Click it and Unblock the Notifications
Just In
-
-
-
-
Don't Miss
-
എത്ര വെള്ളി കാശിനാ ജാസ്മിനെ നീ ഈ പാവത്തിനെ ഒറ്റിയത് ? ഈ സീസണിലെ റിയല് പോരാളി ജിന്റോ -
ലോക്സഭ തിരഞ്ഞെടുപ്പ് 2024 രണ്ടാം ഘട്ടം Live: കേരളം അടക്കം 13 സംസ്ഥാനങ്ങള് ബൂത്തിലേക്ക് -
IPL 2024: ഡുപ്ലെസിയുടെ മാരക പ്ലാന്! 'ദുരന്തം' ബൗളിങ് വച്ച് കളി ജയിച്ചതെങ്ങനെ? അറിയാം -
മുടിയുടെ കരുത്ത് ഉറപ്പ് നല്കും മുട്ട, വീട്ടില് എളുപ്പത്തില് തയ്യാറാക്കാവുന്ന എഗ്ഗ് ഹെയര്പാക്കുകള് -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ഇതാണ് പുതിയ ഹോണ്ട സിബിആര്‍ 150R എക്‌സ്‌മോഷന്‍; ഇന്ത്യന്‍ പതിപ്പ് ഉടന്‍ എത്തുമോ?
പുതിയ സിബിആര്‍ 150R എക്‌സ്‌മോഷന്‍ മോട്ടോര്‍സൈക്കിളിനെ ഹോണ്ട അവതരിപ്പിച്ചു. 2017 ബാങ്കോക്ക് ഇന്റര്‍നാഷണല്‍ മോട്ടോര്‍ ഷോയില്‍ ജാപ്പനീസ് നിര്‍മ്മാതാക്കള്‍ കാഴ്ചവെച്ച 150SS റേസര്‍ കോണ്‍സെപ്റ്റിന്റെ പ്രൊഡക്ഷന്‍ പതിപ്പാണ് പുതിയ സിബിആര്‍ 150R എക്‌സ്‌മോഷന്‍.
പുതിയ മോഡലിനെ താഴ്‌ലാന്‍ഡ് വിപണിയിലേക്കാണ് ഹോണ്ട ഒരുക്കിയിരിക്കുന്നത്. കോണ്‍സെപ്റ്റ് മോഡലിനോട് സാമ്യത പുലര്‍ത്തുന്ന സിബിആര്‍ 150R എക്‌സ്‌മോഷന്‍, തികച്ചും വ്യത്യസ്തമായ ഡിസൈന്‍ ഭാഷയാണ് പിന്തുടരുന്നതും.
റൗണ്ട് എല്‍ഇഡി ഹെഡ്‌ലാമ്പുകള്‍, എല്‍സിഡി ഇന്‍സ്ട്രമെന്റ് ക്ലസ്റ്റര്‍, ഇരു എന്‍ഡിലുമുള്ള പെറ്റല്‍ ഡിസ്‌ക് ബ്രേക്കുകള്‍, അപ്‌സൈഡ് ഡൗണ്‍ ഫോര്‍ക്കുകള്‍, മോണോഷോക്ക് റിയര്‍ സസ്‌പെന്‍ഷന്‍, 10-സ്‌പോക്ക് അലോയ് വീലുകള്‍ എന്നിവയാണ് പുതിയ നെയ്ക്ക്ഡ് മോട്ടോര്‍സൈക്കിളിന്റെ വിശേഷങ്ങള്‍.
149 സിസി 4-വാല്‍വ്, ഫ്യൂവല്‍ ഇഞ്ചക്ടഡ്, ലിക്വിഡ് കൂള്‍ഡ് എഞ്ചിനിലാണ് സിബിആര്‍ 150R എക്‌സ്‌മോഷന്‍ ഒരുങ്ങുന്നത്. 6 സ്പീഡ് ഗിയര്‍ബോക്‌സാണ് മോഡലില്‍ ഹോണ്ട ലഭ്യമാക്കുന്നതും.
Recommended Video
യൂറോ 6 മാനദണ്ഡങ്ങള്‍ പാലിക്കുന്നതാണ് പുതിയ മോഡല്‍.
ഡയമണ്ട് ഫ്രെയിമിലാണ് ഹോണ്ട സിബിആര്‍ 150R എക്‌സ്‌മോഷന്‍ ഒരുങ്ങിയിരിക്കുന്നത്. മോഡലിന്റെ കരുത്ത് ഉത്പാദനത്തെ കുറിച്ചുള്ള ഔദ്യോഗിക വിവരങ്ങള്‍ ഹോണ്ട പുറത്ത് വിട്ടിട്ടില്ല.
8.5 ലിറ്റര്‍ ഫ്യൂവല്‍ ടാങ്ക് കപ്പാസിറ്റിയുള്ള സിബിആര്‍ 150R എക്‌സ്‌മോഷന്റെ ഭാരം, 123 കിലോഗ്രാമാണ്. ജി-സെന്‍സറോട് കൂടിയ ആന്റി-ലോക്ക് ബ്രേക്കിംഗ് സിസ്റ്റവും മോഡലിന് ലഭിച്ചിട്ടുണ്ട്.
മിലേനിയം റെഡ്, പേള്‍ ഗ്രെയ്, ബ്ലാക്, മാറ്റ് ഗ്രീന്‍ എന്നിങ്ങനെ നാല് നിറഭേദങ്ങളിലാണ് ഹോണ്ട സിബിആര്‍ 150R ഒരുങ്ങിയിരിക്കുന്നത്.
ഇതിന് പുറമെ സിബി150R, സിബി150R എബിഎസ്, സിബി150R സ്‌ക്രാമ്പ്‌ളര്‍ കഫെ, സിബി150R സ്ട്രീറ്റ് കഫെ വേരിയന്റുകളും പുതിയ മോഡലില്‍ ഹോണ്ട അവതരിപ്പിച്ചിട്ടുണ്ട്.
99,800 തായ് ബാഹ്ത് (ഏകദേശം 1.93 ലക്ഷം രൂപ) വിലയിലാണ് ഹോണ്ട സിബിആര്‍ 150R എക്‌സ്‌മോഷന്‍ ലഭ്യമാകുന്നത്. സിബിആര്‍ 150R എക്‌സ്‌മോഷന്‍ ഇന്ത്യയില്‍ എത്തുമോ എന്ന കാര്യത്തില്‍ ഹോണ്ട വ്യക്തത നല്‍കിയിട്ടില്ല.
