മാരുതി ബലെനോ ഹാച്ച്ബാക്ക് ഉൽപാദനമോഡലിനെ കാണാം!

ഉൽപാദന മോഡൽ ചിത്രം

പ്രീമിയം കാറുകളുടെ ഇടത്തിൽ മാരുതിക്ക് കാര്യമായ സാന്നിധ്യമില്ല. പ്രധാന എതിരാളിയായ ഹ്യൂണ്ടായ് ആകട്ടെ തങ്ങളുടെ പ്രീമിയം മോഡലുകൾക്ക് കൃത്യമായ വിപണി കണ്ടെത്തിക്കൊണ്ടുമിരിക്കുന്നു. ഇത് അപകടകരമായ ഒരു സ്ഥിതിവിശേഷമാണ് മാരുതിയെ സംബന്ധിച്ച്. ഈ പ്രശ്നത്തെ പരിഹരിക്കുക എന്ന ഉദ്ദേശ്യത്തോടെയാണ് ബലെനോ ഹാച്ച്ബാക്ക് നിരത്തിലിറങ്ങുന്നത്.

ഉൽപാദന മോഡൽ ചിത്രം

ഈയിടെ വിപണിയിലെത്തിയ മാരുതി എസ് ക്രോസ്സ് പ്രീമിയം എസ്‌യുവിയും ഇതേ വഴിയിൽ വരുന്ന മോഡലാണ്. നെക്സ എന്ന പേരിൽ പ്രത്യേകം ഷോറൂമുകൾ തുടങ്ങിയാണ് ഈ മോഡലുകളെ മാരുതി പ്രദർശിപ്പിക്കുന്നത്. ഈ നീക്കത്തിൽ നിന്നു തന്നെ മാരുതിയുടെ ഉദ്ദേശ്യം മനസ്സിലാക്കാവുന്നതാണ്. നെക്സ ഷോറൂമുകളിലേക്കുള്ള അടുത്ത കാറാണ് ബലെനോ.

2015 ഫ്രാങ്ഫർട്ട് മോട്ടോർഷോയിലാണ് ബലെനോ ഹാച്ച്ബാക്കിന്റെ ഈ ഉൽപാദനമോഡൽ അവതരിപ്പിക്കപ്പെടുക. സെപ്തംബർ 15നാണ് ഫ്രാങ്ഫർട്ട് മോട്ടോർഷോ തുടങ്ങുന്നത്.

എൻജിൻ അടക്കമുള്ള കാര്യങ്ങളിൽ ഇപ്പോൾ ലഭിക്കുന്ന വിവരങ്ങൾ വളരെ പരിമിതമാണ്. സുസൂക്കി പുതുതായി വികസിപ്പിച്ചെടുത്ത ഒരു 1.0 ലിറ്റർ പെട്രോൾ എൻജിൻ ബലെനോയിൽ ഉണ്ടായിരിക്കും. ഭാരക്കുറവുള്ള ദ്രവ്യങ്ങളുപയോഗിച്ച് നിർമിച്ചതാണ് ഈ എൻജിൻ. സുസൂക്കിയുടെ ബൂസ്റ്റർജെറ്റ് സാങ്കേതികതയിലാണ് നിർമാണം.

യൂറോപ്യൻ വിപണിയിലേക്ക് ബലെനോ എത്തുക ഇച്ചിരി വൈകിയായിരിക്കും. 2016ന്റെ മധ്യത്തിലോ മറ്റോ. ഇന്ത്യയിലേക്ക് നേരത്തെ തന്നെ (ഒരു പക്ഷെ, ദീപീവലിക്കുതന്നെ) എത്തിച്ചേർന്നേക്കും. ഇക്കാര്യത്തിൽ ഔദ്യോഗിക വിവരങ്ങളൊന്നും ലഭ്യമല്ലെന്ന് പ്രത്യേകം പറഞ്ഞുകൊള്ളട്ടെ!

സുസൂക്കി ഐകെ-2 കൺസെപ്റ്റ് ജനീവ മോട്ടോർഷോയിലാണ് ആദ്യമായി അവതരിപ്പിക്കപ്പെട്ടത്. ഇന്ത്യയിലേക്ക് ഈ ഹാച്ച്ബാക്ക് വരുന്നുണ്ടെന്ന് നേരത്തെതന്നെ പ്രഖ്യാപിക്കപ്പെട്ടിരുന്നു. മാരുതി സുസൂക്കി ഈ വാഹനത്തെ ഇന്ത്യയ്ക്കനുയോജ്യമായ രീതിയിൽ വികസിപ്പിച്ചെടുത്തു വരികയായിരുന്നു. നിരവധിയിടങ്ങളിൽ വെച്ച് ഈ കാറിനെ ടെസ്റ്റ് ചെയ്യുന്ന നിലയിൽ കണ്ടെത്തുകയുണ്ടായി.

കൂടുതൽ

ഇന്ത്യയില്‍ 25 ലക്ഷംമാരുതി ആള്‍ട്ടോ വിറ്റു

ആദ്യത്തെ 800 മാരുതി തന്നെ വാങ്ങും? മമ്മൂട്ടി പിന്‍വാങ്ങുന്നു?

മാരുതി സെലെരിയോ ഡീസലിന് 30.1 കിമി. മൈലേജ്?

മാരുതിയുടെ ഹൈബ്രിഡ് കാര്‍: അറിയേണ്ടതെല്ലാം!