Click it and Unblock the Notifications
Just In
-
-
-
-
Don't Miss
-
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
എനിക്കും റസ്മിനും രണ്ട് ക്ലാരിറ്റിയോ? ജാസ്മിന് ഗബ്രിയോട്; 'ഇത് ഒറ്റ ദിവസം കൊണ്ട് തീര്ക്കാവുന്നതേ ഉള്ളു' -
ആയുസ്സിനും ആരോഗ്യത്തിനും ചെറുധാന്യങ്ങള് ശീലമാക്കാം -
89 സീറ്റുകള്, 55ലും ബിജെപി, രണ്ടാം ഘട്ടത്തില് പോരാട്ടം ഈ സീറ്റുകളില്; കേസ് കൂടുതല്‍ കേരളത്തില് -
T20 World Cup 2024: സഞ്ജു 314, രാഹുല് 302; മേല്ക്കൈ രാഹുലിന്! ബിസിസിഐയുടെ തനിനിറം പുറത്ത് -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
പുതിയ മാരുതി സ്വിഫ്റ്റിന്റെ വില വിവരങ്ങള്‍ പുറത്ത്!
പുതുതലമുറ മാരുതി സ്വിഫ്റ്റിന്റെ വരവ് അടുത്തിരിക്കെ ഇന്ത്യന്‍ കാര്‍ പ്രേമികളുടെ ആകാംഷ നാള്‍ക്കുനാള്‍ വര്‍ധിക്കുകയാണ്. 'സൂപ്പര്‍മിനി' പരിവേഷത്തില്‍ അവതരിക്കാന്‍ കാത്തുനില്‍ക്കുന്ന പുത്തന്‍ മാരുതി സ്വിഫ്റ്റിന് വിപണിയില്‍ ഇടം ഒരുങ്ങി കഴിഞ്ഞു.
പുതിയ സ്വിഫ്റ്റിന് വഴിയൊരുക്കുക ലക്ഷ്യമിട്ട് രണ്ടാം തലമുറ സ്വിഫ്റ്റ് ഹാച്ച്ബാക്കുകളുടെ ഉത്പാദനം കഴിഞ്ഞ ദിവസമാണ് കമ്പനി ഔദ്യോഗികമായി നിര്‍ത്തിയത്.
Recommended Video
ഫെബ്രുവരിയില്‍ നടക്കാനിരിക്കുന്ന 2018 ഓട്ടോ എക്‌സ്‌പോയിലൂടെ പുതിയ സ്വിഫ്റ്റ് ഇന്ത്യയില്‍ തലയുയര്‍ത്തും. എന്നാല്‍ വരവിന് മുമ്പെ പുതിയ ഹാച്ച്ബാക്കുമായി ബന്ധപ്പെട്ട് കൂടുതല്‍ സൂചനകള്‍ മാരുതി വെളിപ്പെടുത്തിയിരിക്കുകയാണ്.
റിപ്പോര്‍ട്ടുകള്‍ പ്രാകരം 4.99 ലക്ഷം രൂപ പ്രാരംഭവിലയിലാകും മൂന്നാം തലമുറ മാരുതി സ്വിഫ്റ്റ് വിപണിയില്‍ അണിനിരക്കുക. നിലവിലുള്ള പ്രൈസ് ടാഗിലും 10,000 രൂപ വിലവര്‍ധനവാകും പുതിയ സ്വിഫ്റ്റില്‍ രേഖപ്പെടുത്തുക എന്നാണ് സൂചന.
മാരുതി സുസൂക്കി ഇന്ത്യ തലവന്‍ ആര്‍എസ് ഖല്‍സി ദേശീയ മാധ്യമത്തിന് നല്‍കിയ അഭിമുഖത്തിലാണ് പുതുതലമുറ സ്വിഫ്റ്റിന്റെ വില സംബന്ധിച്ച സൂചനകള്‍ നല്‍കിയത്.
ഇന്ത്യ ഏറെ പ്രതീക്ഷയോടെ കാത്തിരിക്കുന്ന കാറാണ് 2018 മാരുതി സ്വിഫ്റ്റ്. 7.99 ലക്ഷം രൂപ എക്‌സ്‌ഷോറൂം പ്രൈസ് ടാഗിലാകും ഹാച്ച്ബാക്കിന്റെ ഏറ്റവും ഉയര്‍ന്ന ഡീസല്‍ പതിപ്പ് സ്വിഫ്റ്റ് ZDi വിപണിയില്‍ അവതരിക്കുക.
Trending On DriveSpark Malayalam:
തുടക്കം സ്വിഫ്റ്റിലൂടെ; ഇന്ത്യയില്‍ ഉടന്‍ എത്താനിരിക്കുന്ന മൂന്ന് പുതിയ മാരുതി കാറുകള്‍
ഉപേക്ഷിക്കാന്‍ മനസ് വന്നില്ല; മാരുതി 800 നെ ബൈക്കാക്കി മാറ്റി വിദ്യാര്‍ത്ഥി
അതേസമയം ഇത്തവണ സിഎന്‍ജി, എല്‍പിജി പോലുള്ള ഇതര മാര്‍ഗങ്ങള്‍ സ്വിഫ്റ്റില്‍ മാരുതി സ്വീകരിക്കില്ലെന്നാണ് സൂചന. മാരുതി നിരയില്‍ ബലെനോയ്ക്കും പുതുതലമുറ ഡിസൈറിനും കീഴിലായാകും മൂന്നാം തലമുറ സ്വിഫ്റ്റിന്റെ കടന്നുവരവ്.
ഹ്യുണ്ടായി ഗ്രാന്‍ഡ് i10, ഫോര്‍ഡ് ഫിഗൊ എന്നിവരുമായാകും പുത്തന്‍ സ്വിഫ്റ്റ് കൊമ്പുകോര്‍ക്കുക. അതേസമയം ഹ്യുണ്ടായി ഗ്രാന്‍ഡ് i10 ലും ഉയര്‍ന്ന വില നിലവാരത്തിലാകും സ്വിഫ്റ്റ് വിപണിയില്‍ അണിനിരക്കുക.
ആകാരത്തില്‍ പഴയ സ്വിഫ്റ്റിന് സമാനമെങ്കിലും കൂടുതല്‍ പക്വതയാര്‍ന്ന രൂപഭാവമാണ് മൂന്നാം തലമുറ സ്വിഫ്റ്റ് നേടിയിരിക്കുന്നത്. കാഴ്ചയില്‍ പുതുമ പ്രതിഫലിപ്പിക്കാന്‍ പുത്തന്‍ സ്വിഫ്റ്റിന് ഇതിനകം സാധിച്ചു കഴിഞ്ഞു.
താഴ്ന്നിറങ്ങിയ ഹെക്സഗണല്‍ ഗ്രില്‍, ഒരല്‍പം പിന്നിലേക്കായി നീണ്ട പ്രൊജക്ടര്‍ ഹെഡ്ലാമ്പുകള്‍, ബമ്പറില്‍ ഒരുങ്ങിയ വലിയ എയര്‍ ഇന്‍ടെയ്ക്കുകള്‍, ചെറിയ സ്പ്ലിറ്റര്‍ എന്നിവ ഉള്‍പ്പെടുന്നതാണ് പുത്തന്‍ സ്വിഫ്റ്റിന്റെ ഡിസൈന്‍ വിശേഷങ്ങള്‍.
ബലെനോയ്ക്ക് സമാനമായ ഫെന്‍ഡറുകളാണ് മോഡലിന്റെ ഫ്രണ്ട് പ്രൊഫൈലില്‍ ഇടംപിടിച്ചിട്ടുള്ളത്. പുതിയ സ്വിഫ്റ്റില്‍ വീതിയേറിയ C-Pillar ആണ് ഒരുങ്ങുന്നത്. വലുപ്പമേറിയ റിയര്‍ വിന്‍ഡ്സ്‌ക്രീനും, C-Pillar ല്‍ സാന്നിധ്യമറിയിക്കുന്ന റിയര്‍ ഡോര്‍ ഹാന്‍ഡിലുകളും പുതിയ സ്വിഫ്റ്റിന്റെ മറ്റ് വിശേഷങ്ങളാണ്.
പുതിയ അടിത്തറയുടെ പശ്ചാത്തലത്തില്‍ കൂടുതല്‍ ക്യാബിന്‍ സ്‌പെയ്‌സും പുതിയ സ്വിഫ്റ്റ് വാഗ്ദാനം ചെയ്യും. HEARTECT പ്ലാറ്റ്‌ഫോമില്‍ അടിസ്ഥാനപ്പെടുത്തിയാണ് 2018 സ്വിഫ്റ്റിന്റെ ഒരുക്കം.
ബലെനോ, പുതിയ ഡിസൈര്‍ മോഡലുകള്‍ ഒരുങ്ങുന്നതും ഇതേ അടിത്തറയില്‍ നിന്നുമാണ്. ഹൈ-ടെന്‍സൈല്‍ സ്റ്റീലില്‍ നിര്‍മ്മിതമായ പുതിയ ചാസി കൂടുതല്‍ ദൃഢത ഉറപ്പ് വരുത്തുമെന്നാണ് കമ്പനിയുടെ വാദം.
Trending On DriveSpark Malayalam:
ടാറ്റയുടേത് കേവലം വീരവാദമല്ല; കടപുഴകി വീണ ഭീമന്‍ മരത്തെയും അതിജീവിച്ച് ഹെക്‌സ
പുതിയ കാര്‍ വാങ്ങാന്‍ പദ്ധതിയുണ്ടോ? കാറില്‍ ഉറപ്പായും ഇടംപിടിക്കേണ്ട 5 സുരക്ഷാ ഫീച്ചറുകള്‍
ഭാരക്കുറവാണ് പുതിയ സ്വിഫ്റ്റിന്റെ മറ്റൊരു ആകര്‍ഷണം. ഭാരക്കുറവിന്റെ പശ്ചാത്തലത്തില്‍ മികവാര്‍ന്ന ഇന്ധനക്ഷതയും പ്രകടനവും ഹാച്ച്ബാക്ക് കാഴ്ചവെക്കുമെന്നാണ് വിലയിരുത്തല്‍.
എന്തായാലും എഞ്ചിന്‍ മുഖത്ത് കാര്യമായ മാറ്റങ്ങള്‍ പ്രതീക്ഷിക്കേണ്ടതില്ലെന്നാണ് ഇപ്പോള്‍ ലഭിക്കുന്ന സൂചന. 1.2 ലിറ്റര്‍ പെട്രോള്‍, 1.3 ലിറ്റര്‍ ടര്‍ബ്ബോചാര്‍ജ്ഡ് ഡീസല്‍ എഞ്ചിനുകളില്‍ മൂന്നാം തലമുറ സ്വിഫ്റ്റ് വിപണിയില്‍ എത്തും.
82 bhp കരുത്തും 112 Nm torque ഉം ഉത്പാദിപ്പിക്കുന്നതാകും പെട്രോള്‍ എഞ്ചിന്‍. അതേസമയം 74 bhp കരുത്തും 190 Nm torque മാണ് സ്വിഫ്റ്റിന്റെ ഡീസല്‍ പതിപ്പ് പരമാവധി ഉത്പാദിപ്പിക്കുക.
പെട്രോള്‍, ഡീസല്‍ പതിപ്പുകളില്‍ 5 സ്പീഡ് മാനുവല്‍ ഗിയര്‍ബോക്‌സ് സ്റ്റാന്‍ഡേര്‍ഡ് ഫീച്ചറായി ഒരുങ്ങും. ഒപ്പം ഓട്ടോ ഗിയര്‍ ഷിഫ്റ്റ് (AGS) ഓപ്ഷനും പുതിയ ഹാച്ച്ബാക്കില്‍ കമ്പനി ലഭ്യമാക്കുമെന്നാണ് സൂചന.
എബിഎസും മുന്‍എയര്‍ബാഗും വേരിയന്റുകളില്‍ ഉടനീളം സ്റ്റാന്‍ഡേര്‍ഡ് ഫീച്ചറായി ഇടംപിടിക്കും.
Source: BusinessLine
Trending On DriveSpark Malayalam:
കിസാഷി, വെര്‍സ, എ-സ്റ്റാര്‍...; മാരുതിയെ ഞെട്ടിച്ച 7 വമ്പന്‍ പരാജയങ്ങള്‍
തുടങ്ങിയത് ഔഡി, തകര്‍ത്താടിയത് ബിഎംഡബ്ല്യു, അവസാനിപ്പിച്ചത് ബെന്റ്‌ലി; വിപണി കണ്ട തുറന്ന പോര്
Trending DriveSpark YouTube Videos
Subscribe To DriveSpark Malayalam YouTube Channel - Click Here
