വിപണിയിൽ എത്തും മുമ്പ് നിസ്സാൻ മാഗ്നൈറ്റ് കോംപാക്ട്-എസ്‌യുവിയുടെ ഔദ്യോഗിക ടീസർ പുറത്ത്

പുതിയ നിസ്സാൻ B-എസ്‌യുവിയുടെ ടീസർ, ആകർഷകമായ എൽഇഡി ഹെഡ്‌ലാമ്പുകളുടെ ആദ്യ കാഴ്ച നൽകുന്നു. മുൻ ബമ്പറിലേക്കും താഴേക്ക് വ്യാപിക്കുന്ന ഇന്റഗ്രേറ്റഡ് എൽഇഡി ഡിആർഎല്ലുകളും ഹെഡ്‌ലാമ്പിനൊപ്പം കാണാൻ കഴിയും.

വളരെ ഷാർപ്പായി കാണപ്പെടുന്ന എൽഇഡി ഹെഡ്‌ലാമ്പുകളിൽ മാട്രിക്സ് ഡിസൈൻ നൽകിയിരിക്കുന്നു, L ആകൃതിയിലുള്ള എൽഇഡി ഡിആർഎല്ലുകൾക്കൊപ്പം ഇത് മികച്ച ഒരു സ്‌പോർടി ഫീൽ സൃഷ്ടിക്കുന്നു.

MOST READ: ഡൊമിനാർ 250-യുടെ പുത്തൻ പരസ്യ വീഡിയോ പുറത്തുവിട്ട് ബജാജ്

വരാനിരിക്കുന്ന നിസാൻ B-എസ്‌യുവിയിലെ വലിയ ഫ്രണ്ട് ഗ്രില്ലും ചിത്രം ചെറുതായി വെളിപ്പെടുത്തുന്നു. ഫെയ്‌സ്‌ലിഫ്റ്റഡ് ഡാറ്റ്സൺ റെഡി-ഗോ ഹാച്ച്ബാക്കിലെ ഗ്രില്ലിന് വളരെ സാമ്യമുള്ളതായി തോന്നുന്നു.

മുൻവശത്തെ ശ്രദ്ധേയമായ മറ്റ് ഘടകങ്ങളിൽ ഫ്രണ്ട് ബമ്പറിനു കീഴിലുള്ള സ്‌കിഡ്-പ്ലേറ്റുകളുടെ സാന്നിധ്യവും ഉൾപ്പെടുന്നു. ഒപ്പം വീൽ ആർച്ചുകളിലെ ബ്ലാക്ക് ഔട്ട് ക്ലാഡിംഗ് വാഹനത്തിന് ഒരു മസ്കുലാർ രൂപം നൽകുന്നു.

MOST READ: ജൂൺ മാസം 2,012 യൂണിറ്റ് വിൽപ്പനയുമായി എംജി, ഹെക്‌ടറിന് അഞ്ച് മാസത്തിനിടെ ലഭിച്ച ഉയർന്ന വിൽപ്പന

നിസ്സാൻ പുതിയ കോംപാക്ട്-എസ്‌യുവിക്ക് ചുവന്ന ഹൈലൈറ്റുകൾ ഫീച്ചർ ചെയ്യുന്ന വളരെ സ്റ്റൈലിഷ് ഡ്യുവൽ-ടോൺ അലോയി വീലുകളും നൽകിയിട്ടുണ്ട്. ഇത് മൊത്തം പ്രീമിയം രൂപകൽപ്പനയ്ക്ക് ആക്കം കൂട്ടുന്നു.

വരാനിരിക്കുന്ന എസ്‌യുവിയുടെ രൂപകൽപ്പന, കുറഞ്ഞത് ടീസർ ചിത്രങ്ങളിൽ നിന്ന് വളരെ പ്രതീക്ഷ നൽകുന്നതാണെന്നും ഇത് ഇന്ത്യൻ വിപണിയിൽ വളരെയധികം ശ്രദ്ധ പിടിച്ചുപറ്റുന്നതാണെന്നും തോന്നുന്നു.

MOST READ: പ്രതിമാസ വിൽപ്പനയിൽ ക്ലച്ച് പിടിച്ച് ടൊയോട്ട, ജൂണിൽ വിറ്റഴിച്ചത് 11,000 യൂണിറ്റുകൾ

പുതിയ നിസ്സാൻ B-എസ്‌യുവിയുടെ ഇന്റീരിയറിനെയോ ക്യാബിനെയോ കുറിച്ച് ഇപ്പോൾ ഒരു വിവരവുമില്ലെങ്കിലും, അതേ നിലവാരത്തിലുള്ള സ്‌പോർടി, പ്രീമിയം ഘടകങ്ങൾ അകത്തും ഉണ്ടാകുമെന്ന് നമുക്ക് പ്രതീക്ഷിക്കാം.

കണക്റ്റഡ് സാങ്കേതികവിദ്യയോടൊപ്പം ഒരുപക്ഷേ നിരവധി സവിശേഷതകളും ഫീച്ചറുകളും വരാനിരിക്കുന്ന കോംപാക്ട്-എസ്‌യുവിയിൽ നിസ്സാൻ വാഗ്ദാനം ചെയ്തേക്കാം.

MOST READ: മുഖംമിനുക്കി ലോകത്തിലെ ഏറ്റവും വേഗമേറിയ എസ്‌യുവി, ബെന്റ്‌ലി ബെന്റേഗ ഫെയ്‌സ്‌ലിഫ്റ്റ് വിപണിയിൽ

കോംപാക്ട്-എസ്‌യുവി ആഗോള പൈതൃകവും നൂതന സാങ്കേതികവിദ്യയും അടിസ്ഥാനമാക്കിയുള്ളതാണെന്ന് നിസ്സാൻ പറയുന്നു. പുതിയ കോംപാക്ട്-എസ്‌യുവി നിസ്സാന്റെ ആഗോള ഡിസൈൻ ഭാഷ മുന്നോട്ട് കൊണ്ടുപോകുകയും ചെയ്യും.

വരാനിരിക്കുന്ന കോംപാക്ട്-എസ്‌യുവിയിലെ പവർട്രെയിൻ ഓപ്ഷനുകൾ നിസ്സാൻ ഇതുവരെ സ്ഥിരീകരിച്ചിട്ടില്ല. എന്നിരുന്നാലും, പുതിയ എസ്‌യുവിയിൽ 2020 ഓട്ടോ എക്‌സ്‌പോയിലെ റെനോ സ്റ്റാൻഡിൽ പ്രദർശിപ്പിച്ചിരുന്ന 1.0 ലിറ്റർ ടർബോ-പെട്രോൾ എഞ്ചിൻ അവതരിപ്പിക്കുമെന്ന് ഞങ്ങൾ പ്രതീക്ഷിക്കുന്നു.

ഈ എഞ്ചിൻ 100 bhp കരുത്തും 160 Nm torque ഉം വാഗ്ദാനം ചെയ്യുന്നു. അഞ്ച് സ്പീഡ് മാനുവൽ ഗിയർബോക്‌സിലേക്ക് യൂണിറ്റ് ഇണചേരുമെന്ന് പ്രതീക്ഷിക്കുന്നു. നിസ്സാന് ഒരു ഓട്ടോമാറ്റിക് ട്രാൻസ്മിഷനും വാഹനത്തിൽ വാഗ്ദാനം ചെയ്യാൻ സാധ്യതയുണ്ട്.