Click it and Unblock the Notifications
ക്ലച്ച് പെഡലുകൾക്ക് വിരാമം; ഇന്റലിജന്റ് മാനുവൽ ട്രാൻസ്മിഷൻ അവതരിപ്പിച്ച് ഹ്യുണ്ടായി വെന്യു
വെന്യു കോംപാക്ട് എസ്യുവിക്ക് പുതിയ ട്രാൻസ്മിഷൻ സാങ്കേതികവിദ്യ ഉടൻ അവതരിപ്പിക്കുമെന്ന് ഹ്യുണ്ടായി അറിയിച്ചു. ഇന്റലിജന്റ് മാനുവൽ ട്രാൻസ്മിഷൻ (iMT) എന്ന് വിളിക്കപ്പെടുന്ന ഗിയർബോക്സ് ഈ മാസം അവസാനം 120 bhp കരുത്ത് പുറപ്പെടുവിക്കുന്ന 1.0 ലിറ്റർ, ഡയറക്ട്-ഇഞ്ചക്ഷൻ, ടർബോ-പെട്രോൾ എഞ്ചിൻ ഉപയോഗിച്ച് അവതരിപ്പിക്കും.
മാനുവൽ, ഓട്ടോമാറ്റിക് ട്രാൻസ്മിഷനുകളുടെ കരുത്ത് സംയോജിപ്പിക്കുന്നതിന് ഫസ്റ്റ്-ഇൻ-ഇൻഡസ്ട്രി ഗിയർബോക്സ് സാങ്കേതികവിദ്യ ഹ്യുണ്ടായി വാഗ്ദാനം ചെയ്യുന്നു.
ഈ ടു-പെഡൽ, ക്ലച്ച്-ലെസ് സിസ്റ്റം മാനുവൽ, ഓട്ടോമാറ്റിക് ഗിയർബോക്സുകളുടെ ഒരു സങ്കരയിനമായി നിങ്ങൾക്ക് ചിന്തിക്കാം. ഗിയറുകൾ മാറ്റുന്നതിനുള്ള ചുമതല ഒരു പരമ്പരാഗത മാനുവൽ ഗിയർബോക്സിലെന്നപോലെ ഡ്രൈവർക്ക് തന്നെയാണ്, എന്നിരുന്നാലും iMT ഒരു ക്ലച്ച് പെഡലിന്റെ ആവശ്യകതയെ പൂർണ്ണമായും ഒഴിവാക്കുന്നു.
ഡ്രൈവർ ഗിയറുകൾ മാറ്റാൻ പോകുമ്പോൾ ഗിയർ ലിവറുമായി ഒരു ഇന്റൻഷൻ സെൻസർ ഉപയോഗിച്ച് ട്രാൻസ്മിഷൻ കൺട്രോൾ യൂണിറ്റിനെ (TCU) അറിയിക്കുന്ന സാങ്കേതികവിദ്യ ഒരുക്കുന്നു എന്ന് ഹ്യുണ്ടായി പറയുന്നു.
ഡ്രൈവർ ഗിയറുകൾ മാറ്റുമ്പോൾ ക്ലച്ച് പ്ലേറ്റിൽ എൻഗേജ് ചെയ്യാനും വിച്ഛേദിക്കാനും TCU ഒരു ഹൈഡ്രോളിക് ആക്യുവേറ്ററിന് നിർദ്ദേശം നൽകുന്നു.
MOST READ: താരപദവി വീണ്ടെടുത്ത് ഹ്യുണ്ടായി ക്രെറ്റ, ജൂണിലെ വിൽപ്പനയിലും സെൽറ്റോസിനെ മറികടന്നു
ഇരട്ട പെഡൽ സംവിധാനം ഒരു ക്ലച്ച് പെഡൽ മാനുവലായി പ്രവർത്തിപ്പിക്കേണ്ടതിന്റെ ആവശ്യകതയെ ഇല്ലാതാക്കുന്നു, ഇത് സ്റ്റാർട്ട്-സ്റ്റോപ്പ് സിറ്റി ട്രാഫിക്കിൽ ഡ്രൈവിംഗിന്റെ സമ്മർദ്ദം ഒഴിവാക്കും.
എന്നിരുന്നാലും, ഗിയറുകൾ മാനുവലായി മാറ്റാൻ ഡ്രൈവറെ അനുവദിച്ചുകൊണ്ട് പരമ്പരാഗത ഗിയർബോക്സുമായി ബന്ധപ്പെട്ട ഡ്രൈവിംഗിന്റെ അനുഭവം നിലനിർത്തുക എന്നതാണ് ഇതിന്റെ ലക്ഷ്യം.
ടോർക്ക് കൺവെർട്ടർ ഓട്ടോമാറ്റിക് ട്രാൻസ്മിഷൻ പോലെ ഇന്ധനക്ഷമതയിലും പ്രകടനത്തിലും വിട്ടുവീഴ്ച ചെയ്യാതെ iMT സൗകര്യം നിലകൊള്ളും എന്ന് ഹ്യുണ്ടായി പറയുന്നു.
നിലവിൽ 1.0 GDI ടർബോ-പെട്രോൾ എഞ്ചിനൊപ്പം ആറ് സ്പീഡ് മാനുവൽ, ഏഴ് സ്പീഡ് DCT ഓട്ടോ ബോക്സ് ഗിയർബോക്സുകളാണ് വെന്യു വാഗ്ദാനം ചെയ്യുന്നത്.
MOST READ: ബിഎസ്-VI കരുത്തിൽ ബിഎംഡബ്ല്യു G310 ഇരട്ടകൾ എത്തുന്നു, പരീക്ഷണയോട്ട ചിത്രങ്ങൾ പുറത്ത്
ജൂലൈ മാസത്തിൽ ഒരു ലോഞ്ച് അണിനിരക്കുന്നതോടെ, ഹ്യുണ്ടായി തങ്ങളുടെ സഹോദര കമ്പനിയായ കിയയെ തനതായ iMT സാങ്കേതികവിദ്യ ഇന്ത്യൻ വിപണിയിലെത്തിക്കുന്നതിലൂടെ പിന്നിലാക്കും.
സോനെറ്റ് കോംപാക്ട് എസ്യുവിയുടെ പ്രൊഡക്ഷൻ പതിപ്പ് iMT ഗിയർബോക്സുമായി അരങ്ങേറുമെന്ന് കിയ നേരത്തെ ഓട്ടോ എക്സ്പോയിൽ അറിയിച്ചിരുന്നു.
Continue with Google