ബെംഗളൂരുവിൽ ശക്തി ഓട്ടോ കാറുകൾക്കൊപ്പം പുതിയ ഡിലർഷിപ്പ് ആരംഭിച്ച് ജാഗ്വർ ലാൻഡ് റോവർ

4,180 ചതുരശ്ര മീറ്ററിൽ വ്യാപിച്ചുകിടക്കുന്ന പുതിയ ഷോറൂം ഉപഭോക്താക്കൾക്ക് ഉയർന്ന നിലവാരത്തിലുള്ള വിൽപ്പനയും വിൽപ്പനാനന്തര അനുഭവവും വാഗ്ദാനം ചെയ്യുന്നതിനാണ് രൂപകൽപ്പന ചെയ്തിരിക്കുന്നത്. അത്യാധുനിക ഷോറൂമിൽ ഡയറക്ടറായി വെങ്കടേഷ് ടാറ്റുസ്‌കറിനെ കമ്പനി നിയമിച്ചു.

ബെംഗളൂരുവിലെ ബ്രൂക്ക്ഫീൽഡിലെ പുതിയ ജാഗ്വർ ലാൻഡ് റോവർ ഡീലർഷിപ്പിൽ ബ്രിട്ടീഷ് നിർമ്മാതാക്കളിൽ നിന്നുള്ള 10 കാറുകൾ പ്രദർശിപ്പിക്കും. ഉപഭോക്താക്കൾക്ക് വാഹനങ്ങൾ കൈമാറുന്നതിന് പ്രത്യേക ഡെലിവറി ബേയും ഇതിലുണ്ടാകും, ഇത് കൂടുതൽ വ്യക്തിഗത അനുഭവം അനുവദിക്കും.

MOST READ: മെർസിഡീസ് F 100; മൂന്ന് പതിറ്റാണ്ടുകൾക്ക് മുന്നേ ഇന്നത്തെ സാങ്കേതികവിദ്യകൾ അവതരിപ്പിച്ച കാർ

ബ്രാൻഡിന്റെ വിൽപ്പന പ്രവർത്തനങ്ങൾക്കൊപ്പം, ഷോറൂമിൽ ഒരു സംയോജിത സർവ്വീസ് വർക്ക് ഷോപ്പും ഉണ്ടായിരിക്കും. ഉപഭോക്താക്കൾക്ക് മികച്ച അനുഭവം ഉറപ്പാക്കുന്നതിന് അത്യാധുനിക ഉപകരണങ്ങൾ, 18 സർവീസ് ബേകൾ, ഉയർന്ന പരിശീലനം ലഭിച്ച ഉദ്യോഗസ്ഥരുടെ ഒരു ടീം എന്നിവ ഇതിൽ ഉൾപ്പെടും.

ഷോറൂമിന് അംഗീകൃത പ്രീ-ഓൺഡ് കാർ ഏരിയയും ഉണ്ടായിരിക്കും. ഇത് ഉപയോക്താക്കൾക്ക് വിപുലമായ പ്രീ-ഓൺഡ് മോഡലുകൾ വാഗ്ദാനം ചെയ്യും. ജാഗ്വർ, ലാൻഡ് റോവർ എന്നിവയിൽ നിന്നുള്ള ബ്രാൻഡഡ് ആക്‌സസറികളും മറ്റും സൗകര്യത്തിലുണ്ടായിരിക്കും.

MOST READ: മാറ്റങ്ങൾ അനിവാര്യമാണ്; കൂടുതൽ മിടുക്കനാവാൻ ഹിമാലയൻ, 2021 മോഡലിലെ പരിഷ്ക്കരണങ്ങൾ ഇങ്ങനെ

ബെംഗളൂരുവിലെ തങ്ങളുടെ ഉപഭോക്താക്കളെ സേവിക്കുന്നതിനായി ശക്തി ഓട്ടോ കാറുകളുമായി പങ്കാളികളായി എന്നത് പ്രഖ്യാപിക്കുന്നതിൽ വളരെ സന്തുഷ്ടനാണെന്ന് ജാഗ്വർ ലാൻഡ് റോവർ ഇന്ത്യ ലിമിറ്റഡ് (JLR) പ്രസിഡന്റും മാനേജിംഗ് ഡയറക്ടറുമായ രോഹിത് സൂരി പറഞ്ഞു.

നിർമ്മാതാക്കളുടെ ആധുനിക വിൽപ്പന കേന്ദ്രം, വിൽപ്പന, സർവ്വീസ്, സ്പെയർ എന്നീ സൗകര്യങ്ങളൊരുക്കി ഇത് ഉപയോക്താക്കൾക്ക് ഒരു മെച്ചപ്പെട്ട ആക്സസ് നൽകുന്നു.

MOST READ: എംപിവി ശ്രേണിയില്‍ വിപണി വിഹിതം മെച്ചപ്പെടുത്തി മാരുതി; താങ്ങായി എര്‍ട്ടിഗ, XL6 മോഡലുകള്‍

പുതിയ ഷോറൂം കൂട്ടിച്ചേർത്തതോടെ ജാഗ്വർ ലാൻഡ് റോവറിന് നിലവിൽ ഇന്ത്യയിൽ 24 നഗരങ്ങളിലായി 28 അംഗീകൃത ഔട്ട്‌ലെറ്റുകളുണ്ട്. ഇതിൽ ബെംഗളൂരുവിൽ മൂന്ന്, ഡൽഹി, മുംബൈ എന്നിവിടങ്ങളിൽ രണ്ട്, ശേഷിക്കുന്ന മറ്റ് നഗരങ്ങളിൽ ഒന്ന് വീതവുമാണ്.

ജാഗ്വർ നിലവിൽ നാല് മോഡലുകൾ ഇന്ത്യൻ വിപണിയിൽ വിൽക്കുന്നു. ഇതിൽ XE, XF, F-പേസ്, F-ടൈപ്പ് എന്നിവ ഉൾപ്പെടുന്നു. ബ്രാൻഡ് നിലവിൽ തങ്ങളുടെ ആദ്യത്തെ ഓൾ-ഇലക്ട്രിക് എസ്‌യുവി, I-പേസ് ഇന്ത്യൻ വിപണിയിൽ അവതരിപ്പിക്കാനുള്ള ശ്രമത്തിലാണ്.

MOST READ: സ്മാർട്ട് കീയും പഴഞ്ചനായി; ഡിജിറ്റൽ കാർ കീ ഫീച്ചറിനായി പ്രമുഖ കാർ ബ്രാൻഡുകളുമായി കൈകോർത്ത് സാംസങ്

ലാൻഡ് റോവറിന് ഇന്ത്യൻ വിപണിയിൽ നിരവധി മോഡലുകൾ ലഭ്യമാണ്. 59.73 ലക്ഷം രൂപയിൽ ആരംഭിക്കുന്ന റേഞ്ച് റോവർ ഇവോക്കിൽ നിന്ന് 2.01 കോടി രൂപ വിലയുള്ള റേഞ്ച് റോവർ വരെ പോകുന്നു.