ക്രെറ്റ, വെന്യു മോഡലുകൾ തിളങ്ങി; മാർച്ചിൽ വിൽപ്പന പൊടിപൊടിച്ച് ഹ്യുണ്ടായി

2020-ൽ ഇതേ മാസത്തേക്കാൾ 100 ശതമാനം വളർച്ചയാണ് ഉണ്ടായിരിക്കുന്നതെന്നും റിപ്പോർട്ടിൽ പറയുന്നു. മൊത്തം 64,621 യൂണിറ്റുകളിൽ ആഭ്യന്തര വിൽപ്പനയിൽ 52,600 യൂണിറ്റും അന്താരാഷ്ട്ര വിപണിയിലേക്കുള്ള കയറ്റുമതിയിൽ 12,021 യൂണിറ്റുകളും ഉൾപ്പെടുന്നു.

2020 മാർച്ചുമായി താരതമ്യപ്പെടുത്തുമ്പോൾ ആഭ്യന്തര വിൽപ്പനയിൽ 100 ശതമാനം വർധനവാണ് ഉണ്ടായിയെന്നാണ് കമ്പനി വ്യക്തമാക്കുന്നത്. കഴിഞ്ഞ വർഷം മാർച്ചിൽ 5,979 ആയിരുന്ന കയറ്റുമതി, ഇത് ഈ വർഷം 101 ശതമാനമായി ഉയർന്നു.

MOST READ: യുവാക്കള്‍ തങ്ങളുടെ ആദ്യ വാഹനമായി ഇലക്ട്രിക് കാറുകള്‍ വാങ്ങണമെന്ന ആഹ്വാനവുമായി ഡല്‍ഹി മന്ത്രി

ഹ്യുണ്ടായി ക്രെറ്റ, വെന്യു, പുതിയ ഹ്യുണ്ടായ് i20 എന്നിവ വാങ്ങുന്നവർക്കിടയിൽ വളരെ പ്രചാരമുള്ള മോഡലുകളായി തുടരുന്നുവെന്നും റിപ്പോർട്ടിൽ പറയുന്നു. ക്രെറ്റയുടെ 12,640 യൂണിറ്റുകൾ, വെന്യുവിന്റെ 10,722 യൂണിറ്റുകൾ, ഗ്രാൻഡ് i10 നിയോസിന്റെ 11,020 യൂണിറ്റുകൾ, പുതിയ i20-യുടെ 9,045 യൂണിറ്റുകൾ, വെർണയുടെ 2,778 യൂണിറ്റുകൾ, ഓറയുടെ 3,915 യൂണിറ്റുകൾ എന്നിങ്ങനെയാണ് വിൽപ്പന കണക്കുകൾ.

ക്രെറ്റ തന്നെയാണ് ബ്രാൻഡിനായി മികച്ച വിൽപ്പന നടത്തുന്നതും. ഈ പ്രകടനത്തെ ഹ്യൂണ്ടായിയുടെ സൂപ്പർ പെർഫോമർ മോഡലുകളായ ക്രെറ്റ, വെന്യു, വെർണ, നിയോസ്, പുതിയ i20 എന്നിവ പിന്തുണച്ചിട്ടുണ്ട്.

MOST READ: സെൽറ്റോസ് ഗ്രാവിറ്റി എഡിഷൻ ഇന്ത്യയിലേക്കും; ശ്രേണി പിടിച്ചടക്കാൻ തുനിഞ്ഞ് കിയ മോട്ടോർസ്

ഹ്യുണ്ടായി എസ്‌യുവികളുടെ ശക്തമായ പോർട്ട്ഫോളിയോയ്ക്കൊപ്പം, വരാനിരിക്കുന്ന ഏഴ് സീറ്റർ എസ്‌യുവി - അൽകാസർ ഈ വിഭാഗത്തിൽ പുതിയ മാതൃക സൃഷ്ടിക്കുമെന്ന് ഡയറക്ടർ (സെയിൽസ്, മാർക്കറ്റിംഗ് & സർവീസ്) തരുൺ ഗാർഗ് പറഞ്ഞു.

ഇതിനോടകം തന്നെ വാഹനം സംബന്ധിച്ച് ഏതാനും വിവരങ്ങൾ പുറത്തുവരുകയും ചെയ്തു. 2021 ഏപ്രിൽ 6-ന് മോഡലിനെ അവതരിപ്പിക്കുമെന്നാണ് കമ്പനി അറിയിച്ചിരിക്കുന്നത്.

MOST READ: തലമുറ മാറ്റത്തിനൊരുങ്ങി വിറ്റാര ബ്രെസ, എത്തുന്നത് ആറ് എയർബാഗുകളും സൺറൂഫും പോലുള്ള സവിശേഷതകളുമായി

ഡിസൈൻ ഘടകങ്ങൾ ഏറെക്കുറെ ക്രെറ്റയ്ക്ക് സമാനമായിരിക്കുമെന്നാണ് റിപ്പോർട്ടുകൾ. ഫീച്ചറുകളും, സവിശേഷതകളും, എഞ്ചിൻ, ഗിയർബോക്‌സ് ഓപ്ഷനുകൾ എന്നിവയെല്ലാം ക്രെറ്റയ്ക്ക് സമാനമായി തന്നെ മുന്നോട്ട് കൊണ്ടുപോകും.

വാഹനത്തിന്റെ ഡെലിവറികൾ ഈ വർഷം ജൂൺ മുതൽ ആരംഭിക്കുമെന്ന് പ്രതീക്ഷിക്കുന്നു. വരാനിരിക്കുന്ന 7 സീറ്റർ എസ്‌യുവിക്കായി കമ്പനി ഇതിനകം തന്നെ ബുക്കിംഗ് ആരംഭിച്ചതായിട്ടാണ് റിപ്പോർട്ട്.