പുതിയ തന്ത്രങ്ങൾ പയറ്റാൻ ഹോണ്ട; ഇന്ത്യയിൽ HR-V എസ്‌യുവിയെ അവതരിപ്പിച്ചേക്കും

നിലവിൽ ഇന്ത്യയിൽ ഹോണ്ട വിൽക്കുന്ന ഏറ്റവും ചെലവേറിയ മോഡലാണ് ഹോണ്ട സിറ്റി. ഈ പുതിയ ഉൽ‌പ്പന്ന പുനക്രമീകരണ പ്രക്രിയയുടെ ഭാഗമായി വിപണിയിൽ പുതിയ മിഡ്-സൈസ് എസ്‌യുവി പുറത്തിറക്കാനാണ് ഹോണ്ട ഒരുങ്ങുന്നത്.

ഹ്യുണ്ടായി ക്രെറ്റയുമായി മത്സരിക്കുന്നതിനായി ഹോണ്ട HR-V ഇന്ത്യയിൽ അവതരിപ്പിക്കാൻ ഒരുങ്ങുന്നതായാണ് സൂചന. അതായത് പുതിതായി ഒരുക്കുന്ന വാഹനത്തിന്റെ മൂന്നാം തലമുറ പതിപ്പിനെയാകും കമ്പനി ഇന്ത്യക്കായി എത്തിക്കുക.

MOST READ: ഇന്ത്യയിൽ ഇലക്‌ട്രിക് വാഹനങ്ങളിലേക്ക് ശ്രദ്ധകേന്ദ്രീകരിക്കാൻ ഹോണ്ട

നിലവിൽ ആഗോള വിപണിയിൽ ഏറെ ശ്രദ്ധപിടിച്ചുപറ്റിയ ജനപ്രിയ മോഡലാണ് HR-V. അന്താരാഷ്ട്രതലത്തിൽ നിലവിൽ ഹോണ്ട എസ്‌യുവിയുടെ മൂന്നാംതലമുറ ആവർത്തനത്തിന്റെ പരീക്ഷണയോട്ട ഘട്ടത്തിലാണ്.

HR-V എസ്‌യുവിയുടെ ഔദ്യോഗിക അവതരണ തീയതി കൃത്യമായി ലഭ്യമല്ലെങ്കിലും അടുത്ത വർഷാവസാനത്തോടെ വിൽപ്പനയ്ക്ക് എത്തിക്കുമെന്നാണ് പ്രതീക്ഷിക്കുന്നത്. ഇത് യഥാർഥത്തിൽ ഒരു മികച്ച നീക്കം തന്നെയാണ്. കാരണം സബ്-4 മീറ്റർ കോംപാക്‌ട്, കോംപാക്‌ട് എസ്‌യുവി സെഗ്‌മെന്റുകൾ ഇന്ത്യൻ വിപണിയിൽ വളരെ ജനപ്രിയമുള്ളവയാണ്.

MOST READ: ഫോർച്യൂണർ ഫെയ്‌സ്‌ലിഫ്റ്റ് 2021 ജനുവരി 6 -ന് അവതരിപ്പിക്കാനൊരുങ്ങി ടൊയോട്ട

എസ്‌യുവികളുടെ ജനപ്രീതി കണ്ട് ഹോണ്ട ഇതിനകം തന്നെ HR-V ഇന്ത്യൻ വിപണിയിൽ അവതരിപ്പിക്കാൻ ആലോചിച്ചിരുന്നു. എന്നാൽ പിന്നീട് തീരുമാനം മാറ്റുകയായിരുന്നു. ഇപ്പോൾ ചർച്ചകൾ വീണ്ടും സജീവമായതോടെ കാറിന്റെ അരങ്ങേറ്റം ഹോണ്ടയെ രാജ്യത്തെ ഉൽപ്പന്ന പോർട്ട്‌ഫോളിയോ വിപുലീകരിക്കാൻ അനുവദിക്കും.

അടുത്ത വർഷം അന്താരാഷ്ട്ര തലത്തിൽ വിപണിയിലെത്തുന്ന ഏറ്റവും പുതിയ തലമുറ മോഡൽ തന്നെ ഇന്ത്യക്ക് ലഭിക്കുമെന്നാണ് പ്രതീക്ഷിക്കുന്നത്. 5 സീറ്റർ എസ്‌യുവിയായ ഇത് BR-V ഒഴിഞ്ഞ ഇടം കൈവശമാക്കും. ഇന്ത്യയിലെ ഹോണ്ടയ്ക്ക് മത്സരാധിഷ്ഠിതമായി വില നൽകിയാൽ ഇത് വിപണി കീഴടക്കാൻ പ്രാപ്തമായിരിക്കുമെന്നാണ് കണക്കുകൂട്ടലുകൾ.

MOST READ: നോയിഡ പ്ലാന്റ് അടച്ചതോടെ സിവിക്, CR-V മോഡലുകളുടെ വില്‍പ്പന അവസാനിപ്പിച്ച് ഹോണ്ട

ഹോണ്ട HR-V-യിൽ എൽഇഡി ഹെഡ്‌ലാമ്പുകൾ, വൈഡ് ഫ്രണ്ട് ഗ്രിൽ തുടങ്ങിയ സിഗ്നേച്ചർ ഘടകങ്ങൾ ലഭിക്കുമെന്ന് പ്രതീക്ഷിക്കുന്നു. ഹ്യുണ്ടായി ക്രെറ്റയെപ്പോലെ പ്രീമിയം ലുക്കിംഗ് എസ്‌യുവിയാണിത്.

അതോടൊപ്പം തന്നെ സെഗ്‌മെന്റിലെ മറ്റേതൊരു എസ്‌യുവിയേയും പോലെ വീൽ ആർച്ചുകൾക്ക് ചുറ്റും കട്ടിയുള്ള ക്ലാഡിംഗുകൾ, ഡ്യുവൽ ടോൺ മെഷീൻ കട്ട് അലോയ് വീലുകൾ, എൽഇഡി ടെയിൽ ലൈറ്റുകളുള്ള മസ്കുലർ ലുക്കിംഗ് റിയർ എന്നിവയും ഇതിന് ലഭിക്കും. രൂപത്തിന്റെ കാര്യത്തിൽ HR-V ഒരു എസ്‌യുവി എന്നതിനേക്കാൾ ക്രോസ്ഓവർ ശൈലിയായിരിക്കും മുന്നോട്ടുകൊണ്ടുപോവുക.

അകത്ത് ഒരു ആധുനിക ഹോണ്ട കാർ വാഗ്ദാനം ചെയ്യുന്ന എല്ലാ സവിശേഷതകളും ഇത് വാഗ്ദാനം ചെയ്യും. ആൻഡ്രോയിഡ് ഓട്ടോ, ആപ്പിൾ കാർ പ്ലേ ന്നിവയെ പിന്തുണയ്ക്കുന്ന ഒരു ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റം എസ്‌യുവിക്ക് ലഭിക്കും. പുതിയ ജെൻ ഹോണ്ട സിറ്റി പോലുള്ള കണക്റ്റ് കാർ സവിശേഷതകളും ഇന്റീരിയറിനെ അഭിമുഖീകരിക്കും.

ഇന്ത്യയിൽ 1.8 ലിറ്റർ നാച്ചുറലി ആസ്പിറേറ്റഡ് പെട്രോൾ, 1.5 ലിറ്റർ പെട്രോൾ ഹൈബ്രിഡ്, 1.5 ലിറ്റർ ഡീസൽ എഞ്ചിൻ ഓപ്ഷനുകൾ ഹോണ്ട കൊണ്ടുവരുമെന്ന് പ്രതീക്ഷിക്കുന്നു.

1.5 ലിറ്റർ ടർബോ പെട്രോൾ വേരിയന്റ് ഹോണ്ട ആദ്യഘട്ടത്തിൽ അവതരിപ്പിക്കാനുള്ള സാധ്യതയും തള്ളിക്കളയാനാവില്ല. മാനുവൽ, ഓട്ടോമാറ്റിക് ഗിയർബോക്സ് ഓപ്ഷൻ ഉപയോഗിച്ച് HR-V തെരഞ്ഞെടുക്കാൻ സാധിക്കും.