ഈ വർഷം ഇത് രണ്ടാംതവണ; മോഡലുകൾക്ക് വീണ്ടും വില കൂട്ടി എംജി

വിലയുടെ അമിത ഭാരം ഉപഭോക്താക്കളിലേക്ക് കൈമാറുന്ന സമയമായതിനാൽ തന്നെ എം‌ജി മോട്ടോർ ഇന്ത്യ 2021 ഫെബ്രുവരി മുതൽ ഹെക്ടർ, ഹെക്ടർ പ്ലസ് എന്നിവയ്‌ക്കായുള്ള വിലയിലും വർധനവ് പ്രഖ്യാപിച്ചിരിക്കുകയാണ്. പുതുവർഷത്തിൽ എംജി നടപ്പിലാക്കുന്ന രണ്ടാമത്തെ വില വർധനവാണിത്.

പ്രതികൂല വിനിമയ നിരക്കും ഇൻ‌പുട്ട് ചെലവുകളുടെ നിരന്തര ഉയർച്ചയുമാണ് ഇത്തരമൊരു നീക്കത്തിലേക്ക് തള്ളിവിട്ടതെന്ന് കമ്പനി വ്യക്തമാക്കി. എന്നാൽ സ്റ്റൈൽ, സൂപ്പർ വേരിയന്റുകളിലെ 2.0 ലിറ്റർ ഡീസൽ സ്റ്റാൻഡേർഡ്, ഡ്യുവൽ ടോൺ മോഡലുകൾ വർധനയില്ലാതെ ലഭ്യമാണ്. സ്മാർട്ട്, ഷാർപ്പ് എന്നിവയ്ക്ക് ഇപ്പോൾ യഥാക്രമം 17,01,800 രൂപയും 18,42,800 രൂപയുമാണ് വില.

MOST READ: ടൈഗര്‍ 850 സ്‌പോര്‍ട്ടിനെ അവതരിപ്പിക്കുന്ന തീയതി വെളിപ്പെടുത്തി ട്രയംഫ്

എംജി ഹെക്ടറിന്റെ വില പരിഷ്ക്കരണം ഇങ്ങനെ

ഹെക്ടർ അഞ്ച് സീറ്റർ എസ്‌യുവിയുടെ പെട്രോൾ ഡിസിടി STD സ്മാർട്ട് വേരിയന്റിന് 16,51,800 രൂപയാണ് ഇനി മുതൽ മുടക്കേണ്ടത്. ഷാർപ്പ് പെട്രോൾ സ്റ്റാൻഡേർഡും ഡ്യുവൽ ടോണും ചേരുമ്പോൾ വില 18,09,800 രൂപയായി ഉയരും. എന്നാൽ പെട്രോൾ BSG 6 സ്പീഡ് മാനുവൽ STD സൂപ്പർ പതിപ്പിന്റെ വിലയിൽ മാറ്റമൊന്നുമില്ല എന്നത് ശ്രദ്ധേയമാണ്.

സ്മാർട്ട് പതിപ്പിന് ഇപ്പോൾ 15,75,800 രൂപയും ഡ്യുവൽ ടോണിലെ ഷാർപ്പ് മോഡലിന് 17,09,800 രൂപയുമാണ് ഇന്ത്യയിലെ പുതുക്കിയ എക്സ്ഷോറൂം വില. മറ്റ് വേരിയന്റികളിലുടനീളം 10,000 രൂപയുടെ ഉയർച്ചയാണ് കമ്പനി നിശ്ചയിച്ചിരിക്കുന്നത്. എന്നാൽ സ്മാർട്ട് എംടി ഹൈബ്രിഡിന് 11,000 രൂപയുടെ പരിഷ്ക്കരമാണ് എംജി നൽകിയിരിക്കുന്നത്.

MOST READ: ടാറ്റ സഫാരിയുടെ ഔദ്യോഗിക ബുക്കിംഗ് ഇന്നുമുതല്‍; കൂടുതല്‍ വിവരങ്ങള്‍ ഇങ്ങനെ

എം‌ജി ഹെക്ടർ പ്ലസ് വില വർധനവ്

ഹെക്ടർ പ്ലസ് പെട്രോൾ, ഡീസൽ 6 സീറ്റർ മാനുവൽ അല്ലെങ്കിൽ ഓട്ടോമാറ്റിക് വേരിയന്റുകളുടെ വില പരിഷ്ക്കരണമില്ലാതെ തുടരുന്നു. 6 സീറ്റ് വേരിയന്റുകളുടെ ബാക്കി വില വർധനവ് 10,000 രൂപ വീതമാണ്. ഷാർപ്പ് മാനുവൽ ഹൈബ്രിഡ് ഇപ്പോൾ 17.75 ലക്ഷം രൂപയിൽ നിന്ന് 17.85 ലക്ഷം രൂപയായി മാറി.

ഷാർപ്പ് ഓട്ടോമാറ്റിക്കിന് 18.80 ലക്ഷം രൂപയിൽ നിന്ന് 18.90 ലക്ഷമായി എക്സ്ഷോറൂം വില. അതേസമയം ഷാർപ്പ് ഓട്ടോമാറ്റിക് DT പതിപ്പിനും 18.90 ലക്ഷം രൂപയായി പുതുക്കിയ വില.

MOST READ: ടൈഗണിന് ശേഷം ടിഗുവാൻ ഫെയ്‌സ്‌ലിഫ്റ്റ് ഇന്ത്യയിലേക്ക് എത്തിയേക്കും

ഡീസൽ 6 സീറ്റർ വേരിയന്റുകളിൽ, സ്മാർട്ട് മാനുവലിന് ഇപ്പോൾ 17.62 ലക്ഷം രൂപയിൽ നിന്ന് 17.72 ലക്ഷം രൂപയായി ഉയർന്നു. ഷാർപ്പ് മാനുവലിന് 19.13 ലക്ഷത്തിൽ നിന്ന് 19.23 ലക്ഷമായപ്പോൾ ഷാർപ്പ് MT DT മോഡലിന് ഇപ്പോൾ 19.43 ലക്ഷം രൂപയാണ് മുടക്കേണ്ടത്.

പരിഷ്ക്കരിച്ച വിലയിൽ ഹെക്ടർ പ്ലസ് 7 സീറ്റർ വേരിയന്റുകൾ ഉൾപ്പെടുന്നില്ല. എന്നാൽ ചില വേരിയന്റുകൾക്ക് 10,000 രൂപയുടെ വർധനവ് കമ്പനി നടപ്പിലാക്കിയിട്ടുണ്ട്. എക്സ്റ്റീരിയർ ഡ്യുവൽ ടോൺ കളർ വേരിയന്റുകൾ‌ക്കായും അടിസ്ഥാന വേരിയന്റ് വിലയ്‌ക്കും 20,000 രൂപയോളം വ്യത്യാസം വന്നിട്ടുണ്ട്.