ഇന്ത്യൻ വിപണിയിൽ ഉടൻ പുറത്തിറങ്ങാനൊരുങ്ങി 2020 ഔഡി RS7

4.0 ലിറ്റർ ട്വിൻ-ടർബോ V8 പെട്രോൾ എഞ്ചിന്റെ നവീകരിച്ച പതിപ്പാണ് അവസാന തലമുറ‌ RS7 -ന്റെ ഹൃദയം. ഇപ്പോൾ 48V മൈൽഡ്-ഹൈബ്രിഡ് സിസ്റ്റവുമായി പെട്രോൾ യൂണിറ്റ് ഘടിപ്പിച്ചിരിക്കുന്നു.

മുൻ തലമുറ മോഡൽ ഉത്പാദിപ്പിച്ചിരുന്ന 560 bhp കരുത്തും 700 Nm torque കണക്കുകളുമായി താരതമ്യപ്പെടുത്തുമ്പോൾ പുതിയ മോഡൽ പരമാവധി 600 bhp കരുത്തും 800 Nm torque എഞ്ചിൻ പുറപ്പെടുവിക്കുന്നു.

MOST READ: ബിഎസ് IV വാഹനങ്ങളുടെ വില്‍പ്പന; ഇളവുകള്‍ ഡീലര്‍മാര്‍ ദുരുപയോഗം ചെയ്‌തെന്ന് സുപ്രീംകോടതി

ഔഡി ക്വാട്രോ AWD, എട്ട് സ്പീഡ് ടോർക്ക് കൺവെർട്ടർ ഗിയർബോക്സ് എന്നിവ വഴി നാല് വീലുകളിലേക്കും പവർ അയയ്ക്കുന്നു. സൂപ്പർ സെഡാന് 3.6 സെക്കൻഡിൽ 0-100 കിലോമീറ്റർ വേഗത കൈവരിക്കാൻ കഴിയും.

സ്റ്റാൻഡേർഡ് A7 -നുമായി RS7 രൂപഘടന പങ്കിടുന്നു. എന്നാൽ ബോണറ്റ്, മുൻ ഡോറുകൾ, ബൂട്ട് ലിഡ് എന്നിവ മാത്രമാണ് ഇവയിൽ പൊതുവായ ബോഡി പാനലുകൾ.

MOST READ: കൊവിഡ്-19; മഹാരാഷ്ട്ര സർക്കാരിന് ആംബുലൻസുകൾ വാഗ്ദാനം ചെയ്ത് മഹീന്ദ്ര

RS7 -ൽ വിശാലവും വിപുലമായ എയർ ഡാമുകളും ഗ്ലോസ്സ് ബ്ലാക്ക് ഹണി‌കോമ്പ് ഗ്രില്ലുമുള്ള കൂടുതൽ‌ അഗ്രസ്സീവായ ഫ്രണ്ടൽ‌ സ്റ്റൈലിംഗുമാണ്.

RS -ന്റെ സാധാരണ ഓവൽ എക്‌സ്‌ഹോസ്റ്റുകൾക്ക് ചുറ്റുമുള്ള വലിയ ഡിഫ്യൂസർ ഫീച്ചർ ചെയ്യുന്ന ബമ്പറാണ് പിൻ ഭാഗത്തിന്റെ പ്രധാന ആകർഷണം.

MOST READ: മാരുതി സ്വിഫ്റ്റ് വിപണിയിൽ എത്തിയിട്ട് 15 വർഷം, വിറ്റഴിച്ചത് 22 ലക്ഷത്തിലധികം യൂണിറ്റുകൾ

സ്റ്റാൻഡേർഡായി 21 ഇഞ്ച് റിംസാണ് വാഹനത്തിൽ വരുന്നത്, വിദേശ വിപണികളിൽ 22 ഇഞ്ച് റിംസ് ഒരു ഓപ്ഷനായി നിർമ്മാതാക്കൾ വാഗ്ദാനം ചെയ്യുന്നുണ്ട്.

പുതുതലമുറ മോഡലിൽ ഇരട്ട-ടച്ച്‌സ്‌ക്രീൻ ലേയൗട്ടാണ് ഇന്റീരിയറിന്റെ പ്രധാന മാറ്റം. അൽകന്റാര ട്രിം, വലിയ പാഡിൽ‌ഷിഫ്റ്ററുകളുള്ള RS സ്റ്റിയറിംഗ് എന്നിവ ക്യാബിനെ ക്ലാസ്സിയാക്കുന്നു.

MOST READ: കിയ സെൽറ്റോസിന് വെല്ലുവിളിയുമായി മഹീന്ദ്ര XUV400, എഞ്ചിൻ സവിശേഷതകൾ അറിയാം

അന്താരാഷ്ട്ര വിപണികളിൽ‌, RS7 -നെ അഞ്ച് സീറ്റുകളുള്ള പതിപ്പായി ഔഡി വിൽപ്പനയ്ക്ക് എത്തിക്കുന്നു. ഇന്ത്യയെ സംബന്ധിച്ചിടത്തോളം ഔഡി, ഉപഭോക്താക്കൾക്ക് തങ്ങളുടെ മുഴുവൻ കസ്റ്റമൈസേഷൻ കാറ്റലോഗും വാഗ്ദാനം ചെയ്യുമെന്ന് ഉറപ്പാണ്.

ഔഡി RS7 -ന് 1.7 കോടി രൂപ വരെ എക്സ-ഷോറൂം വിലയുണ്ടാകും, ഇത് മെർസിഡീസ് AMG E63 S, ബിഎംഡബ്ല്യു M5 കോംപറ്റീഷൻ പോലുള്ള മോഡലുകളുടെ അതേ വിലയിൽ ആയിരിക്കും.