Just In
- 11 hrs ago 'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ
- 11 hrs ago ഇതിപ്പോ തെറ്റ് ഓട്ടോക്കാരൻ്റെയോ ലോറിക്കാരൻ്റെയോ, വീഡിയോ കാണുമ്പോൾ മനസിലാകും
- 11 hrs ago ആ വേല കൈയ്യിലിരിക്കട്ടെ! ഹെൽമെറ്റ് ഇട്ടിരുന്നില്ല എന്ന പേരിൽ നഷ്ടപരിഹാരം തള്ളാനാവില്ലെന്ന് മദ്രാസ് ഹൈക്കോടതി
- 12 hrs ago ഏഥറിന് പണികൊടുക്കാൻ ബജാജ്, കുറഞ്ഞ വിലയും 113 കി.മീ. റേഞ്ചുമായി പുതിയ ഇലക്ട്രിക് സ്കൂട്ടർ
Don't Miss
- Movies എത്ര വെള്ളി കാശിനാ ജാസ്മിനെ നീ ഈ പാവത്തിനെ ഒറ്റിയത് ? ഈ സീസണിലെ റിയല് പോരാളി ജിന്റോ
- News ലോക്സഭ തിരഞ്ഞെടുപ്പ് 2024 രണ്ടാം ഘട്ടം Live: കേരളം അടക്കം 13 സംസ്ഥാനങ്ങള് ബൂത്തിലേക്ക്
- Sports IPL 2024: ഡുപ്ലെസിയുടെ മാരക പ്ലാന്! 'ദുരന്തം' ബൗളിങ് വച്ച് കളി ജയിച്ചതെങ്ങനെ? അറിയാം
- Lifestyle മുടിയുടെ കരുത്ത് ഉറപ്പ് നല്കും മുട്ട, വീട്ടില് എളുപ്പത്തില് തയ്യാറാക്കാവുന്ന എഗ്ഗ് ഹെയര്പാക്കുകള്
- Technology ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും
- Finance മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
പുതിയ ഹീറോ എക്സ്ട്രീം 200R വില്പനയ്ക്ക് എത്തി
പുതിയ ഹീറോ എക്സ്ട്രീം 200R വിപണിയില് ഔദ്യോഗികമായി അവതരിക്കുന്നതിന് മുമ്പെ ബൈക്കിന്റെ വിതരണം ഡീലര്ഷിപ്പുകള് ആരംഭിച്ചു. എക്സ്ട്രീം 200R ബുക്ക് ചെയ്ത ഉപഭോക്താക്കള്ക്ക് തെക്കു കിഴക്കന് സംസ്ഥാനങ്ങളിലെ ഡീലര്ഷിപ്പുകള് മോഡലിനെ കൈമാറി തുടങ്ങി.
അരുണാചല് പ്രദേശ്, അസം, മിസോറം, മേഘാലയ, മണിപ്പൂര്, നാഗാലാന്ഡ്, ത്രിപുര, പശ്ചിമ ബംഗാള് എന്നീ സംസ്ഥാനങ്ങളില് ഇതിനകം പുതിയ ഹീറോ എക്സ്ട്രീം 200R വില്പനയ്ക്ക് എത്തുന്നുണ്ട്. വിവിധ ഘട്ടങ്ങളിലായാകും എക്സ്ട്രീം 200R -നെ കമ്പനി രാജ്യത്തു ലഭ്യമാക്കുക.
നേരത്തെ ഔദ്യോഗിക വെബ്സൈറ്റില് എക്സ്ട്രീം 200R -ന്റെ വില ഹീറോ പുറത്തുവിട്ടിരുന്നു. തെക്കു കിഴക്കന് സംസ്ഥാനങ്ങളില് 88,000 രൂപയാണ് ബൈക്കിന് വില. ബുക്കിംഗ് തുക അയ്യായിരം രൂപയും. 200 സിസി ശ്രേണിയിലെ ഏറ്റവും വില കുറഞ്ഞ ബൈക്കെന്ന ഖ്യാതി പുതിയ ഹീറോ എക്സ്ട്രീം 200R നേടിക്കഴിഞ്ഞു.
200 സിസി ശ്രേണിയില് ടിവിഎസ് അപാച്ചെ RTR 200 4V, ബജാജ് പള്സര് NS200 എന്നിവരുമായാണ് ഹീറോ എക്സ്ട്രീം 200R -ന്റെ അങ്കം. ടിവിഎസ് അപാച്ചെ RTR 200 4V -യ്ക്ക് 1.03 ലക്ഷം രൂപ മുതലാണ് വില. ബജാജ് പള്സര് NS200 ന് ഒരുലക്ഷം രൂപ മുതലും.
കാര്ബ്യുറേറ്റഡ് പതിപ്പിലാണ് എക്സ്ട്രീം 200R വിപണിയില് എത്തുക. വര്ഷാവസാനം മാത്രമെ ഫ്യൂവല് ഇഞ്ചക്ഷന് പതിപ്പിനെ മോഡലില് കമ്പനി നല്കുകയുള്ളു. ഏറ്റവും പുതിയ 200 സിസി എയര് കൂള്ഡ് എഞ്ചിനാണ് എക്സ്ട്രീം 200R -ല്. എഞ്ചിന് പരമാവധി 18.1 bhp കരുത്തും 17.2 Nm torque ഉം സൃഷ്ടിക്കാനാവും.
വിറയല് കുറയ്ക്കാന് പ്രത്യേക ഷാഫ്റ്റും എഞ്ചിനില് സാന്നിധ്യമറിയിക്കുന്നുണ്ട്. അഞ്ചു സ്പീഡാണ് ഗിയര്ബോക്സ്. ഡയമണ്ട് ഫ്രെയിം ഷാസിയെ അടിസ്ഥാനപ്പെടുത്തിയാണ് ബൈക്കിന്റെ ഒരുക്കം. മൈലേജ് 39.9 കിലോമീറ്റര്.
മുന്നില് 37 mm ഹൈഡ്രോളിക് ടെലിസ്കോപിക് ഫോര്ക്കുകളും പിന്നില് മോണോ ഷോക്ക് യൂണിറ്റുമാണ് മോഡലില്. ബ്രേക്കിംഗിന് വേണ്ടി 276 mm ഡിസ്ക് ബ്രേക്കാണ് മുന്നില്. പിന്നില് 220 mm ഡിസ്കും. ആവശ്യമെങ്കില് ഒറ്റ ചാനല് എബിഎസ് പിന്തുണ ബൈക്കില് ഉപഭോക്താക്കള്ക്ക് നേടാം.
17 ഇഞ്ച് അലോയ് വീലുകളില് യഥാക്രമം 100/80 R17, 130/17 R17 യൂണിറ്റ് ടയറുകളാണുള്ളത്. രണ്ടുവര്ഷം മുമ്പ് കണ്ട എക്സ്ട്രീം 200S കോണ്സെപ്റ്റില് നിന്നുള്ള ഡിസൈന് പരിണാമം പുതിയ എക്സ്ട്രീം 200R -ല് ദൃശ്യമാണ്.
മൂര്ച്ചയേറി നില്ക്കുന്ന രണ്ടു എല്ഇഡി ലൈറ്റുകള്ക്ക് താഴെയുള്ള വലിയ ഹെഡ്ലാമ്പ് പുതിയ എക്സ്ട്രീമിന്റെ മുഖരൂപത്തെ കാര്യമായി സ്വാധീനിക്കും. രൂപകല്പനയില് മുതിര്ന്ന CBZ എക്സ്ട്രീമിന്റെ പ്രഭാവം പുതിയ എക്സ്ട്രീം 200R -ല് അങ്ങിങ്ങായി പ്രതിഫലിക്കുന്നുണ്ട്.
അനലോഗ് റെവ് കൗണ്ടറോടെയുള്ള ഇന്സ്ട്രമെന്റ് ക്ലസ്റ്ററാണ് ബൈക്കില് സാന്നിധ്യമറിയിക്കുന്നത്. വേഗത ഉള്പ്പെടെ ഓടിക്കുന്നയാള്ക്ക് ആവശ്യമായ വിവരങ്ങള് ഡിജിറ്റല് സ്ക്രീന് ലഭ്യമാക്കും. മസ്കുലാര് ഫ്യൂവല് ടാങ്കിന് കുറുകെയുള്ള ഇരട്ടനിറ ഗ്രാഫിക്സ് എക്സ്ട്രീം 200R -ലേക്ക് ശ്രദ്ധ വിളിച്ചുവരുത്താന് പോന്നതാണ്.
മുന് കൗളിലും, ഫ്യൂവല് ടാങ്കിലും, ബെല്ലി പാനിലും ഇടംപിടിച്ചിട്ടുള്ള എയര് വെന്റുകള് മികവാര്ന്ന എഞ്ചിന് കൂളിംഗ് ഉറപ്പു വരുത്തും. സീറ്റ് ഉയരം 795 mm. അക്രമണോത്സുകത നിറഞ്ഞ ആകാരത്തോടു നീതിപുലര്ത്താന് ബൈക്കിന്റെ പിന്നഴകിന് കഴിയുന്നുണ്ട്.
വിഭജിച്ച ഗ്രാബ് ഹാന്ഡിലുകളുടെയും പരിഷ്കരിച്ച ടെയില് യൂണിറ്റും വിശിഷ്ടമായ ഭാവമാണ് മോഡലിന് സമര്പ്പിക്കുന്നത്. അഞ്ചു നിറങ്ങളില് ഹീറോ എക്സ്ട്രീം 200R വില്പനയ്ക്കെത്തും.
ഓറഞ്ച് - ഹെവി ഗ്രെയ്, ബ്ലാക് - സ്പോര്ട്സ് റെഡ്, സ്പോര്ട്സ് റെഡ്, പാന്തര് ബ്ലാക് - ഫോഴ്സ് സില്വര്, ടെക്നോ ബ്ലൂ എന്നിങ്ങനെയാണ് ലഭ്യമായ നിറങ്ങള്. വിപണിയില് യമഹ FZ25, കെടിഎം ഡ്യൂക്ക് 200 എന്നിവരുമായും ഹീറോ എക്സ്ട്രീം 200R മത്സരിക്കും.
Source: HiSpeed Hero