ഫ്രഞ്ച് വിപ്ലവത്തിനൊരുങ്ങി സിട്രൺ; ഇനി ലക്ഷ്യം ഒരു മിഡ്-സൈസ് എസ്‌യുവി, സ്പൈ ചിത്രങ്ങൾ പുറത്ത്

C3 എയർക്രോസിനെ അടിസ്ഥാനമാക്കിയുള്ള ഒരു മിഡ്-സൈസ് എസ്‌യുവിയുമായാണ് ഫ്രഞ്ച് ബ്രാൻഡിന്റെ ഇനിയുള്ള വരവ്. അതിന്റെ ഭാഗമായി വാഹനത്തിന്റെ സജീവ പരീക്ഷണയോട്ടത്തിലാണ് കമ്പനിയിപ്പോൾ. ഇപ്പോൾ ഇന്ത്യൻ ഓട്ടോസ് ബ്ലോഗ് കാറിന്റെ പുതിയ സ്പൈ ചിത്രങ്ങളും പുറത്തുവിട്ടിരിക്കുകയാണ്.

സിഗ്‌നേച്ചർ ഗ്രിൽ, എൽഇഡി ഡിആർഎല്ലുകളുള്ള ലംബമായി വിഭജിച്ച ഹെഡ്‌ലാമ്പുകൾ, മുൻവശത്തുള്ള ബമ്പറിന്റെ താഴത്തെ ഭാഗത്ത് ചങ്കി സ്‌കഫ് പ്ലേറ്റ്, ട്രപസോയിഡൽ റേഡിയേറ്റർ ഗ്രിൽ എന്നിവ വരാനിരിക്കുന്ന മോഡലിന്റെ പ്രധാന സവിശേഷതകളാകും.

MOST READ: മാര്‍ച്ചിലും മികച്ച വില്‍പ്പന പ്രതീക്ഷിച്ച് ടൊയോട്ട; മോഡലുകളില്‍ ഓഫറുകള്‍ പ്രഖ്യാപിച്ചു

കറുത്ത ക്ലാഡിംഗും ശക്തമായ ഷോൾഡർ ലൈനുകളുള്ള സ്ക്വയർ വീൽ ആർച്ചുകളും വശക്കാഴ്ച്ചയിൽ എസ്‌യുവിക്ക് ഒരു ക്രോസ്ഓവർ ശൈലി സമ്മാനിക്കും. എ, സി പില്ലറുകളിൽ ക്വാർട്ടർ ഗ്ലാസുകളുണ്ട്. ഇതിന്റെ പിൻഭാഗം വരാനിരിക്കുന്ന സിട്രൺ C5 എയർക്രോസിന് സമാനമാണെന്നതും ശ്രദ്ധേയം.

ഡ്യുവൽ-ടോൺ ബമ്പറും ട്രപസോയിഡൽ ടെയിലാമ്പുകളും എടുത്തുപറയേണ്ട മറ്റൊരു സവിശേഷതയാണ്. അളവനുസരിച്ച് സിട്രൺ C3 എയർക്രോസിന് 4154 മില്ലീമീറ്റർ നീളവും 1756 മില്ലീമീറ്റർ വീതിയും 1637 മില്ലീമീറ്റർ ഉയരവുമാണുള്ളത്.

MOST READ: സമഗ്രമാറ്റങ്ങൾ വെളിപ്പെടുത്തി 2021 കോമ്പസിന്റെ പുതിയ TVC പങ്കുവെച്ച് ജീപ്പ്

ഫ്രഞ്ച് ബ്രാൻഡ് ഇന്ത്യൻ വിപണിയിൽ C3 എയർക്രോസ് പ്ലാറ്റ്ഫോം അടിസ്ഥാനമാക്കിയുള്ള ഒരു സബ്-4 മീറ്റർ എസ്‌യുവിയും കൊണ്ടുവരും. റിപ്പോർട്ടുകൾ അനുസരിച്ച് വരാനിരിക്കുന്ന സിട്രൺ സബ് കോംപാക്‌ട് എസ്‌യുവി 100 ശതമാനം പ്രാദേശികവൽക്കരിച്ച 1.2 ലിറ്റർ ടർബോചാർജ്ഡ് പെട്രോൾ എഞ്ചിനുമായി വരും.

ഇതിന്റെ വൈദ്യുത ആവർത്തനവും ആദ്യഘട്ടത്തിൽ അവതരിപ്പിക്കപ്പെടാം. നിലവിൽ ഹ്യുണ്ടായി ക്രെറ്റയും കിയ സെൽറ്റോസും ഭരിക്കുന്ന വളർന്നുവരുന്ന മിഡ്-സൈസ് എസ്‌യുവി സെഗ്‌മെന്റിൽ പയറ്റാനാണ് സിട്രൺ ലക്ഷ്യമിടുന്നത്.

MOST READ: പുതുതലമുറ ടി-റോക്ക്, ടിഗുവാൻ മോഡലുകൾക്ക് പ്ലഗ്-ഇൻ-ഹൈബ്രിഡ് സംവിധാനവും

മിഡ്‌-സൈസ് എസ്‌യുവി 2022 ജൂണിൽ ഉത്‌പാദനത്തിലേക്ക് പ്രവേശിക്കുമെന്നാണ് ഇപ്പോൾ ലഭിക്കുന്ന വിവരം. സബ്-4 മീറ്റർ എസ്‌യുവിയുടെ അവതരണത്തിനു ശേഷം ഇത് ഫ്രഞ്ച് കാർ‌ നിർമാതാക്കളിൽ‌ നിന്നുള്ള മൂന്നാമത്തെ ഓഫറായിരിക്കാം.

മാരുതി സുസുക്കി സിയാസ്, ഹ്യുണ്ടായി വേർണ, ഹോണ്ട സിറ്റി എന്നിവയെ വെല്ലുവിളിക്കാൻ ഒരു മിഡ് സൈസ് സെഡാനിലും സിട്രൺ പ്രവർത്തിക്കുന്നുണ്ട്. 2023-ഓടെ ഇത് എപ്പോഴെങ്കിലും വിപണിയിൽ എത്താനാണ് സാധ്യത.