Click it and Unblock the Notifications
അവതരണത്തിന് പിന്നാലെ M340i എക്സ്ഡ്രൈവ് വിറ്റഴിച്ച് ബിഎംഡബ്ല്യു
അവതരണത്തിന് തൊട്ടുപിന്നാലെ M340i എക്സ്ഡ്രൈവ് ഇന്ത്യയില് വിറ്റുപോയതായി അറിയിച്ച് ബിഎംഡബ്ല്യു. 69.20 ലക്ഷം രൂപ എക്സ്ഷോറൂം വിലയ്ക്കാണ് മോഡലിനെ കമ്പനി വിപണിയില് അവതരിപ്പിച്ചത്.
ഓള്-വീല് ഡ്രൈവ് ഉള്ക്കൊള്ളുന്ന 3-സീരീസിന്റെ സ്പോര്ട്ടിയര് പതിപ്പാണ് M340i എക്സ്ഡ്രൈവ്. ഇതിന് M-നിര്ദ്ദിഷ്ട ചേസിസ് ട്യൂണിംഗും M സ്പോര്ട്ട് റിയര് ഡിഫറന്ഷ്യലും ലഭിക്കും.
സെഡാനില് ബിഎംഡബ്ല്യു ലേസര്ലൈറ്റ്, M റിയര് സ്പോയിലര്, 12.3 ഇഞ്ച് ഡിജിറ്റല് ഇന്സ്ട്രുമെന്റ് ക്ലസ്റ്റര്, ജെസ്റ്റര് കണ്ട്രോള് ഉള്ള 10.25 ഇഞ്ച് ടച്ച്സ്ക്രീന് ഇന്ഫോടെയ്ന്മെന്റ്, ഹെഡ്-അപ്പ് ഡിസ്പ്ലേ, 16 സ്പീക്കര് ഹാര്മാന് കാര്ഡണ് ഓഡിയോ സിസ്റ്റം എന്നിവ ഉള്ക്കൊള്ളുന്നു.
MOST READ: പുത്തൻ എതിരാളികൾക്കിടയിലും തലയെടുപ്പോടെ വിറ്റാര ബ്രെസ; വിൽപ്പനയിൽ 70 ശതമാനം വർധനവ്
ട്വിന് ടര്ബോ 3.0 ലിറ്റര് ഇന്ലൈന് 6 സിലിണ്ടര് എഞ്ചിനാണ് M340i എക്സ്ഡ്രൈവിന്റെ കരുത്ത്. ഈ യൂണിറ്റ് 377 bhp കരുത്തും 500 Nm torque ഉം ഉത്പാദിപ്പിക്കുന്നു.
എഞ്ചിന് 8 സ്പീഡ് ഓട്ടോമാറ്റിക് ഗിയര്ബോക്സുമായി ജോടിയാക്കുകയും നാല് ചക്രങ്ങളിലേക്കും പവര് അയയ്ക്കുകയും ചെയ്യുന്നു. 4.4 സെക്കന്ഡുകള് മാത്രം മതി പൂജ്യത്തില് നിന്നും 100 കിലോമീറ്റര് വേഗത കൈവരിക്കാനും.
MOST READ: സൈക്കിൾ റാലി പോലൊരു കൈഗർ റാലി; ഒരുമിച്ച് 100 യൂണിറ്റ് ഡെലിവറി ചെയ്ത് റെനോ ഡീലർ
ഡ്രാവിറ്റ് ഗ്രേ, സണ്സെറ്റ് ഓറഞ്ച്, ടാന്സാനൈറ്റ് ബ്ലൂ എന്നീ മൂന്ന് കളര് ഓപ്ഷനുകളില് കാര് ലഭ്യമാണ്. കോണ്ട്രാസ്റ്റ് ബ്ലൂ സ്റ്റിച്ചിംഗിനൊപ്പം ബ്ലാക്കില് അല്കന്റാര / സെന്സടെക് കോമ്പിനേഷന് അപ്ഹോള്സ്റ്ററിയും M340i-ന് ലഭിക്കുന്നു.
സ്പോര്ട്സ് സെഡാനെക്കുറിച്ച് പറയുമ്പോള്, M340i എക്സ്ഡ്രൈവില് ഇന്റഗ്രേറ്റഡ് ഡിആര്എല്ലുകളുള്ള നേര്ത്ത രൂപത്തിലുള്ള ഹെഡ്ലാമ്പുകള്, ബ്രാന്ഡിന്റെ സിഗ്നേച്ചര് ഗ്രില്, സ്പോര്ട്ടി ഭാവം നല്കുന്ന ബമ്പറുകള്, റിയര് സ്പോയിലര്, 18 ഇഞ്ച് അലോയ് വീലുകള് എന്നിവ ലഭിക്കുന്നു.
ഇക്കോ പ്രോ, കംഫര്ട്ട്, സ്പോര്ട്ട് എന്നിങ്ങനെ മൂന്ന് ഡ്രൈവിംഗ് മോഡുകള് കാറിന് ലഭിക്കുന്നു. കൂടാതെ, സസ്പെന്ഷനും സ്റ്റിയറിംഗും ഡ്രൈവിംഗ് മോഡുകള്ക്കനുസരിച്ച് ക്രമീകരിക്കാന് സാധിക്കുമെന്നും കമ്പനി അറിയിച്ചു.
M340i നിരവധി ഡ്രൈവിംഗ് അസിസ്റ്റും കമ്പനി അവതരിപ്പിക്കുന്നു. എബിഎസിനൊപ്പം ഡൈനാമിക് സ്റ്റെബിലിറ്റി കണ്ട്രോള്, കോര്ണറിംഗ് ബ്രേക്ക് കണ്ട്രോള്, ഡൈനാമിക് ബ്രേക്ക് കണ്ട്രോള്, പ്രകടന നിയന്ത്രണം, ഡ്രൈ ബ്രേക്കിംഗ് പ്രവര്ത്തനം, സ്റ്റാര്ട്ട്-ഓഫ് അസിസ്റ്റന്റ്, M സ്പോര്ട്ട് ഡിഫറന്ഷ്യല് എന്നിവ ഇതില് ഉള്പ്പെടുന്നു.
Continue with Google