MC20 -ക്ക് പിന്നാലെ ഗ്രെക്കേൽ എസ്‌യുവിയുടെ ടീസർ പുറത്തിറക്കി മസെരാട്ടി

കമ്പനി ലെവാന്റെ അവതരിപ്പിച്ചിട്ട് നാല് വർഷമായി, പുതിയ എസ്‌യുവി / ക്രോസ്ഓവർ ആരംഭിക്കുന്നതിലൂടെ മസേരട്ടി തങ്ങളുടെ എസ്‌യുവി പോർട്ട്‌ഫോളിയോ ശക്തിപ്പെടുത്താൻ ശ്രമിക്കുകയാണ്.

ഫെറാറിയുടെ F1 സാങ്കേതികവിദ്യയെ അടിസ്ഥാനമാക്കി കൺവേർട്ടിബിൾ, ഇലക്ട്രിക്, ൻ6 പതിപ്പുകളിൽ വാഗ്ദാനം ചെയ്യുന്ന എംസി 20 സ്‌പോർട്‌സ് കാർ പുറത്തിറക്കിയതിന് ശേഷമാണ് പുതിയ എസ്‌യുവിയുടെ വിരവങ്ങൾ പുറത്തു വരുന്നത്.

MOST READ: ഇലക്ട്രിക് വാഹന നയം; ബാങ്ക് അക്കൗണ്ടില്‍ സബ്‌സിഡി നിക്ഷേപിക്കുമെന്ന് ഡല്‍ഹി സര്‍ക്കാര്‍

കൂടുതൽ കോം‌പാക്റ്റ് പതിപ്പായതിനാൽ ലെവന്റെയേക്കാൾ കുറഞ്ഞ വിലയായിരിക്കും ഗ്രെക്കേലിനുണ്ടാകുക. കൂടാതെ മെഡിറ്ററേനിയൻ കടലിന്റെ ശക്തമായ വടക്കുകിഴക്കൻ കാറ്റിന്റെ പേരിലാണ് ഇത് അറിയപ്പെടുന്നത്.

ആൽ‌ഫ റോമിയോ സ്റ്റെൽ‌വിയോ പുറത്തിറക്കുന്ന ഇറ്റലിയിലെ കാസിനോ പ്ലാന്റിലാണ് ആഡംബര എസ്‌യുവി നിർമ്മിക്കുക. മിസ്‌ട്രൽ, മെറാക്, ബോറ, ഖാംസിൻ, ഗിബ്ലി, ബോറ മോഡൽ നെയിംപ്ലേറ്റുകൾക്ക് സമാനമായി ഗ്രെക്കേലിന്റെ പേരും ഒത്തു പോകുന്നു.

MOST READ: ഇന്ധന വിലകൾ കുത്തനെ ഉയരുമ്പോൾ ഡീസലിനേക്കാൾ മെച്ചം സിഎൻജി തന്നെ

ഇറ്റാലിയൻ നിർമ്മാതാക്കൾ 800 മില്യൺ യൂറോയിലധികം ഈ നിർമ്മാണശാലയിൽ നിക്ഷേപം നടത്തി. ഗ്രെക്കേലിന് സ്റ്റെൽ‌വിയോയുമായി ധാരാളം സാമ്യമുണ്ടായിരിക്കും, അതിനാൽ ഉൽ‌പാദന രീതികൾ‌ കാര്യക്ഷമമാക്കും.

എന്നിരുന്നാലും, MC20 -ൽ എന്നപോലെ, ആൽ‌ഫ റോമിയോയുടെ എഞ്ചിനുമായി സമാനത പുലർത്തുന്നതിന് വിരുദ്ധമായി മസെരാട്ടി പവർ‌ട്രെയിൻ സ്വന്തമായി വികസിപ്പിച്ചെടുത്തു.

MOST READ: മലേഷ്യൻ വിപണിയിലേക്ക് ചുവടുവെച്ച് സെൽറ്റോസ്, കൂട്ടിന് പുത്തൻ 1.6 ലിറ്റർ എഞ്ചിനും

2022 -ൽ ഗ്രെക്കേലിന്റെ ഒരു ഇലക്ട്രിക് പതിപ്പും അവതരിപ്പിക്കുമെന്നാണ് റിപ്പോർട്ടുകൾ. ആഡംബരത്തിനൊപ്പം തന്നെ ഗ്രെക്കേൽ അതിന്റെ വിഭാഗത്തിലെ ഏറ്റവും പ്രായോഗികവുമായിരിക്കുമെന്ന് മസെരാട്ടി അവകാശപ്പെടുന്നു.

ക്ലാസ്-ലീഡിംഗ് ഹാൻഡിലിംഗ് സവിശേഷതകളും പ്രകടനവും ഇത് വാഗ്ദാനം ചെയ്യുന്നു. ആഗോള വിൽപ്പനയുടെ 90 ശതമാനവും സംഭാവന ചെയ്യുന്ന എസ്‌യുവികളെ ചുറ്റിപ്പറ്റിയാണ് മസെരാട്ടി ഭാവി തന്ത്രം കെട്ടിപ്പടുത്തത്.

MOST READ: ടാറ്റയെ പിന്തള്ളി മഹീന്ദ്ര; 2020 ഓഗസ്റ്റിലെ വാണിജ്യ വാഹന വില്‍പ്പന കണക്കുകള്‍

അങ്ങനെ, ബ്രാൻഡിനായി വിൽപ്പന വോളിയം നേടുന്നതിൽ ഗ്രെക്കേൽ ഒരു പ്രധാന പങ്ക് വഹിക്കും, സെഡാനുകളും സ്പോർട്സ് കാറുകളും ഇപ്പോൾ യഥാക്രമം 15 ശതമാനവും 5.0 ശതമാനവും മാത്രമാണ് വിൽപ്പന നേടുന്നത്. ഇലക്ട്രിക്, പരമ്പരാഗത പവർട്രെയിനുകൾക്ക് അനുയോജ്യമായ മോഡുലാർ പ്ലാറ്റ്ഫോമുകളിൽ നിക്ഷേപം നടത്തുകയാണ് മസെരാട്ടി.

MC20, ഗ്രെക്കേൽ എന്നിവ പോലെ, ഗ്രാൻ‌ടൂറിസ്മോയുടെയും ഗ്രാൻ‌കാബ്രിയോയുടെയും പകരക്കാർ‌ക്ക് ഒന്നിലധികം എഞ്ചിൻ‌ ചോയ്‌സുകൾ‌ ലഭിക്കും. കുറച്ച് മാസങ്ങൾക്ക് മുമ്പ് മസെരാട്ടി ഗിബ്ലിയുടെ ഹൈബ്രിഡ് പതിപ്പും അവതരിപ്പിച്ചിരുന്നു.