റെനോയുടെ തുറുപ്പ്ചീട്ടാകാന്‍ കൈഗര്‍; ആദ്യ ഡ്രൈവ് റിവ്യൂ വിശേഷങ്ങള്‍

വാഹന നിര്‍മ്മാതാക്കള്‍ വിപണിയില്‍ തുടര്‍ച്ചയായി പുതിയ മോഡലുകള്‍ ഈ ശ്രേണിയില്‍ അവതരിപ്പിക്കുന്നു. ഈ ശ്രേണിയിലെ ഏറ്റവും പുതിയ അവതാരമാണ് ഫ്രഞ്ച് കുടുംബത്തില്‍ നിന്നുള്ള കൈഗര്‍. പ്രാരംഭ പതിപ്പിന് 5.45 ലക്ഷം രൂപയും ഉയര്‍ന്ന പതിപ്പായ RXZ-X-ട്രോണിക് സിവിടി പതിപ്പിന് 9.55 ലക്ഷം രൂപയുമാണ് എക്‌സ്‌ഷോറൂം വില.

കോംപാക്ട് എസ്‌യുവിക്കായുള്ള ബുക്കിംഗ് ഇന്ത്യയിലുടനീളം കമ്പനി ആരംഭിക്കുകയും ചെയ്തു. 11,000 രൂപയാണ് ബുക്കിംഗ് തുകയായി സ്വീകരിക്കുന്നത്. ഒരു ദിസത്തേയ്ക്ക് വാഹനം ഓടിക്കുകയും അതില്‍ നിന്ന് ലഭിച്ച അനുഭവങ്ങളുമാണ് ഇവിടെ പങ്കുവെയ്ക്കുന്നത്.

MOST READ: ഇലക്ട്രിക് വാഹനങ്ങളെ പ്രോത്സാഹിപ്പിക്കാൻ ഗോ ഇലക്ട്രിക് ക്യാമ്പയിനുമായി കേന്ദ്ര ഗതാഗത മന്ത്രി

ഡിസൈന്‍

മുന്‍വശത്ത്, മൂന്ന് ബീം പോഡുകളുള്ള ഒരു എല്‍ഇഡി ഹെഡ്‌ലാമ്പ് സജ്ജീകരണം കൈഗറിന് ലഭിക്കുന്നു. അതില്‍ നിന്നുള്ള ദൃശ്യപരത മികച്ചതാണ്. ഹെഡ്‌ലാമ്പ് ക്ലസ്റ്ററിന് മുകളില്‍ വാഹനത്തിന്റെ ഡിആര്‍എല്ലുകളും ഡിആര്‍എല്ലുകള്‍ക്കുള്ളില്‍ ഒരു ഹാലോജന്‍ ബള്‍ബ് ഉള്‍ക്കൊള്ളുന്ന ടേണ്‍ ഇന്‍ഡിക്കേറ്റര്‍ ഹൗസിംഗും നല്‍കിയിരിക്കുന്നു.

കൈഗറിന്റെ ഫ്രണ്ട് ബമ്പര്‍ സ്‌പോര്‍ട്ടി ആയി കാണപ്പെടുന്നു, ഒപ്പം വാഹനത്തിന്റെ സ്‌പോര്‍ട്ടിനെസ് വര്‍ദ്ധിപ്പിക്കുന്നതിന് ഒരു ലിപ് സ്പോയിലറും നല്‍കിയിരിക്കുന്നു. ഗ്രില്ലില്‍ ക്രോം ഘടകങ്ങളും മധ്യഭാഗത്ത് തന്നെ വലിയ റെനോ ലോഗോയും ലഭിക്കും.

MOST READ: കിയ സോനെറ്റ് വാങ്ങുന്നവരില്‍ 25 ശതമാനം ആളുകള്‍ക്കും ആവശ്യം iMT വേരിയന്റ്

ഡീപ് ലൈനുകളും ക്രീസുകളും വാഹനത്തിന്റെ ഹൂഡില്‍ ഉണ്ട്. മൊത്തത്തില്‍, കൈഗര്‍ കോംപാക്ട് എസ്‌യുവി മുന്‍വശത്ത് നിന്ന് വളരെ മനോഹരമായി തന്നെ കാണപ്പെടുന്നു.

സൈഡ് പ്രൊഫൈലിലേക്ക് നോക്കുമ്പോള്‍, ശ്രദ്ധ ആകര്‍ഷിക്കുന്ന ആദ്യ കാര്യം മള്‍ട്ടിസ്‌പോക്ക് ഡ്യുവല്‍-ടോണ്‍ 16 ഇഞ്ച് അലോയ് വീലാണ്.

MOST READ: പെട്രോള്‍ വില വര്‍ധനവ് അനുഗ്രഹമായെന്ന് ഹീറോ ഇലക്ട്രിക്; മോഡലുകള്‍ക്ക് ആവശ്യക്കാര്‍ വര്‍ധിച്ചു

ഫ്രണ്ട് ഫെന്‍ഡറിന്റെ വശത്ത് നിങ്ങള്‍ക്ക് RXZ ബാഡ്ജിംഗും ലഭിക്കും, അത് ഇരുവശത്തും ക്രോമില്‍ പൂര്‍ത്തിയാക്കുകയും ചെയ്തിരിക്കുന്നു. വാഹനത്തിന്റെ വശങ്ങളില്‍ ധാരാളം ബോഡി ലൈനുകളും ക്രീസുകളും ഇല്ല, പക്ഷേ ഇതിന് ചുറ്റും കറുത്ത ക്ലാഡിംഗ് ഉണ്ട്, ഇത് കൈഗറിനെ ചെറുതായി കാണുന്നതിന് സഹായിക്കുന്നു.

ഞങ്ങള്‍ക്ക് ടെസ്റ്റ് ഡ്രൈവിനായി ലഭിച്ച കാര്‍ കാസ്പിയന്‍ ബ്ലൂ കളര്‍ ഓപ്ഷനോടുകൂടിയതായിരുന്നു. ബ്ലാക്ക് നിറത്തിലായിരുന്നു റൂഫും, പില്ലറുകളും. പ്രവര്‍ത്തനക്ഷമമായ റൂഫ് റെയിലുകളും പിന്നില്‍ ഒരു ഷാര്‍ക്ക് ഫിന്‍ ആന്റിനയും കൈഗറിന് ലഭിക്കുന്നു.

MOST READ: സെഗ്മെന്റിലെ "സുരക്ഷിതവും ശക്തവുമായ എസ്‌യുവി" ഫോക്‌സ്‌വാഗൺ ടൈഗൂൺ

പിന്‍ഭാഗത്തെക്കുറിച്ച് പറയുമ്പോള്‍, വാഹനത്തിന്റെ പിന്‍ഭാഗനം സ്‌പോര്‍ട്ടി ആയി കാണപ്പെടുന്നു. C ആകൃതിയിലുള്ള ടെയില്‍ ലൈറ്റ് യൂണിറ്റുകളാണ് പിന്നിലെ മറ്റൊരു ആകര്‍ഷണം.

ടെയില്‍ലൈറ്റിനുള്ളില്‍ കറുത്ത ഘടകങ്ങള്‍ ഉള്ളതിനാല്‍, അത് സ്‌മോക്കഡ് ആയി തോന്നുന്നു. ഇതുകൂടാതെ, കൈഗര്‍ ബാഡ്ജിംഗ് മധ്യഭാഗത്തും റെനോ, ടര്‍ബോ ബാഡ്ജുകള്‍ ബൂട്ടിന്റെ ഇരുവശത്തും നല്‍കിയിട്ടുണ്ട്.

റിയര്‍വ്യൂ ക്യാമറ പിന്നിലെ ലോഗോയുടെ മധ്യത്തില്‍ തന്നെ സജ്ജീകരിച്ചിരിക്കുന്നു. കൂടാതെ പാര്‍ക്കിംഗ് സെന്‍സറുകളുമുണ്ട്, അത് ഇടുങ്ങിയ സ്ഥലങ്ങളില്‍ പാര്‍ക്കിംഗിനെ നന്നായി സഹായിക്കുന്നു. കൈഗറിന് ഒരു സ്പ്ലിറ്റ് റിയര്‍ സ്പോയ്ലറും ലഭിക്കുന്നു, അത് കാറിനെ പിന്നില്‍ നിന്ന് സ്പോര്‍ട്ടി ആയി കാണപ്പെടുന്നു.

ഇന്റീരിയര്‍ & ഫീച്ചറുകള്‍

കാറിനുള്ളിലേക്ക് കടക്കുമ്പോള്‍, വിശാലമായ ക്യാബിനാണ് നിങ്ങളെ സ്വാഗതം ചെയ്യുക. കാറിന്റെ ഡാഷ്ബോര്‍ഡ് നല്ല നിലവാരമുള്ള പ്ലാസ്റ്റിക്കില്‍ പൂര്‍ത്തിയാക്കിയിരിക്കുന്നു.

വാതില്‍ പാനലുകള്‍ കൂടാതെ സോഫ്റ്റ്-ടച്ച് മെറ്റീരിയലുകളൊന്നും ഉപയോഗിച്ചിട്ടില്ല. ആപ്പിള്‍ കാര്‍പ്ലേയും ആന്‍ഡ്രോയിഡ് ആട്ടോയും ഉള്‍ക്കൊള്ളുന്ന 8.0 ഇഞ്ച് ഇന്‍ഫോടെയ്ന്‍മെന്റ് സംവിധാനമാണ് ഡാഷ്‌ബോര്‍ഡിന്റെ മധ്യത്തില്‍ ഇടംപിടിക്കുന്നത്.

സിസ്റ്റത്തിന്റെ ടച്ചിംഗ് പ്രതികരണം വളരെ മികച്ചതാണ്, ഒപ്പം കാലതാമസവുമില്ല. ഇന്‍ഫോടെയ്ന്‍മെന്റ് സിസ്റ്റത്തിന് തൊട്ടുതാഴെയായി നിങ്ങള്‍ക്ക് ഡിജിറ്റല്‍ റീഡ് ഔട്ട് സവിശേഷതകളുള്ള ക്ലൈമറ്റ് കണ്‍ട്രോള്‍ ലഭിക്കും.

അതിനു തൊട്ടുതാഴെയായി നിങ്ങളുടെ ഫോണിനായുള്ള വയര്‍ലെസ് ചാര്‍ജറും, ഓണ്‍ / ഓഫ് സ്വിച്ചും ലഭിക്കും. സെന്റര്‍ ആംറെസ്റ്റിനുള്ളില്‍ കൈഗറിന് കപ്പ്‌ഹോള്‍ഡര്‍ ലഭിക്കുന്നു.

കാറിന്റെ സ്റ്റിയറിംഗ് വീലിന് നല്ല പ്രതികരണമാണുള്ളത്. മുകളില്‍ ഒരു ചെറിയ പാച്ച് ലെതറും നല്‍കിയിട്ടുണ്ട്. സ്റ്റിയറിംഗ് മൗണ്ട് ചെയ്ത നിയന്ത്രണങ്ങള്‍ പ്രവര്‍ത്തിക്കാന്‍ വളരെ എളുപ്പമാണ്, ഇടത് വശത്ത് ഇന്‍ഫോടെയ്ന്‍മെന്റ് സിസ്റ്റം പ്രവര്‍ത്തിപ്പിക്കാനും വലതുവശത്ത് ഇന്‍സ്ട്രുമെന്റ് ക്ലസ്റ്ററിലൂടെ നാവിഗേറ്റ് ചെയ്യാനുള്ള സ്വിച്ചുകള്‍ ലഭിക്കുന്നു.

ഇന്‍സ്ട്രുമെന്റ് ക്ലസ്റ്ററിനെക്കുറിച്ച് പറയുമ്പോള്‍, കൈഗറിന് 7 ഇഞ്ച് പൂര്‍ണ്ണ ഡിജിറ്റല്‍ ക്ലസ്റ്റര്‍ ലഭിക്കുന്നു, അത് വളരെ മനോഹരമായി കാണപ്പെടുന്നു. ഡ്രൈവിംഗ് മോഡ് അനുസരിച്ച് ക്ലസ്റ്റര്‍ അതിന്റെ കോണ്‍ഫിഗറേഷന്‍ മാറ്റുന്നു.

ഇക്കോ മോഡില്‍, അത് പച്ചയായി മാറുന്നു, സാധാരണ മോഡില്‍ അത് നീലയും സ്‌പോര്‍ട്ട് മോഡില്‍ ചുവപ്പും നിറമാകുകയും ചെയ്യുന്നു.

സീറ്റുകളെക്കുറിച്ച് പറയുമ്പോള്‍, ഡ്രൈവര്‍ ഭാഗത്ത് മാത്രമേ സീറ്റ് ഉയരം ക്രമീകരിക്കുകയുള്ളൂ. മുന്‍വശത്തെ രണ്ട് സീറ്റുകള്‍ക്കും മാന്യമായ അളവിലുള്ള കുഷ്യനിംഗും നല്ല സൈഡ് ബോള്‍സ്റ്ററുകളും ലഭിക്കുന്നു.

പിന്‍ സീറ്റുകളും സുഖകരമാണെങ്കിലും തുടയുടെ പിന്തുണ കുറവാണ്. ഹെഡ് റുമിനും ലെഗ് റൂമിനുമായി ധാരാളം സ്ഥലമുണ്ട്. മധ്യത്തില്‍ ഇരിക്കുന്നയാള്‍ക്ക് സുഖപ്രദമായി ഇരുക്കുന്നതിനായി ഫ്‌ളോര്‍ പരന്നതാണ്. പിന്നില്‍ എസി വെന്റുകളും 12 വോള്‍ട്ട് ചാര്‍ജിംഗ് സോക്കറ്റും ഉണ്ട്.

ബൂട്ടിനെക്കുറിച്ച് പറയുമ്പോള്‍, കൈഗറിന് 405 ലിറ്റര്‍ ബൂട്ട് ലഭിക്കുന്നു, അത് വളരെ വലുതാണ്. നാല് പേരുടെ ലഗേജ് എളുപ്പത്തില്‍ ഉള്‍ക്കൊള്ളാന്‍ കഴിയും. കൂടുതല്‍ ഇടം ആവശ്യമുണ്ടെങ്കില്‍ 60:40 അനുപാതത്തില്‍ പിന്‍ സീറ്റുകള്‍ മടക്കാനാകും.

എഞ്ചിന്‍

രണ്ട് എഞ്ചിന്‍, ഗിയര്‍ബോക്‌സ് ഓപ്ഷനുകളോടെയാണ് റെനോ, കൈഗറിനെ വാഗ്ദാനം ചെയ്യുന്നത്. ഇതില്‍ 1.0 ലിറ്റര്‍ നാച്ചുറലി ആസ്പിറേറ്റഡ് പെട്രോള്‍, ടര്‍ബോ-പെട്രോള്‍ യൂണിറ്റുകള്‍ ഉള്‍പ്പെടുന്നു.

നാച്ചുറലി ആസ്പിറേറ്റഡ് എഞ്ചിന്‍ പരമാവധി 72 bhp കരുത്തും 96 Nm torque ഉം ഉല്‍പാദിപ്പിക്കുന്നു, ഇത് അഞ്ച് സ്പീഡ് മാനുവല്‍ അല്ലെങ്കില്‍ എഎംടി ഓട്ടോമാറ്റിക് ഗിയര്‍ബോക്‌സുമായി ജോടിയാക്കുന്നു.

100 bhp കരുത്തും 160 Nm torque ഉം ഉത്പാദിപ്പിക്കുന്നതാണ് ടര്‍ബോ-പെട്രോള്‍ യൂണിറ്റ്. അഞ്ച് സ്പീഡ് മാനുവല്‍ അല്ലെങ്കില്‍ സിവിടി ഓട്ടോമാറ്റിക് എന്നിവ ഉപയോഗിച്ച് യൂണിറ്റ് വാഗ്ദാനം ചെയ്യുന്നു. ഞങ്ങള്‍ ടെസ്റ്റ് ഡ്രൈവിനായി എടുത്തത് ടര്‍ബോ പെട്രോള്‍ മാനുവല്‍ വേരിയന്റായിരുന്നു.

മുകളില്‍ സൂചിപ്പിച്ചതുപോലെ, കൈഗറിനൊപ്പം മൂന്ന് ഡ്രൈവിംഗ് മോഡുകള്‍ ലഭ്യമാണ്: ഇക്കോ, നോര്‍മല്‍, സ്‌പോര്‍ട്ട് എന്നിവയാണ് അത്. നിങ്ങള്‍ ഓടിക്കുന്ന മോഡ് അനുസരിച്ച് സ്റ്റിയറിംഗും ത്രോട്ടില്‍ പ്രതികരണവും മാറുന്നു.

ഇക്കോ മോഡില്‍, സ്റ്റിയറിംഗ് ഭാരം കുറഞ്ഞതും ത്രോട്ടില്‍ പ്രതികരണം വളരെ മന്ദഗതിയിലുമാണ്. മറുവശത്ത് സ്പോര്‍ട്ട് മോഡിലായിരിക്കുമ്പോള്‍, സ്റ്റിയറിംഗ് ഇറുകിയതും ത്രോട്ടില്‍ പ്രതികരണം ഷാര്‍പ്പായും മാറുന്നു. നിങ്ങള്‍ സിറ്റിയിലാണ് ഡ്രൈവ് ചെയ്യുന്നതെങ്കില്‍, രണ്ടിന്റെയും ബാലന്‍സ് ഉള്ള നോര്‍മല്‍ മോഡില്‍ ഡ്രൈവ് ചെയ്യാന്‍ ഞങ്ങള്‍ ശുപാര്‍ശചെയ്യുന്നു.

കൈഗറിലെ സസ്പെന്‍ഷന്‍ സജ്ജീകരണം മൃദുവായതോ കഠിനമോ അല്ല. ഇതിനു രണ്ടിനും മധ്യത്തിലെന്ന് വേണം പറയാന്‍. കാറിന് കുറച്ച് ബോഡി റോള്‍ ഉണ്ട്, കാരണം ഇതിന് ഏകദേശം 205 മില്ലിമീറ്റര്‍ ഗ്രൗണ്ട് ക്ലിയറന്‍സ് ഉണ്ട്, ഇത് കാറിനെ ഉയരത്തില്‍ നിര്‍ത്തുന്നു.

മൈലേജിനെ സംബന്ധിച്ചിടത്തോളം ഞങ്ങള്‍ക്ക് കുറച്ച് മണിക്കൂറുകള്‍ മാത്രമേ കാര്‍ ഡ്രൈവ് ചെയ്യാന്‍ ലഭ്യമായിരുന്നുള്ളൂ എന്നതിനാല്‍ ഇപ്പോള്‍ അത് പറയാന്‍ കഴിയില്ല. അധികം വൈകാതെ തന്നെ ശരിയായ റോഡ് പരിശോധന നടത്തിയ ശേഷം അത്തരം വിവരങ്ങള്‍ പങ്കുവെയ്ക്കുന്നതാണ്.