ഹോണ്ടയുടെ കോംപാക്‌‍ട് എസ്‌യുവി അടുത്ത വർഷം ഇന്ത്യയിലേക്ക്

പുത്തൻ മോഡലുമായി സബ്-4 മീറ്റർ എസ്‌യുവി വിഭാഗത്തിലേക്ക് അടുത്ത വർഷം അരങ്ങേറ്റം കുറിക്കുമെന്നാണ് സൂചന. നിലവിൽ ആഭ്യന്തര വിപണിയിൽ ഏറ്റവും കൂടുതൽ മത്സരം നേരിടുന്ന വിഭാഗങ്ങളിൽ ഒന്നാണിത് എന്നത് ശ്രദ്ധേയം. മുകളിൽ സൂചിപ്പിച്ച മോഡലുകൾക്ക് പുറമെ മഹീന്ദ്ര XUV300, ഫോർഡ് ഇക്കോസ്പോർട്ട് എന്നിവയും ശ്രേണിയിലെ ശ്രദ്ധേയ താരങ്ങളാണ്.

അടിസ്ഥാനപരമായി ഈ വാഹനങ്ങളുടെ ഉയർന്ന ജനപ്രീതിയുടെ പ്രധാന കാരണം താങ്ങാനാവുന്നതും എസ്‌യുവി പോലുള്ള ഡ്രൈവിംഗ് സവിശേഷതകളുടെ മികച്ച മിശ്രിതവുമാണ് എന്നതിൽ തർക്കമില്ല. മിക്കവാറും എല്ലാ മുഖ്യധാരാ കാർ നിർമാതാക്കളും ഈ വിഭാഗത്തിൽ ഇതിനകം തന്നെ ശക്തമായ സാന്നിധ്യമാണ്. അല്ലെങ്കിൽ ബ്രാൻഡുകൾ കോംപാക്‌ട് എസ്‌യുവികളെ അവതരിപ്പിക്കാൻ ഒരുങ്ങുകയാണ്.

MOST READ: തയാറായി 2020 നിസാൻ കി‍‌ക്‌സ്, കൂടുതൽ വിവരങ്ങൾ പുറത്ത്

അതിലെ പ്രമുഖ ബ്രാൻഡുകളിൽ കിയയും ഹോണ്ടയും ഉൾപ്പെടുന്നു. മുൻ‌വർഷം സബ്-4 മീറ്റർ എസ്‌യുവിയെ കൊറിയൻ ബ്രാൻഡ് ഈ വർഷം ഓഗസ്റ്റിൽ അവതരിപ്പിക്കുമ്പോൾ ഹോണ്ട അടുത്ത വർഷം പകുതിയോടെ ആഗോള ഉൽ‌പന്നം പുറത്തിറക്കും. ഈ പുതിയ മോഡൽ ഉടൻ തന്നെ ഇന്ത്യയിലെത്തുമെന്നും കമ്പനി അറിയിച്ചിട്ടുണ്ട്.

ഇതുവരെ ഹോണ്ട കാർസ് ഇന്ത്യയ്ക്ക് സബ്-4 മീറ്റർ എസ്‌യുവി വിഭാഗത്തിൽ WR-V ഉണ്ടായിരുന്നെങ്കിലും ക്രോസ്ഓവർ പതിപ്പായ ഇത് പൂർണ കോംപാക്‌ട് എസ്‌യുവി അല്ല. കൂടുതൽ പരുക്കൻ സ്റ്റൈലിംഗ് പാക്കേജും ഉയർന്ന ഗ്രൗണ്ട് ക്ലിയറൻസും കാരണം ജാസ് അടിസ്ഥാനമാക്കിയുള്ള സ്യൂഡോ ക്രോസ്ഓവർ അതിന്റെ ബി 2-ഹാച്ച്ബാക്ക് സഹോദരങ്ങളേക്കാൾ മികച്ച പ്രകടനം കാഴ്‌ചവെച്ചു.

MOST READ: ലോക്ക്ഡൗണ്‍ ശരിക്കും പൂട്ടി; ഏപ്രിൽ മാസം ഒരു യൂണിറ്റ് പോലും വിൽപ്പന ഇല്ലാതെ ടൊയോട്ട

എന്നിരുന്നാലും അടുത്ത വർഷം കമ്പനി ഒരു സമ്പൂർണ സബ് കോംപാക്‌ട് എസ്‌യുവി വിപണിയിൽ എത്തിക്കും. അത് ഇന്ത്യയിൽ മാത്രമല്ല ചില അന്താരാഷ്ട്ര വിപണികളിലും വിൽക്കും. ഹോണ്ടയിൽ നിന്നുള്ള എല്ലാ പുതിയ ഉൽപ്പന്നവും കോംപാക്‌ട് സെഡാനായ അമേസുമായി അതിന്റെ പ്ലാറ്റ്ഫോം പങ്കിടും. അമേസിന്റെ ആർക്കിടെക്‌ചർ ഭാരം കുറഞ്ഞതും വ്യത്യസ്‌ത ബോഡി ശൈലികൾ എളുപ്പത്തിൽ ഉൾക്കൊള്ളാൻ പര്യാപ്‌തവുമാണ്.

രൂപകൽപ്പനയുടെ കാര്യത്തിൽ പുതിയ മോഡലിൽ ക്രോമിൽ അണിഞ്ഞൊരുങ്ങിയ മുൻ ഗ്രില്ലും പൂർണ എൽഇഡി ലൈറ്റിംഗ് ഫർണിച്ചറുകളും അവതരിപ്പിക്കുമെന്ന് പ്രതീക്ഷിക്കുന്നു. വിദേശത്ത് ലഭ്യമായ ഏറ്റവും പുതിയ തലമുറ ജാസുമായി ഇതിന് ചില ഡിസൈൻ സൂചനകൾ പങ്കിടാനും കഴിയും.

MOST READ: ബിഎസ്-VI കരുത്തിൽ മഹീന്ദ്ര XUV500 വിപണിയിൽ എത്തി; പ്രാരംഭ വില 13.20 ലക്ഷം

അന്താരാഷ്ട്ര തലത്തിൽ 1.0 ലിറ്റർ ടർബോ-പെട്രോളും 1.5 ലിറ്റർ ഹൈബ്രിഡ് പെട്രോൾ ഓപ്ഷനുകളും എഞ്ചിൻ ലൈനപ്പിൽ ലഭ്യമാകും. ഇന്ത്യയ്ക്ക് 1.2 ലിറ്റർ പെട്രോളും 1.5 ലിറ്റർ ഡീസൽ ഓപ്ഷനും ലഭിക്കും. ഇലക്ട്രിക് സൺറൂഫ്, ക്രൂയിസ് കൺട്രോൾ, വയർലെസ് സ്മാർട്ട്‌ഫോൺ ചാർജർ, വലിയ സ്‌ക്രീൻ ഇൻഫോടെയ്ൻമെന്റ് യൂണിറ്റ് തുടങ്ങിയ സവിശേഷതകളുമായി വരാനിരിക്കുന്ന മോഡലിന് സാധ്യതയുണ്ട്.

മത്സരാധിഷ്ഠിത വില പ്രാപ്‌തമാക്കാൻ ആഗ്രഹിക്കുന്നത്ര ഉയരത്തിൽ മോഡലിനെ പ്രാദേശികവൽക്കരിക്കാനാവില്ല എന്നത് ഹോണ്ട നിർദ്ദിഷ്‌ട കോംപാക്‌ട് എസ്‌യുവിക്ക് തിരിച്ചടിയാകുമോ എന്ന സംശയവും നിഴലിക്കുന്നു.