന്ന് വോൾവോ പറയുന്നു.
2025 ഓടെ CO2 കാൽപ്പാടുകൾ 40 ശതമാനം കുറയ്ക്കാനുള്ള പദ്ധതിയുടെ ഭാഗമായി വോൾവോ ആസൂത്രണം ചെയ്ത നിരവധി ഇലക്ട്രിക് വാഹനങ്ങളിലെ ആദ്യ കാറാണ് XC40 റീചാർജ്.
MOST READ: ഥാർ എസ്യുവിയെ കൂടുതൽ മോടിയാക്കാൻ ഔദ്യോഗിക ആക്സസറികളും
2025 ഓടെ ചൈനീസ് ഉടമസ്ഥതയിലുള്ള സ്വീഡിഷ് കാർ നിർമ്മാതാക്കളുടെ വിൽപ്പനയുടെ 50 ശതമാനം ഇലക്ട്രിക് കാറുകളായിരിക്കും എന്ന് പ്രതീക്ഷിക്കുന്നു. XC40 റീചാർജിന് താഴെയുള്ള ഒരു ചെറിയ ഇലക്ട്രിക് എസ്യുവിയിൽ വോൾവോ നിലവിൽ പ്രവർത്തിക്കുന്നു എന്നും റിപ്പോർട്ടുകളുണ്ട്.
Continue with Google