Nexon EV Max -ന്റെ സവിശേഷതകൾ വെളിപ്പെടുത്തി പുത്തൻ TVC -യുമായി Tata

17.74 ലക്ഷം രൂപയിൽ തുടങ്ങി ഇവിയുടെ എക്സ്‌-ഷോറൂം വില 19.24 ലക്ഷം രൂപ വരെ ഉയരുന്നു. ഹോംഗ്രൂൺ നിർമ്മാതാക്കൾ ഇപ്പോൾ നെക്സോൺ ഇവി മാക്സിന്റെ ഒരു പുതിയ TVC പുറത്തിറക്കിയിരിക്കുകയാണ്.

നെക്‌സോൺ ഇവി മാക്‌സ് XZ+, XZ+ Lux എന്നിങ്ങനെ വെറും രണ്ട് വേരിയന്റുകളിൽ മാത്രമേ വിൽപ്പനയ്ക്ക് എത്തൂ. സ്റ്റാൻഡേർഡ് എന്ന നിലയിൽ, രണ്ട് വേരിയന്റുകളിലും 3.3 kW AC ചാർജർ ലഭിക്കും, എന്നാൽ അധിക തുക നൽകി നിങ്ങൾക്ക് 7.2 kW AC ചാർജറിലേക്ക് അപ്‌ഗ്രേഡ് ചെയ്യാം.

MOST READ: അപകടത്തിൽ നിന്ന് രക്ഷിച്ച Ecosport -ന്റെ ബിൾഡ് ക്വാളിറ്റിയിൽ സന്തുഷ്ടനായി വീണ്ടും അതേ മോഡൽ കരസ്ഥമാക്കി ഉടമ

ടാറ്റ മോട്ടോർസ് നെക്‌സോൺ ഇവി മാക്‌സിൽ വലിയ ബാറ്ററി പാക്ക് ചേർത്തിട്ടുണട്. മുമ്പത്തെ 30.2 kWh നെ അപേക്ഷിച്ച് ഇതിന് 40.5 kWh പായ്ക്കാണ് വരുന്നത്. ഇക്കാരണത്താൽ, അവകാശപ്പെടുന്ന ഡ്രൈവിംഗ് റേഞ്ച് 312 കിലോമീറ്ററിൽ നിന്ന് 437 കിലോമീറ്ററായി ഉയർന്നു.

ഉപയോഗവും ഡ്രൈവിംഗ് പെരുമാറ്റവും അനുസരിച്ച് നെക്‌സോൺ ഇവിയുടെ റിയൽ വേൾജ് റേഞ്ച് ഏകദേശം 200 മുതൽ 250 കിലോമീറ്റർ വരെയാണ്. നെക്‌സോൺ ഇവി മാക്‌സിന്റെ റിയൽ വേൾജ് ഡ്രൈവിംഗ് റേഞ്ച് ഏകദേശം 300 കിലോമീറ്ററായിരിക്കുമെന്ന് പ്രതീക്ഷിക്കുന്നു, ഇത് ഹൈവേ യാത്രകൾക്കും പര്യാപ്തമാണ്.

MOST READ: പുതുതലമുറ Alto മുതല്‍ MG ഇലക്ട്രിക് ഹാച്ച് വരെ; വിപണിയില്‍ വരാനിരിക്കുന്ന ഹാച്ച്ബാക്കുകള്‍

3.3 kW AC ചാർജർ, നെക്സോൺ ഇവിയുടെ 30.2 kW ബാറ്ററി പാക്ക് ചാർജ് ചെയ്യാൻ 10 മണിക്കൂർ എടുക്കും. നെക്സോൺ ഇവി മാക്സിന്റെ 40.5 kWh ബാറ്ററി പാക്ക് ചാർജ് ചെയ്യാൻ ഇതേ ചാർജർ 15-16 മണിക്കൂർ എടുക്കും.

എന്നാൽ മുകളിൽ സൂചിപ്പിച്ചതുപോലെ, നെക്സോൺ ഇവി മാക്സിൽ നിങ്ങൾക്ക് വേഗതയേറിയ 7.2 kW ചാർജർ ലഭിക്കും. ഇത് ചാർജിംഗ് സമയം 5-6 മണിക്കൂറായി കുറയ്ക്കുന്നു. കൂടാതെ, നിങ്ങൾക്ക് 50 kW DC ഫാസ്റ്റ് ചാർജർ കണ്ടെത്താൻ കഴിയുമെങ്കിൽ, ഒരു മണിക്കൂറിനുള്ളിൽ ഇലക്ട്രിക് എസ്‌യുവി പൂജ്യത്തിൽ നിന്ന് 80 ശതമാനം വരെ ചാർജ് ചെയ്യാൻ കഴിയും.

MOST READ: റെയിൽവേ സ്റ്റേഷനുകളുടെ പേരുകൾ എപ്പോഴും മഞ്ഞ ബോർഡുകളിൽ എഴുതുന്നത് എന്തുകൊണ്ട്?

നെക്‌സോൺ ഇവി മാക്‌സിന്റെ പവറും, torque ഔട്ട്‌പുട്ടും നിർമ്മാതാക്കൾ വർധിപ്പിച്ചിട്ടുണ്ട്. നെക്സോൺ ഇവി 129 PS പവറും 245 Nm പീക്ക് torque ഉം ഉത്പാദിപ്പിക്കുമ്പോൾ നെക്സോൺ ഇവി മാക്സ് 143 PS പരമാവധി പവറും 250 Nm torque ഉം ഉത്പാദിപ്പിക്കുന്നു.

ഇക്കാരണത്താൽ, 0-100 kmph ആക്സിലറേഷൻ സമയവും 9.3 സെക്കൻഡിൽ നിന്ന് 9 സെക്കൻഡിൽ താഴെയായി കുറഞ്ഞു. പിന്നെ ടോപ്പ് സ്പീഡ് മണിക്കൂറിൽ 120 കിലോമീറ്ററിൽ നിന്ന് 140 കിലോമീറ്ററായും ഉയർത്തിയിട്ടുണ്ട്.

MOST READ: സ്റ്റേഷൻ വാഗണുകൾ/ എസ്റ്റേറ്റ് മോഡലുകൾ ഇന്ത്യയിൽ ക്ലച്ച് പിടിക്കാതെ പോയതിന്റെ കാരണങ്ങൾ എന്ത്?

വലിയ ബാറ്ററി പാക്ക് കാരണം നെക്സോൺ ഇവി മാക്സിന്റെ ബൂട്ട് സ്പേസ് കുറയുമെന്ന് നേരത്തെ പ്രതീക്ഷിച്ചിരുന്നെങ്കിലും അത് സംഭവിച്ചില്ല. ഇത് ഇപ്പോഴും 350 ലിറ്ററായി തുടരുന്നു. നിലവിലുള്ള ബാറ്ററി പാക്കിന്റെ വലിപ്പം കൂട്ടുകയാണ് ടാറ്റ മോട്ടോർസ് ചെയ്തത്. ഇക്കാരണത്താൽ, നെക്‌സോൺ ഇവി മാക്‌സിന്റെ ഗ്രൗണ്ട് ക്ലിയറൻസ് നെക്‌സൺ ഇവിയേക്കാൾ 10 mm കുറവാണ്.

കൂടാതെ, വലിയ ബാറ്ററി പായ്ക്ക് നെക്‌സോൺ ഇവി മാക്‌സിന്റെ ഭാരം 100 കിലോഗ്രാം വർധിപ്പിച്ചു. ബാറ്ററി പാക്ക് കാരണം 70 കിലോ വർധിച്ചപ്പോൾ 30 കിലോ വർധിച്ചത് പുതിയ ഫീച്ചറുകളും ഉപകരണങ്ങളും കാരണമാണ്.

അതിനാൽ, അധിക ഭാരം കൈകാര്യം ചെയ്യാൻ ടാറ്റ മോട്ടോർസിന് സസ്പെൻഷൻ പുനഃസ്ഥാപിക്കേണ്ടിവന്നു. സ്റ്റോപ്പിംഗ് പവർ കൂട്ടാൻ, പിൻ ഡിസ്ക് ബ്രേക്കുകളും വാഹനത്തിലുണ്ട്.

സൗന്ദര്യവർധകമായി, ചെറിയ മാറ്റങ്ങളുണ്ട്. അവയിൽ 16 ഇഞ്ച് വലിപ്പമുള്ള പുതിയ ഫൈവ് സ്‌പോക്ക് അലോയി വീലുകൾ ഉൾപ്പെടുന്നു. ഡ്യുവൽ പെയിന്റ് ജോബ് ഇപ്പോൾ സ്റ്റാൻഡേർഡ് ആയി വരുന്നു, ഇന്റൻസി ടീൽ പെയിന്റ് ഷേഡിൽ മാത്രമേ വാഹനം ലഭ്യമാകൂ. ക്യാബിൻ ഇപ്പോൾ ഡ്യുവൽ-ടോൺ ബ്ലാക്ക് ആൻഡ് ബീജ് തീമിലാണ് പൂർത്തിയാക്കിയിരിക്കുന്നത്, അത് യാത്രക്കാർക്ക് വായുസഞ്ചാരം നൽകുന്നു.

ഫ്രണ്ട് വെന്റിലേറ്റഡ് സീറ്റുകൾ, എയർ പ്യൂരിഫയർ, ഡ്രൈവിംഗ് മോഡുകൾ, വയർലെസ് ചാർജർ, ഓട്ടോ ഹോൾഡോടുകൂടിയ ഇലക്ട്രോണിക് പാർക്കിംഗ് ബ്രേക്ക്, ഇലക്ട്രോണിക് സ്റ്റെബിലിറ്റി പ്രോഗ്രാം, പാർക്ക് മോഡ്, ഗിയർ സെലക്ടറിനുള്ള ഡിജിറ്റൽ റോട്ടറി ഡയൽ, ക്രമീകരിക്കാവുന്ന ബ്രേക്ക് റീജനറേഷൻ, ഹിൽ ഡിസന്റ് കൺട്രോൾ എന്നിവയാണ് നെക്‌സോൺ ഇവി മാക്‌സിൽ ടാറ്റ മോട്ടോർസ് ചേർത്തിട്ടുള്ള സവിശേഷതകൾ.