ചെറു വാൻ ഒരുങ്ങുന്നു; പുതിയ ടി-ക്ലാസിന്റെ ടീസർ പുറത്തു വിട്ട് മെർസിഡീസ് ബെൻസ്

ചെറിയ വാൻ സെഗ്‌മെന്റിനെ പരിപാലിക്കുന്ന ടി-ക്ലാസ് എന്നത് സ്വകാര്യ ഉപയോക്താക്കൾക്ക് വിനോദത്തിനായി പ്രായോഗികവും ഒതുക്കമുള്ളതുമായ വാൻ എന്ന ആശയത്തിൽ നിന്ന് ഉളവായതാണ്. നിർമ്മാതാക്കളുടെ ഇടത്തരം വാൻ മോഡലുകളായ വി-ക്ലാസിനേക്കാൾ ചെറുതായിരിക്കും ഇത്.

ടി-ക്ലാസ് മെർസിഡസിന്റെ സെൻസ്വൽ പ്യൂരിറ്റി ഡിസൈൻ ശൈലി അടിസ്ഥാനമാക്കിയുള്ളതായിരിക്കും. ടി-ക്ലാസിന്റെ രൂപകൽപ്പനയും അനുപാതവും കുടുംബങ്ങളെയും വിനോദസഞ്ചാരം ഇഷ്ടപ്പെടുന്നവരേയും ആകർഷിക്കുമെന്ന പ്രതീക്ഷയിലാണ് കമ്പനി.

MOST READ: ടൊയോട്ട അർബർ ക്രൂയിസർ സെപ്റ്റംബറിൽ എത്തും, ബുക്കിംഗ് ഉടൻ ആരംഭിച്ചേക്കുമെന്ന് സൂചന

ഇത്തരം ഉപഭോക്താക്കൾ ആകർഷകവും പ്രായോഗികവുമായ കോം‌പാക്ട് വാഹനങ്ങൾ തേടുന്നു എന്ന് മെർസിഡീസ് ബെൻസ് വാൻസ് മേധാവി മാർക്കസ് ബ്രെറ്റ്‌ഷ്വെർട്ട് പറയുന്നു.

വാൻ എന്ന് പറയുനമ്പോൾ തന്നെ ഏതൊരു മെർസിഡീസും ആയിരിക്കുന്നതുപോലെ ടി-ക്ലാസ് വളരെ ആകർഷകമാകുമെന്നതിൽ യാതൊരു സംശയും വേണ്ട എന്ന നിർമ്മാതാക്കൾ വ്യക്തമാക്കുന്നു.

MOST READ: ട്രക്ക് റാലി; ഇടുക്കിയിലെ വിവാദ വ്യവാസായിയുടെ അടുത്ത പൊല്ലാപ്പ്

ടി-ക്ലാസിന്റെ പുതിയ ലേയൗട്ടും രൂപകൽപ്പനയും ഉപയോഗിച്ച് തങ്ങൾ ഫംഗ്ഷനാലിറ്റിയും ഡിസൈറബിളിറ്റിയും കൂട്ടിച്ചേർക്കുന്നു എന്ന് ഡൈംലർ ഗ്രൂപ്പിന്റെ ചീഫ് ഡിസൈൻ ഓഫീസർ ഗോർഡൻ വാഗനർ പറയുന്നു.

പാസഞ്ചർ ട്രാൻസ്പോർട്ടേഷൻ പോലുള്ള പ്രവർത്തനങ്ങളോടെ ടി-ക്ലാസ് പ്രധാനമായും യൂട്ടിലിറ്റി, കംഫർട്ട് എന്നിവയിൽ ശ്രദ്ധ കേന്ദ്രീകരിക്കും. ഇരുവശത്തും സ്ലൈഡിംഗ് ഡോറുകളുടെ സജ്ജീകരണം എളുപ്പത്തിൽ വാഹനത്തിനുള്ളിൽ പ്രവേശിക്കാനും പുറത്തേക്ക് ഇറങ്ങാനും അനുവദിക്കുന്നു.

MOST READ: പരീക്ഷണയോട്ടം നടത്തി ടൊയോട്ട ഇന്നോവ ക്രിസ്റ്റ സിഎന്‍ജി; വിപണിയിലേക്ക് ഉടന്‍

വരാനിരിക്കുന്ന മെർസിഡീസ് ബെൻസ് ഓഫറിന്റെ ഇന്റീരിയറിന് മികച്ച മോഡുലാരിറ്റി പ്രതീക്ഷിക്കാം. പരമ്പരാഗത ഡ്രൈവ് സിസ്റ്റങ്ങളും പൂർണ്ണ-ഇലക്ട്രിക് വേരിയന്റും ഇതിൽ ഉൾപ്പെടുത്തും.

നിലവിൽ ചെറിയ വാൻ വിഭാഗത്തിൽ സിറ്റാൻ എന്ന മോഡലാണ് മെർസിഡീസ് ബെൻസിനെ പ്രതിനിധീകരിക്കുന്നത്. ഇത് 2012 -ലാണ് അവതരിപ്പിച്ചത്. എന്നിരുന്നാലും, വാണിജ്യപരമായി മാത്രമുള്ള ഒരു ഓഫറാണ് സിറ്റാൻ.

MOST READ: ഓഗസ്റ്റ് 1 മുതൽ ഇൻഷുറൻസ് ഇളവ്; വാഹനങ്ങൾ വാങ്ങാൻ ഇത് നല്ല കാലം

നിസ്സാൻ-റെനോ-മിത്സുബിഷിയുമായി സഹകരിച്ചാണ് ഈ മോഡൽ വികസിപ്പിച്ചത്. മെർസിഡീസ് ബെൻസ് ടി-ക്ലാസ് വികസനത്തിനും സമാനമായ വഴി കമ്പനി പിന്തുടരും.

സഖ്യം വികസിപ്പിച്ചെടുത്ത 1.3 ലിറ്റർ ടർബോ പെട്രോൾ എഞ്ചിനാണ് എ-ക്ലാസിലും ഇന്ത്യ-സ്പെക്ക് നിസാൻ കിക്കുകളിലും വ്യത്യസ്ത ട്യൂണിംഗുകളിൽ കാണപ്പെടുന്നത്.

2022 -ന്റെ ആദ്യ പകുതി മുതൽ കോംപാക്റ്റ് സിറ്റി വാൻ വാഗ്ദാനം ചെയ്യാൻ മെർസിഡീസ് ബെൻസ് പദ്ധതിയിടുന്നു. വാഹനം വളരെ പ്രയോജനപ്രദമാകുന്നതിനൊപ്പം മെർസിഡീസ് ബെൻസ് ബ്രാൻഡുമായി ബന്ധപ്പെട്ട ആഢംബരവും നൽകും എന്ന് പ്രതീക്ഷിക്കുന്നു.