Click it and Unblock the Notifications
പൂർണ്ണ ഇലക്ട്രിക് XC 40 റീചാർജിനെ വോൾവോ ഇന്ത്യയിൽ അവതരിപ്പിച്ചു
വോൾവോ കാർ ഇന്ത്യ പുതിയ XC 40 റീചാർജ് ഇലക്ട്രിക് എസ്യുവി ഔദ്യോഗികമായി പുറത്തിറക്കി. കഴിഞ്ഞ വർഷം ആഗോള വിപണിയിൽ വിൽപ്പനയ്ക്കെത്തിയ ഇലക്ട്രിക് എസ്യുവി ചൈനീസ് ഉടമസ്ഥതയിലുള്ള സ്വീഡിഷ് കാർ നിർമാതാക്കളിൽ നിന്നുള്ള ആദ്യത്തെ പൂർണ്ണ ഇലക്ട്രിക് മോഡലാണ്.
ഇതിനകം തന്നെ മെർസിഡീസ് ബെൻസ് EQC, ഉടൻ പുറത്തിറങ്ങാനിരിക്കുന്ന ജാഗ്വർ I-പേസ് എന്നിവയടങ്ങുന്ന ഇന്ത്യയിലെ ആഢംബര ഇവി വിഭാഗത്തിൽ XC 40 റീചാർജ് ഏറ്റവും പുതിയ കൂട്ടിച്ചേർക്കലായിരിക്കും.
പുതിയ വോൾവോ XC 40 റീചാർജ് ഇലക്ട്രിക് എസ്യുവിയുടെ പ്രീ-ബുക്കിംഗ് ജൂൺ മുതൽ തുടങ്ങും, ഡെലിവറികൾ 2021 ഒക്ടോബറിൽ ആരംഭിക്കും.
ബെൽജിയത്തിലെ ഗെന്റിലുള്ള കമ്പനിയുടെ പ്ലാന്റിലാവും പുതിയ വോൾവോ XC 40 റീചാർജ് നിർമ്മിക്കുക, ഇത് കംപ്ലീറ്റ്ലി ബിൽറ്റ് ഇൻ യൂണിറ്റ് (CBU) മോഡലായി ഇന്ത്യയിലെത്തും.
ഓരോ ആക്സിലിലും 150 കിലോവാട്ട് ഇലക്ട്രിക് മോട്ടോറുകളുള്ള ഡ്യുവൽ മോട്ടോർ പവർട്രെയിനുമായാണ് ഇലക്ട്രിക് എസ്യുവി വരുന്നത്.
MOST READ: ടാറ്റ സഫാരിക്കായും കാത്തിരിക്കണം; ബുക്കിംഗ് കാലയളവ് രണ്ടര മാസം വരെയെന്ന് റിപ്പോർട്ട്
78 കിലോവാട്ട്സ് ബാറ്ററി പായ്ക്കാണ് ഇലക്ട്രിക് മോട്ടോറുകൾക്ക് കരുത്ത് പകരുന്നത്, ഇത് ഏകദേശം 418 കിലോമീറ്റർ ശ്രേണി വാഗ്ദാനം ചെയ്യുന്നു. 4.9 സെക്കൻഡിനുള്ളിൽ 100 കിലോമീറ്റർ വേഗത കൈവരിക്കാൻ വാഹനത്തിന് കഴിയും.
സാധാരണ XC 40 പോലെ, കമ്പനിയുടെ കോംപാക്ട് മോഡുലാർ ആർക്കിടെക്ചർ (CMA) പ്ലാറ്റ്ഫോമിലാണ് XC 40 റീചാർജ് നിർമ്മിച്ചിരിക്കുന്നത്.
വാഹനത്തിന്റെ ഇലക്ട്രിക് സ്വഭാവത്തെ സൂചിപ്പിക്കുന്ന ചില വിഷ്വൽ അടയാളങ്ങൾ ഒഴികെ, ബാക്കി ഘടകങ്ങൾ XC 40 -ക്ക് സമാനമാണ്.
മുൻവശത്ത്, വോൾവോ ബാഡ്ജ് ഉൾക്കൊള്ളുന്ന ഗ്രില്ലിന് പകരം വൈറ്റ്-ഫിനിഷ്ഡ് പാനൽ ലഭിക്കുന്നു, പുതിയ അലോയി വീലുകളും മോഡലിന് ലഭിക്കുന്നു. ടെസ്ല കാറുകളെപ്പോലെ തന്നെ XC 40 റീചാർജും മുൻവശത്ത് 31 ലിറ്റർ ചെറിയ സ്റ്റോറേജ് സ്പെയിസ് വാഗ്ദാനം ചെയ്യുന്നു.
2021 മുതൽ എല്ലാ വർഷവും ഒരു ഇലക്ട്രിക് വാഹനം ഇന്ത്യയിൽ അവതരിപ്പിക്കുമെന്ന് വോൾവോ അറിയിച്ചു. പുതിയ C40 ഇലക്ട്രിക് ക്രോസ്ഓവറും ഇന്ത്യയിലേക്ക് വരുമെന്ന് കമ്പനി സ്ഥിരീകരിച്ചു.
Continue with Google