കിയ സെൽറ്റോസിന് വെല്ലുവിളിയുമായി മഹീന്ദ്ര XUV400, എഞ്ചിൻ സവിശേഷതകൾ അറിയാം

കൂടാതെ ഇന്ത്യൻ വിപണിയിൽ ഒരു പുതിയ എംപിവിയിലും കമ്പനികൾ പ്രവർത്തിക്കുന്നുണ്ടെന്നാണ് സൂചന. ഫോർഡിന്റെ വരാനിരിക്കുന്ന സി-എസ്‌യുവി അടുത്ത തലമുറ മഹീന്ദ്ര XUV500-യുടെ പ്ലാറ്റ്ഫോം ഉപയോഗിക്കും.

കിയ സെൽറ്റോസ്, ഹ്യുണ്ടായി ക്രെറ്റ, തുടങ്ങിയവ ശക്തരായ മോഡലുകളെ എതിർക്കുന്നതിനായി മഹീന്ദ്ര ഒരു പുതിയ മിഡ്-സൈസ് എസ്‌യുവിയിലും പ്രവർത്തിക്കുന്നുണ്ട്. ഈ എസ്‌യുവിയെ അടിസ്ഥാനമാക്കിയുള്ള ബി-സെഗ്മെന്റ് എസ്‌യുവിയും ഫോർഡ് അവതരിപ്പിക്കും.

MOST READ: ക്യാമറക്കണ്ണില്‍ കുടുങ്ങി ടാറ്റ വിങ്ങര്‍ ഫെയ്‌സ്‌ലിഫ്റ്റ്; കാണാം സ്‌പൈ ചിത്രങ്ങള്‍

ഓട്ടോകാർ ഇന്ത്യയുടെ അഭിപ്രായത്തിൽ മഹീന്ദ്ര XUV400 എന്ന് വിളിക്കപ്പെടാൻ സാധ്യതയുള്ള മിഡ്-സൈസ് എസ്‌യുവി 2022 സാമ്പത്തിക വർഷത്തിൽ അതായത് മിക്കവാറും 2021-ന്റെ അവസാനത്തിൽ വിപണിയിലെത്തും.

വരാനിരിക്കുന്ന ഈ മോഡൽ XUV300 കോംപാക്‌ടിനും XUV500 പതിപ്പിനും ഇടയിലായിരിക്കും സ്ഥാനംപിടിക്കും. അതേസമയം ഫോർഡിന്റെ മിഡ്-സൈസ് എസ്‌യുവി 2021 അവസാനത്തോടെ അവതരിപ്പിക്കുമെന്നാണ് റിപ്പോർട്ട്.

MOST READ: ഫോക്‌സ്‌വാഗണ്‍ ടിഗുവാന്‍ ഓള്‍സ്‌പേസ് ഡീലര്‍ഷിപ്പില്‍ എത്തി; ഡെലിവറി ഉടന്‍

മഹീന്ദ്രയുടെയും ഫോർഡിന്റെയും എസ്‌യുവികൾ മിക്ക ഘടകങ്ങളും സവിശേഷതകളും സാങ്കേതികവിദ്യയും പങ്കുവെക്കുമെന്നാണ് സൂചന. പുതിയ മോഡലുകൾ ഒരേ മോണോകോക്ക് ഫ്രണ്ട്-വീൽ ഡ്രൈവ് പ്ലാറ്റ്ഫോം പങ്കിടും. വരാനിരിക്കുന്ന എസ്‌യുവികൾക്ക് മഹീന്ദ്രയുടെ G15 1.5 ലിറ്റർ ടർബോചാർജ്ഡ് പെട്രോൾ എഞ്ചിൻ ലഭിക്കും. അത് 2020 ഓട്ടോ എക്‌സ്‌പോയിൽ കമ്പനി പ്രദർശിപ്പിച്ചിരുന്നു.

ഡയറക്ട്-ഇഞ്ചക്ഷൻ യൂണിറ്റിന് 163 bhp പവറും 280 Nm torque ഉം ഉത്പാദിപ്പിക്കാൻ കഴിയും. വിദേശത്ത് വിൽക്കുന്ന സാങ്‌യോങ് കൊരണ്ടോ എസ്‌യുവിയെയും ഇത് ശക്തിപ്പെടുത്തുന്നു എന്നത് ശ്രദ്ധേയമാണ്. ഈ എഞ്ചിൻ വരാനിരിക്കുന്ന ബിഎസ്-VI മഹീന്ദ്ര മറാസോ പെട്രോളിനും കരുത്തേകും. 1.2 ലിറ്റർ ടർബോചാർജ്ഡ് പെട്രോൾ, 2.0 ലിറ്റർ ടർബോചാർജ്ഡ് പെട്രോൾ എഞ്ചിനുകളും എംസ്റ്റാലിയൻ ശ്രേണിയിൽ ഉൾപ്പെടുന്നു.

MOST READ: 15,000 രൂപ ഡൗൺ‌പെയ്‌മെന്റിൽ ബുള്ളറ്റ് സ്വന്തമാക്കാം

1.2 ലിറ്റർ യൂണിറ്റ് സമീപഭാവിയിൽ മഹീന്ദ്ര XUV300 സ്പോർട്സിന് കരുത്ത് പകരും. വാസ്തവത്തിൽ ഈ യൂണിറ്റ് ഫോർഡ് ഇക്കോസ്പോർട്ടിലും ഇടംപിടിക്കും. അടുത്തിടെ നിർത്തലാക്കിയ 1.0 ലിറ്റർ ടർബോചാർജ്ഡ് പെട്രോൾ എഞ്ചിന് പകരമായി ഇത് വാഹനത്തിൽ എത്തും.

അതോടൊപ്പം 1.5 ലിറ്റർ ടർബോചാർജ്ഡ് യൂണിറ്റാകാൻ സാധ്യതയുള്ള ഡീസൽ എഞ്ചിനും പുതിയ മോഡലുകൾക്ക് ലഭിക്കും. മറാസോയിൽ ഈ ഡീസൽ എഞ്ചിൻ 120 bhp കരുത്തിൽ 300 Nm torque സൃഷ്ടിക്കാൻ ശേഷിയുള്ളതാണ്. വരാനിരിക്കുന്ന മിഡ്-സൈസ് എസ്‌യുവികളുടെ നീളം ഏകദേശം 4.3 മീറ്ററാകും.