ഹ്യുണ്ടായിയുടെ ആഢംബര ബ്രാൻഡ് ഇന്ത്യയിലേക്ക്; G80 സെഡാന്റെ പരീക്ഷണയോട്ടം ആരംഭിച്ച് ജെനിസിസ്

അതിന്റെ ഭാഗമായി ഇന്ത്യൻ നിരത്തുകളിൽ വാഹനത്തിന്റെ പരീക്ഷണോട്ടവും ജെനിസിസ് ആരംഭിച്ചിരിക്കുകയാണ്. ഓട്ടോകാർ ഇന്ത്യ പുറത്തുവിട്ട സ്പൈ ചിത്രങ്ങളാണ് ഹ്യുണ്ടായിയുടെ ആഢംബര ബ്രാൻഡ് യാഥാർഥ്യമാകാൻ ഒരുങ്ങുന്നുവെന്ന സൂചന നൽകുന്നത്.

ഹ്യുണ്ടായി മോട്ടോർ ഗ്രൂപ്പിന്റെ ആഢംബര ഉപ ബ്രാൻഡായ ജെനിസിസ് 2015-ലാണ് അന്താരാഷ്ട്ര തലത്തിൽ ഇടംപിടിക്കുന്നത്. G90 മോഡലിലൂടെ തുടക്കം കുറിച്ച ജെനിസിസ് 2016-ൽ G80 സെഡാനും അവതരിപ്പിച്ച് ചുവടുറപ്പിച്ചു.

MOST READ: നിസാന്റെ രക്ഷകനായി മാഗ്നൈറ്റ്; ജനുവരി മാസത്തെ വില്‍പ്പനകണക്കുകള്‍ ഇങ്ങനെ

അന്താരാഷ്ട്ര വിപണിയിൽ മെർസിഡീസ് ഇ-ക്ലാസ്, ബിഎംഡബ്ല്യു 5 സീരീസ് തുടങ്ങിയ ആഢംബര കാറുകളോട് മുട്ടിനിൽക്കാനാണ് ജെനിസിസ് G80 അവതരിപ്പിച്ചത്. കമ്പനിയുടെ നിരയിൽ തുടക്കക്കാരനായ G70, മുൻനിര സെഡാൻ മോഡലായ G90 എന്നിവയ്ക്കിടയിലാണ് G80 മോഡലിന്റെ സ്ഥാനം.

പുതിയ G80 അതിന്റെ മുൻഗാമിയെപ്പോലെ നാല് ഡോറുള്ള കൂപ്പെ ശൈലിയാണ് പിന്തുടരുന്നത്. ആഢംബര ബ്രാൻഡിന്റെ ട്രേഡ്മാർക്കായ ‘ക്രെസ്റ്റ്' ഗ്രില്ലാണ് വാഹനത്തിന്റെ മുൻവശത്ത് ആധിപത്യം പുലർത്തുന്നത്. യുണീക് രൂപകൽപ്പനയിൽ മുന്നിലും പിന്നിലും നേർത്ത, സ്പ്ലിറ്റ് ലൈറ്റ് ക്ലസ്റ്ററുകൾ ഉൾപ്പെടുന്നുണ്ട്.

MOST READ: പുത്തൻ എൻഡവറിന് വൈൽഡ്‌ട്രാക്ക് X വേരിയന്റും സമ്മാനിക്കാൻ ഒരുങ്ങി ഫോർഡ്

ഓരോ യൂണിറ്റിലും ടേൺ ഇൻഡിക്കേറ്ററുകൾ ഇടംപിടിച്ചിട്ടുമുണ്ട്. സെഡാന്റെ അകത്തളത്തിൽ 12.3 ഇഞ്ച് ഡിജിറ്റൽ ഇൻസ്ട്രുമെന്റ് ക്ലസ്റ്റർ, ടു-സ്‌പോക്ക് സ്റ്റിയറിംഗ്, 14.5 ഇഞ്ച് ഇൻഫോടെയ്ൻമെന്റ് ഡിസ്‌പ്ലേ, ലെതർ, വുഡ്, ബ്രൈറ്റ് വർക്ക് എന്നിവയുടെ വിപുലമായ ഉപയോഗവും കാണാം.

ആദ്യത്തെ മോഡലായി ഒരു എസ്‌യുവിയെ പരിചയപ്പെടുത്തി ഇന്ത്യൻ വിപണിയിൽ പ്രവേശിക്കാനാണ് ജെനിസിസിന് താൽപര്യം. ആഗോള തലത്തിൽ നിലവിൽ രണ്ട് എസ്‌യുവികളാണ് ബ്രാൻഡിന് ഉള്ളത്.

MOST READ: പ്രീമിയം എസ്‌യുവി നിരയിലെ പുത്തൻ താരോദയം; സിട്രൺ C5 എയർക്രോസിന്റെ ആദ്യ ഡ്രൈവ് റിവ്യൂ വിശേഷങ്ങൾ

അതിൽ GV80, ഹ്യുണ്ടായി ട്യൂസോൺ അധിഷ്ഠിത GV70 എന്നിവ ഉൾപ്പെടുന്നു. കമ്പനിയുടെ സെഡാൻ ലൈനപ്പ് ഇന്ത്യയിലേക്ക് കൊണ്ടുവരാനുള്ള കമ്പനിയുടെ പദ്ധതികളെക്കുറിച്ച് ഇതുവരെ ഒരു പദ്ധതിയും വെളിപ്പെടുത്തിയിട്ടുമില്ല.

എന്നിരുന്നാലും G80 ആദ്യഘട്ടത്തിൽ അവതരിപ്പിക്കുന്നതിൽ തെറ്റൊന്നുമില്ല. ആഢംബര വാഹനം എന്നുകേൾക്കുമ്പോൾ ഒരു സെഡാൻ മോഡൽ ആഗ്രഹിക്കുന്ന ഒരു വിഭാഗം ഇന്നും നമ്മുടെ ഇടയിലുള്ളതിനാൽ ജെനിസിസിന്റെ തീരുമാനം ഒട്ടും പിന്നോട്ടായിരിക്കില്ല എന്നതാണ് യാഥാർഥ്യം.